VOV4.Sêdang - Tung hâi lơ 15/10 lâp kong pơlê Dak Lak châ hlo tơ’nôm 68 ngế tro tâ COVID-19. Tung mê, ki tơtrŏng má môi ai 7 ngế tro tâ tung pơlê pơla a pơlê kong kơdrâm Ƀuôn Ma Thuột. Tung 7 ngế kố, ai 4 ngế tung môi rơpŏng a bêng Ea Tam, 2 ngế a bêng Tân Thành ƀă 1 ngế a bêng Thành Nhất.

Kâng kơxái mơdât ôh tá ăm lo pa gong tíu mâu ngế tro tâ pơreăng rêh ối ƀă pêi cheăng vâ hbrâ mơdât pơreăng

Klêi kơ’nâi châ hlo mâu ngế tro tâ pơreăng, kơvâ ngăn pơkeăng ƀă khăm pơlât pơlê kong kơdrâm hiăng tơrŭm ƀă mâu khu cheăng ti tăng mâu ngế ki tro tâ ƀă tơkŭm kâng kơxái mơdât ôh tá ăm lo pa gong kơpong mâu ngế tro tâ pơreăng rêh ối ƀă mâu tíu ki vâi prôk troh. Tơdrêng amê, test rĕng pơreăng ăm mâu ngế ki tơdjâk. Ai lối 200 ngế hiăng châ tôe xo têa môh khăm ngăn ăm hlo âm tĭnh.

A Sa Ly tơplôu ƀă tơbleăng