VOV4.Sêdang - Drêng troh leh tơbâ 90 hơnăm hâi mơjiâng Đoân droh rơtăm Kŏng sản Hồ Chí Minh, hâi lơ 24/3, Khu pơkuâ ngăn Đoân Droh rơtăm kong pơlê Dak Lak ƀă Khu pơkuâ ngăn Đoân Droh rơtăm kong pơlê Dak Nông hiăng tơkŭm po tơdroăng trâm mâ mâu kăn ƀô̆ ing mâu rơxông mâu hneăng hdrối.

A rôh trâm mâ, mâu kăn hiăng tơbâ tơdroăng hmâ pêi pro ki lĕm tro dêi Đoân Droh rơtăm Kŏng sản Hồ Chí Minh, hlối tơpui tơno, tối mâu tơdroăng ki hmâ pêi ki kơnía, túa pêi cheăng ki ‘ló tro vâ hnê tơbleăng tơdroăng cheăng Đoân ƀă mơhnhôk mâu droh rơtăm, vâi o pêi châ tơ-ƀrê. 

Kăn ƀô̆ Đoân hơnăm ối nếo mơnê nhoăm hnoăng cheăng dêi mâu rơxông kăn ƀô̆ Đoân hdrối nah

Mâu hơnăm achê kố, Đoân Droh rơtăm Kŏng sản Hồ Chí Minh kong pơlê Dak Lak đi đo cho tíu pêi cheăng ki pê klêi mâu tơdroăng cheăng tung lâp tơnêi têa, djâ troăng ahdrối ‘na tơdroăng cheăng Đoân ƀă tơdroăng mơhnhôk vâi o dêi kơpong Tây Nguyên.

Rôh kố, pêi pro tiô tơdroăng pơcháu dêi Ngế xiâm pơkuâ ngăn Đoân Droh rơtăm Kŏng sản Hồ Chí Minh, Khu pơkuâ ngăn Đoân kong pơlê Dak Nông tơkŭm po leh tơbleăng pơkâ ăm mâu kăn ƀô̆ ƀă mâu hnoăng cheăng pơcháu cho Kăn phŏ hnê ngăn Đoân kong pơlê Dak Nông hneăng má 3, hneăng hơnăm 2017-2022.

Ing mê, ngoh Trương Văn Bình, Ngế xiâm pơkuâ mơhnhôk cheăng dêi khu pơkuâ ngăn Đoân, Kăn phŏ Hô̆i đong hnê ngăn khu droh rơtăm kong pơlê; nâ H’Hồng, Kăn hnê ngăn Đoân droh rơtăm tơring  Dak Glong rơtế ƀă châ rah xo pro Kăn phŏ dêi khu pơkuâ ngăn Đoân kong pơlê Dak Nông hneăng hơnăm 2017-2022.

Gương tơplôu ƀă tơbleăng