VOV4.Sêdang - Kơmăng hâi lơ 16/7, kong pơlê Dak Nông châ hlo tơ’nôm môi ngế tro tâ COVID 19. Ngế tro tâ cho kơnốu ngế má 44.301 cho L.H.D, kot mâ hơnăm 1988, ối a ƀon Bu Boong, cheăm Dak N’Drung, tơring Dak Song, kong pơlê Dak Nông. Klêi kơ’nâi châ hlo ngế tro tâ pơreăng kơvâ cheăng hiăng pơto ngế tro tâ pơreăng ƀă rơxế pơto mơngế tro tâ COVID 19 troh a kơpong klâ kơtăn pơlât COVID 19 dêi kong pơlê.

Tăng ngăn mâu ngế ki âchê ƀă ngế ki tâ tú pơreăng COVID-19 a Dak Song, Dak Nông

Tơdrêng amê klâ kơtăn pơtân mâu ngế ki xo mơheăm khăm ngăn ăm ngế tro tâ pơreăng a kơpong xo mơheăm khăm ngăn dêi Tíu xiâm khăm pơlât tơring Dak Song. Kơvâ cheăng thâ séa ngăn ti tăng 16 ngế ối achê ƀă pơtối ti tăng mâu ngế ki tơdjâk. Rơtế ƀă Mê, khu khăm pơlât tơkŭm xôh pơkeăng kơdê pơreăng, xôh pơkeăng tâi tâng kơpong hngêi ối dêi ngế tro tâ pơreăng, kơpong xo mơheăm khăm ngăn ƀă mâu tíu ngế tro tâ pơreăng đi đo troh tung 3 hâi achê kố.

A Sa Ly tơplôu ƀă tơbleăng