VOV4.Sêdang - Kơxê lơ 13/7, tiô Khu hnê mơhno cheăng hbrâ mơdât pơreăng a mơngế kong pơlê Dak Nông 80 ngế ki ai tơdjâk ối achê ƀă péa ngế ki tâ pơreăng má 28.474 ƀă má 31.604 hiăng ‘nâi klêi kơ’nâi séa ngăn RT-PCR âm tĭnh rôh má 1 ƀă COVID-19. Nôkố, mâu ngế ki kố hiăng châ klâ ăm ối krê tơkŭm ƀă ivá hlo lĕm tiah hmâ.

Hdrối mê, klêi kơ’nâi châ ‘nâi ai ngế tâ pơreăng, kong pơlê Dak Nông hiăng pêi pro mơdât mot lo ƀă mâu rơpŏng hngêi ki ai ngế tâ pơreăng vâ hbrâ mơdât pơreăng COVID-19. Tung pơla mơdât mot lo 14 hâi, riân sap ing hâi châ ‘nâi ai ngế tâ pơreăng ƀă ngăn a tơdroăng ki ôh tá tơniăn dêi pơreăng ki hâi khế klâ krê hbrâ mơdât mơni ko ton tâ.

Katarina Nga tơplôu ƀă tơbleăng