VOV4.Sêdang - Pôa Trịnh Quang Trí, Ngế pơkuâ tíu xiâm ngăn mơdât pơreăng kong pơlê ăm ‘nâi, Tíu xiâm hiăng tơdah xo 400 rơpâu klŏng vaccine Vero Cell dêi Sinopharm. Kơxô̆ vaccine ki nếo mê châ ăm, Dak Lak kô pâk 2 hdrôh ăm 200 rơpâu ngế, tơ’mô ƀă lối 10% pơ’leăng mâ mơngế tung lâp kong pơlê. Kố cho kơxô̆ vaccine ki ăm hên má môi riân sap ing nah tơtroh nôkố ki Dak Lak châ xo tung mâu pơkeăng pâk mơdât pơreăng Covid-19.

Dak Lak tơbleăng pâk ăm 400 rơpâu klŏng vaccine COVID-19 pâk ăm kuăn pơlê

Tiô pô Trịnh Quang  Trí, ngăn a tơdroăng hlo ai khât  tung kong pơlê, kơxô̆ vaccine mê kô châ ăm pâk a mâu kơpong ki tơ’lêi tâ tú hên: mê cho pơlê kong kơdrâm Ƀuôn ma Thuột, pơlê kong krâm Ƀuôn Hồ, tơring Čư Mgar, tơring Krông Buk ƀă mâu tơring Čư Kuin. Mâu tíu ki ê kô châ xoăng ăm vaccine tiô kơxô̆ mơngế,  vâ tơniăn ăm mâu ngế ki thế pâk ahdrối tung rôh pâk drêng kố.

Gương tơplôu ƀă tơbleăng