VOV4.Sêdang – A kong pơlê Daklak tơmeăm khoăng tơ’lêi hlâu vâ tơku\m pêi chiâk deăng tiô túa po rơdâ klâng ki kân pêt mâu hdrê loăng plâi ton hơnăm [ă báu prá a lâi ki pơxúa tung cheăng kâ, la nôkố kuăn pơlê ối pêi pêt iâ, ki tơ-[rê gá iâ. Ki xiâm xua cho ing tơdroăng tơru\m pêi tá hâi rơhéa. Ngế chêh hlá tơbeăng dêi Rơ’jiu Việt Nam a kơpong Tây nguyên ai kơ-êng pôa Huỳnh Quốc Thích, Kăn pho\ pơkuâ ngăn ‘na chiâk deăng [ă mơnhông mơdêk thôn pơlê kong pơlê Daklak ‘na tơdroăng kố.

Ô pôa, rơnó xeăng têa kố kong pơlê Daklak ai túa pơkâ pêt alâi tung tơnêi ki kân rơdâ a tơring Ea Kar [ă túa pơkâ pêt dâng 800 ha, la nôkố bu pêt châ dâng 50 ha, xiâm kối ing lâi gá chiâng tiah mê?

Pôa Huỳnh Quốc Thích, Kăn pho\ pơkuâ ngăn ‘na chiâk deăng [ă mơnhông mơdêk thôn pơlê Dak Lak

          Pôa Huỳnh Quốc Thích: Pơla hdrối kố nah, ngin hiăng ai mơhnhôk Ko\ng ti Phon Bình Điền, Ko\ng ti mơjiâng pro mâu hdrê CPI Việt Nam xuân môi tiah Hngêi kơmăi uâ pơliê kế kâ CPI a tơring Ea Kar veăng rơtế [ă ngin mơhnhôk kuăn pơlê mơjiâng [ăng tơnêi kân rơdâ ki pêt alâi. Pơxiâm pêi, ngin hlo phiu khât, hlo kuăn pơlê chêh inâi veăng pêt gá hên, la drêng pơxiâm pêi hlo ai hên mâu tơdroăng tơvâ tơvân. ‘Na túa pơkâ ôh tá châ môi tiah tơdroăng ki ngin hiăng tơmiât, bu châ dâng 50, 60 chât ha. Hvái ngăn, túa pơkâ tơru\m pêi pro dêi pin tá hâi tro. Rôh kong tô mơdrăng khăng khoăng pơla hdrối kố nah xuân hiăng tơdjâk hên ó, tơdjâk troh rơnó pêi. Ai mâu kuăn pơlê ki ‘nâ hlo kong hiăng mê apoăng rơnó, mê vâi mơdâ dêi hdrê hlối, á tối tơbleăng ăm vâi pôi tá re\ng mơdâ, la vâi xuân ôh tá hmâng.

           Tiah mê, kuăn pơlê tá hâi ‘nâi nhên troăng hơlâ pơkâ xuân môi tiah ki pơxúa dêi tơdroăng mơjiâng [ăng chiâk kân rơdâ?

          Pôa Huỳnh Quốc Thích: Hnoăng cheăng tối tơbleăng gá kal khât. Drêng á mơhnhôk kuăn pơlê cho á hiăng ai túa pơkâ tối tơbleăng pêt mâu hdrê klâi, la drêng mơdâ kuăn pơlê ôh tá vâ mơdâ tiô tơdroăng ki á pơkâ thế. Môi tơdroăng xuân môi tiah mê, athế tối tơbleăng ki pơxúa kal khât. Hnoăng cheăng tối tơbleăng tung pơla hdrối kố nah tá hâi tơtro. Hơnăm kố, á rơhêng vâ pêi túa pơkâ ki kân cho tơru\m [ă khu ki roê ‘mot kế tơmeăm vâ ăm kuăn pơlê hlo ai troăng hơlâ vâ châ tê dêi kế tơmeăm. La ai tơdroăng ki pá xua khu ki roê ‘mot vâ uâ mơdiê kế kâ vâi pơkâ thế kế tơmeăm ki roê xo athế tro tiô tơdroăng ki vâi pơkâ. Pơtih pro kế kâ ăm í, pro tiah lâi ăm têa ki tum dêi í gá athế tum. Mê athế ai hdrê a lâi ki lâi ki dâi le\m? La khôi túa kuăn pơlê pin sap nah troh nôkố, rêm ngế pêi môi túa, hên hdrê. Nôkố pêi túa ki kố, pơkâ thế hdrê kố la vâi thế hdrê ki tá, la hdrê ki tá khu ki roê hiăng tối nhên vâi ôh tá vâ roê xua ai hên tơdroăng ki kố, ki tá.

           Hiăng rơkê ple\ng sap ing khu ki tơru\m hnê djâ pro [ăng chiâk deăng kân rơdâ a rơnó kố, tung la ngiâ ah kơvâ pêi chiâk pêi deăng kong pơlê daklak kal athế pêi klâi, ô pôa?

          Pôa Huỳnh Quốc Thích: Vâ pêi rơnó la ngiâ kố ah, pin athế hbrâ tơnáu sap ing nôkố hlối. Peăng tơring, mê pin athế séa ngăn vâ ‘nâi nhên kơpong ki lâi vâ pơkâ pêi kơpong ki mê, ki má péa, cho athế tối tơbleăng ăm vâi ‘nâi mê kô pêi tro tâ. Mơni tung la ngiâ ah ngin kô pêi cheăng [ă hên tơring nếo vâ ai túa pơkâ pêi ki kân vâ veăng pêi, [ă hnoăng cheăng dêi Khu ngăn ‘na chiâk deăng [ă mơnhông mơdêk thôn pơlê xuân mơhnhôk mâu khu mơdró kâ veăng pêi há.

           Kong pơlê Daklak ai hên tơdroăng ki tơ’lêi vâ tối tơbleăng hnê djâ pêi [ăng tơnêi kân rơdâ pêt hdrê loăng ton hơnăm, la tơdroăng ki tơku\m pêi pro tá hâi châ tơ-[rê, pôa hôm chiâng vâ tối ăm ‘nâi tơdroăng ki ai khât kố?

          Pôa Huỳnh Quốc Thích: Daklak pá k^ng tơdroăng ki pơxúa ‘na pêt hdrê loăng ton hơnăm cho kơphế, tiêu mê [ăng tơnêi ki mơdâ pêt mâu báu, prá, alâi ối chía kân, báu klâng lối hr^ng troh lối 90 rơpâu ha, alâi lối 120 rơpâu ha. Kố cho péa túa hdrê pêt tiô á kal athế tơru\m pêi tiô [ăng tơnêi kân rơdâ. Laga, tiô á mê tơdroăng ki tơku\m pêi [ăng tơnêi kân rơdâ pêt mâu hdê báu, prá alâi, plâi pôm gá tơpá khât. Xua tá hâi ai khu mơdró kâ ki lâi ‘no liăn cheăng roê ‘mot kế tơmeăm dêi kuăn pơlê, mâu khu mơdró kâ tê mơdró ăm mâu hdrê xuân ối iâ, ki má pái, kuăn pơlê xuân ối ai tuăn tơmiât tá hâi khên tơnôu, tá hâi tơru\m [ă dêi pó. Kong pơlê Daklak hiăng mơjiâng túa pơkâ mơjiâng thôn pơlê nếo, tung mê, ai túa pơkâ tơru\m kuăn pơlê ki pêi chiâk pêi deăng, Vi [an hnê ngăn kong pơlê xuân pơkâ mơjiâng [ăng tơnêi kân rơdâ. Kố cho mâu tíu ki vâ mơhnhôk kuăn pơlê veăng [ă krếo thế mâu khu mơdró kâ veăng pêi. Túa pơkâ tơru\m kố ngin mơnhên tiô túa tơru\m cheăng cho ki xiâm’’.

          Ê, mơnê kơ pôa!

Katarina Nga tơplôu [ă tơbleăng