VOV4.Sêdang - Kơxê măng lơ 9/7, kong pơlê Dak Nông hiăng châ hlo ngế yương tĭnh SARS-CoV-2 apoăng, ngế ki kố cho ngế vê rơxế pơto tơmeăm ai ối achê ƀă mơngế xui kơxâk tơmeăm khoăng a tơraih rơxế Miền Đông, Pơlê kong kân Hồ Chí Minh, xuân nếo châ mơnhên yương tĭnh. Ngế tro tâ pơreăng apoăng dêi Dak Nông cho ngế tro tâ má 26.004, kot mâ hơnăm 1995, ối a pơlê kân Krông Kmar, tơring Krông Bông, kong pơlê Dak Lak. Tiô khăm ngăn dâng 15 hâi achê kố, ngế tro tâ pơreăng kố cho ngế ki đi đo ối achê mâu ngế yương tĭnh ƀă SARS-CoV2 pêi tơdroăng cheăng xui kơxâk tơmeăm khoăng, pơcháu tơmeăm utâi utá a tơraih rơxế Miền Đông, Pơlê kong kân Hồ Chí Minh. Klêi kơ’nâi tơdah tơdroăng, Khu hnê mơhno, hbrâ mơdât pơreăng COVID 19 kong pơlê Dak Nông hiăng tơkŭm xo mơheăm khăm ngăn.

Dak Nông dế xôh pơkeăng ƀă hnốí tăng mơngế ki achê ƀă ngế ki tro tâ pơreăng

Hâi lơ 9/7, khăm ngăn RT - PCR ăm hlo yương tĭnh SARS-CoV2. Nôkố ivá dêi  ngế tro tâ pơreăng kố ôh tá tro klâi. Kong pơlê Dak Nông hiăng tơbleăng pơkâ klâ kơtăn tơkŭm ƀă mâu ngế ki ối achê ƀă ngế tro tâ pơreăng a kơpong klâ kơtăn tơkŭm tơring Dak Rlâp.

A Sa Ly tơplôu ƀă tơbleăng