VOV4.Sêdang -  Tiô ăm ‘nâi ing Khu hnê mơhno hbrâ mơdât pơreăng COVID-19 kong pơlê Dak Lak, ngế ki dương tính nếo châ ‘nâi mê cho ngoh T.V.X kot mâ hơnăm 1976 ối a thôn 5, cheăm Čư Mốt, tơring Ea H’Leo, kong pơlê Dak Lak. Ngoh T.V.X cho mơngế lăm pêi cheăng ukố umê a kơpong kơchơ Bình Điền, pơlê kong kân Hồ Chí Minh nếo vêh troh a pơlê.

Hâi lơ 4/7 ngoh T.V.X tât rơxế chơ tơmối ki vêh ngi Dak Lak, tung pơla to tung rơxế ngoh T.V.X ai truâ kên pâng môh, ôh tá tơpui ƀă ngế ki lâi tung rơxế. Troh kơxo lơ 5/7, klêi chu a rơxế a km 92 Troăng kân 14, ngoh T.V.X to rơxế hon đa vêh troh a hngêi pơkeăng cheăm Čư Mốt vâ tối tơbleăng tơná ăm hngêi pơkeăng, klêi mê, vêh dêi a hngêi bă ôh tá achê ngế ki lâi. Troh hâi lơ 6/7, ngoh T.V.X pro tơngê i iâ, lo kơchêi, lo têa môh hiăng lăm hngêi pơkeăng ƀă châ hnê tối thế lăm troh tíu khăm pơlât tơring Ea H’Leo khăm. Klêi khăm ngăn test rĕng, ăm hlo dương tính ƀă SARS-CoV-2. Klêi mê, xo khăm ngăn mơheăm ƀă túa RT- PCR ăm hlo dương tính ƀă SARS-CoV-2.

Gương tơplôu ƀă tơbleăng