VOV4.Sêdang - Khu pơkuâ ngăn pơkeăng ƀă khăm pơlât kong pơlê Dak Nông tối ăm ‘nâi, măng tĭng hiăng hluâ, kong pơlê hiăng rơtế pêi pro pơkâ pâk vaccine COVID 19 roh má 2 hơnăm 2021 a mâu tíu pâk châ tơkŭm po a Hngêi pơkeăng kân kong pơlê ƀă tíu xiâm pơlât mâu tơring, pơlê kong kơdrâm. Mâu ngế ki pâk cho mâu ngế ki hbrâ mơdât pơreăng COVID 19 ai khu ƀok thái pơkeăng, khu mô đô̆i, kŏng an, tôh ki lăm ti tăng mâu ngế tro tâ pơreăng tung pơlê pơla, mâu ngế ki pleăng hnoăng cheăng, ngế chêh hlá tơbeăng, mâu ngế pêi cheăng xo hnoăng mơhá, kăn ƀô̆ pơkuâ tơdroăng tê rôe tơmeăm ngi kong têa ê ƀă séa ngăn pơreăng lâp plâi tơnêi, mơngế ki pơto ăm mâu tơmeăm khoăng ki kal rêm hâi môi tiah mơngế vê rơxế, mâu ngế pơto tơmối ôm hyô; thái cô, mơngế pêi cheăng tung tíu hnê hriâm, hnê mơjiâng veăng tung tơdroăng hbrâ mơdât pơreăng.

Mê tâi tâng kong pơlê hiăng ai 13.452 ngế châ pâk trum má 1 vaccine hbrâ mơdât COVID 19. Klêi kơ’nâi pâk, hên ngế ai trâm mâu tơdroăng tung châ môi tiah tơngê, châi, êi a tíu pâk laga ôh tá ngế trâm xía vâ râ klêi kơ’nâi pâk.

A Sa Ly tơplôu ƀă tơbleăng