VOV4.Sêdang - Kơdroh, lơ ôh tá eâ thế nâp liăn [ă kuăn pơlê drêng xúa rơchôa, hno têa cho troăng hơlâ pơkâ dêi Đảng, dêi Tơnêi têa vâ kơdroh tah lôi mâu tơdroăng ki pá [ă vâi krâ nho\ng o, kum kuăn pơlê châ pêi tơdroăng chiâk deăng tơ’lêi hlâu. Ma luâ ti mê, tơdroăng hrá ‘no liăn kum ‘na rơchôa, hno têa dế pro pá ăm mâu khu tơru\m cheăng a tơring Krông Ana, kong pơlê Dak lak. Khu chêh hlá tơbeăng a Rơ’jíu Việt Nam kơpong Tây  Nguyên ai chêh tối ‘na tơdroăng mê.

Hơnăm 2006, Tơru\m cheăng tê mơdró pêi chiâk pêi deăng Quyết Tiến, pơlê kân {uôn Trăp, tơring Krông Ana châ mơjiâng tung tơdroăng ki tơru\m 3 tíu ki hrik têa [ă on tơhrik hiăng ai a tơring kố, kum tôh ăm lối 1 rơpâu ha báu klâng dêi 1 rơpâu 480 rơpo\ng kuăn pơlê pêi klâng khế 10, klâng kân A, B a pơlê kân {uôn Trăp [ă Bình Hòa. 3 tíu hrik têa châ pêi pro tơ-[rê, ivá tôh têi hiăng kum kuăn pơlê tơ’lêi hlâu tâ tung pêi chiâk deăng, klâng báu pơtối châ poê xo hên mê vâi krâ nho\ng o loi tơngah tung tơdroăng cheăng pêi pro dêi tíu cheăng. Pôa Hồ Hoàng, kăn pơkuâ tôh kơpho# 6, pơlê kâng {uôn Trăp ăm ‘nâi: Troh rơnó pêi peăng pá thôn ngin tơkêa hâi, chôu mê khu tơru\m cheăng ‘no tu\m têa, tíu ki lâi xo\n khu tơru\m cheăng xuân ‘nâi, tíu ki lâi thông khu tơru\m cheăng xuân ‘nâi há, khu tơru\m cheăng xing xoăng têa tơ’mô. Hâi kố, ‘noăng klâng ki kố, hâi hmôi ah ‘noăng klâng ki tá xua mê gá ai tu\m têa vâ pêi.

La pôa Trần Hữu Tiến, kăn pơkuâ khu tơru\m cheăng Quyết Tiến ăm ‘nâi tung rơnó la ngiâ, Khu tơru\m cheăng kô ôh tá pơtối kum têa tôh ăm kuăn pơlê xua ôh tá ai liăn. Mâu hơnăm hdrối, khu tơru\m cheăng k^ tơkêa tơdrêng [ă rêm rơpo\ng kuăn pơlê tung tơdroăng rak ngăn, tí tăng, rak vế ‘mâi rơnêu [ă ‘no têa troh a klâng. Laga, sap hơnăm 2008 nah, tơnêi têa pêi pro tơdroăng ăm tê kơtê, kơdroh rơchoâ kơxo# liăn ‘no,  ăm kuăn pơlê mê tơdroăng ki nâp, hrê chiâng tơpá khât. Tiô tơdroăng pơkâ 67 ‘na kơlo ki to\ng kum chêl thie#n rơchoâ, kuăn pơlê bu nâo môi iâ klêi klo\ng ki xiâm ‘no têa dêi rơchoâ ai 750 rơpâu liăn tung môi ha, tơnêi têa kum 1 rơtuh 629 rơpâu liăn tung môi ha vâ to\ng kum. La, kơxo# liăn chêl thie#n đi đo hrá. Hơnăm 2014, khu tơru\m cheăng Quyết Tiến châ tơnêi têa kơjo kum kơxo# liăn chêl thie#n rơchoâ têa lối 1 rơtal 700 rơtuh liăn, la troh nốkố bu nếo ăm 870 rơtuh liăn . Pôa Trần Hữu Tiến, kăn pơkuâ khu tơru\m pêi chiâk deăng Quyết Tiến tối: Tiô pơkâ 67 dêi Ngế pro xiâm hnê ngăn chin phuh ‘na hbru, chêl thie#n kơxo# liăn a hơnăm 2014 ngin nếo châ xo 47%. Hơnăm 2015 khu tơru\m cheăng xuân tá hâi châ xo kơxo# liăn ki u ối tiô pơtê ‘no liăn dêi khu rak liăn kong pơlê, tung pơla mê, khu tơru\m cheăng ối che#n 700 rơtuh liăn on tơhrik mê nếo liăn khế dêi mâu ko\ng nhân che#n 4 khế tá mâu khu rak ngăn.

Xuân môi tiah mê, Khu tơru\m pêi chiâk pêi deăng-tê mơdró Thanh Bình a {uôn Triêt, cheăm Dur Kmar, tơring Krông Ana rak ngăn rơchoâ têa ‘no ăm tơdroăng ki tôh kế tơmeăm ăm 2 rơpâu 200 ha báu klâng a 2 tơring Krông Ana [ă tơring Lăk. Hơnăm 2014, khu tơru\m cheăng châ k^ pơkâ hbru chêl thie#n kơxo# liăn lối 3 rơtal 650 rơtuh. La troh nốkố, khu tơru\m kố nếo châ xo 1 rơtal 700 rơtuh liăn. Tung pơla mê, khu tơrum cheăng dế ối che#n lối 600 rơtuh liăn on tơhrik. Vâ rak vế tơdroăng kố, khu pơkuâ pơkuâ ngăn khu tơru\m cheăng athế ai kế tơmeăn phá dêi tơná vâ kok a hngêi rak liăn xuân môi tiah tơdroăng ki mung ai liăn tơkâ hên pá gong nếo ai kơxo# liăn vâ mơdrếo kơxo# liăn on tơhrik, mơdrếo liăn khế ăm ko\ng nhân, ‘mâi rơnêu, rak vế kơmăi kơmok. Pôa Nguyễn Văn Sanh, kăn pơkuâ Khu tơru\m cheăng Thanh Bình tối: Liăn ki hbru ăm mâu rơchoâ, hno têa hơnăm 2014 tâi tâng mâu khu tơru\m cheăng a tơring Krông Ana [ă tơring Lăk tơnêi têa xuân ối che#n 53% nếo, hnối pro liăn ‘no ăm mâu rơchoâ têa a hơnăm 2015 mâu khu tơru\m cheăng xuân tá hâi châ xo kơxo# liăn ki lâi. Kơxo# liăn on tơhrik, ki hên mâu khu tơru\m cheăng athế xo dêi kế tơmeăm tung rơpo\ng hngêi lơ dêi khu tơru\m ki ê vâ kok xo liăn vâ mơdrếo liăn on tơhrik kum kuăn pơlê xua hiăng k^ tơkêa [ă kuăn pơlê mê athế vâi tá troh tui lui.

Khu tơru\m cheăng Quyết Tiến [ă khu tơru\m cheăng Thanh Bình bu cho 2 tung 7 khu tơru\m cheăng pêi chiâk deăng dêi tơring Krông Ana dế ối tro che#n liăn hbru ăm rơchoâ têa hơnăm 2014 [ă tâi tâng kơxo# liăn lối 6 rơtal 800 rơtuh. Mâu khu tơru\m cheăng ăm ‘nâi tâng la ngiâ ah tơdroăng ki hbru chêl thie#n kơxo# liăn ôh tá châ tơleăng mê mâu khu tơru\m cheăng kố kô pơtê. Tơdroăng kố kô tơdjâk troh tơdroăng pêi cheăng kâ dêi kuăn pơlê a tíu kố, malối cho troh rơnó xeăng têa [ă rơnó hngiú dế hiăng vâ chê troh [ă tơdroăng ki tô mơdrăng xuân hlo tô ó. Hlo mâu tơdroăng pâ thế dêi mâu khu tơru\m cheăng, pôa Nguyễn Thiên Văn, kăn hnê ngăn Khu tơru\m cheăng kong pơlê Dak Lak ăm ‘nâi: Dế ối vâ trâm tơdroăng tiah mê, Khu tơru\m cheăng kong pơlê pâ thế Vi[an hnê ngăn kong pơlê [ă mâu khu râ kơvâ cheăng tơmâng ngăn, to\ng kum, pro tơ’lêi hlâu ăm kơxo# liăn dêi tíu xiâm tơnêi têa to\ng kum xing xoăng tiô túa ki tơtro hnối pro tơ’lêi hlâu ăm mâu khu tơru\m cheăng pơtối rak vế, tơniăn tung pêi cheăng kâ.

Katarina Nga tơplôu [ă tơbleăng