VOV4.Sêdang - Vâ mơdêk ki hlê ple\ng ăm mâu đoân viên droh rơtăm, khu pơkuâ ngăn Đoân droh rơtăm kong pơlê Daklak hiăng ai hên tơdroăng hriâm tâp tơ’mot hên ngế droh rơtăm veăng pêi pro. Ing mê, kô cho rôh trâm tơpui tơno, hriâm tâp pơla mâu kăn [o# Đoân, kum vâi hriâm mơdêk ki rơkê ple\ng ‘na tơdroăng cheăng tung pơla veăng pêi mâu tơdroăng cheăng a cheăm, pơlê, veăng mơjiâng [ă mơnhông mơdêk tơdroăng cheăng Đoân a cheăm tung rêh ối nếo nôkố. H’Xíu, Ngế chêh hlá tơbeăng dêi Rơ’jiu Việt Nam kơpong Tây Nguyên ai chêh tối ‘na tơdroăng mê.

          {ă tơdroăng ki cho kong pơlê peăng kong ngo, ai hên khu hdroâng kuăn ngo, mê a Daklak tơdroăng ki tơku\m droh rơtăm tung tơ’noăng pơla Đoân droh rơtăm trâm hên tơdroăng pá puât. Droh rơtăm tung thôn pơlê cho khu ki pêi cheăng xiâm tung rơpo\ng hngêi, mê tơdroăng ki xing xoăng mâu rôh trâm mâ, tơpui tơno gá pá khât. Ki nhên gá, ‘na tơdroăng pêi pro a pơlê cheăm ăm hlo, mâu rôh trâm mâ, tơpui tơno bu troh drăng ki xah hêi khu pú hên [ă mâu tơdroăng pêi pro xêh, mê gá tơ’lêi hlâu, pro chiâng pá vâ ai hên khu droh rơtăm veăng vâ xah hêi mê. Nâ Ma Thị Hoàn, Khu pơkuâ ngăn Đoân droh rơtăm ko\ng san Hồ Chí Minh cheăm Ea Đah, tơring Krông Năng tối ăm ‘nâi: Ngin hmâ tơku\m po mâu [ai xah hêi lơ xuâng, mê mâu túa ki tối tơbleăng, pơtroh kơthô, semaphore gá tơviah khât [ă mâu droh rơtăm ki rơkê ple\ng nôkố. Bu ai mâu ngế ki lăm hriâm mê nếo ‘nâi, mê ngin xuân tá hâi ai kơbố ‘nâi troh ‘na ki tối tơbleăng mê.

          Ngoh Trần Văn Thắng, kăn pho\ pơkuâ ngăn Đoân droh rơtăm cheăm Ea Đar, tơring Ea Kar xuân ăm ‘nâi, mơhé rơhêng vâ tơku\m po mâu tơdroăng xah hêi ki nếo, pro ai pơxúa ‘na tơdroăng ki xiâm, pơkâ hên tâ, la tơdroăng ki hiăng ai hlâu dêi kăn pơkuâ Đoân droh rơtăm xuân ối ai hên tơdroăng ki pêi pro kơtăng. Ngoh Trần Văng Thắng tối: Vâ hriâm tâp mâu tơdroăng ki hmâ môi tiah morse, semaphore, mơhé prôk a troăng lơ tơku\m po mâu tơdroăng ki xah hêi a râ cheăm mê gá kô ối trâm hên tơdroăng pá. Má péa nếo, cho ‘na khu kăn [o# ki vâ hnê a mâu lân hriâm ki mê gá iâ, vâ ăm đoân viên rơkê ple\ng mâu môn ki mê xuân pá xua ối trâm hên tơdroăng ki xơpá.

          Sap ing mâu tơdroăng ki pá tối a kơpêng, pâ thế ngế ki pơkuâ droh rơtăm mê kal ai mâu tơdroăng tơpui tơno tung hnoăng cheăng dêi tơná tung pơla pêi cheăng, mơhnhôk tơtro [ă pêi pro tiô tơdroăng ki ai khât a mâu pơlê, cheăm tơná pơkuâ. Tung la ngiâ ah, Khu pơkuâ ngăn Đoân droh rơtăm [ă Khu pơkuâ ngăn droh rơtăm Việt Nam kong pơlê Daklak hiăng tơku\m po hên tơdroăng ki hnê hriâm ‘na tơdroăng cheăng rêm hâi tung hnoăng cheăng dêi tơná pơkuâ, môi tiah: Hnê hriâm tơdroăng ki vâ tơpui tơno ngế pơkuâ ngăn droh rơtăm tung hneăng hriâm, hnoăng cheăng Đoân – Ho#i thôn, pơlê, tôh kơpho#, tơdroăng ki rêm hâi pin trâm.

          Tung khế 4 hdrối kố nah, khu pơkuâ ngăn Đoân droh rơtăm kong pơlê hiăng po 2 rôh lâm hnê hriâm ăm mâu ngế ki pơkuâ droh rơtăm tung lâp kong pơlê. Ing mê, mâu đoân viên droh rơtăm châ achê hên [ă mâu tơdroăng ki tơpui tơno rêm hâi, môi tiah: Tơdroăng ki ‘nâ tối tơbleăng, pêi pro pơlê pơla. Tơdroăng ki ‘mot đoân viên droh rơtăm [ă hên tơdroăng ki ê kum vâi hbrâ tơnáu mâu tơdroăng ki rơkê ple\ng, mơdêk dêi tơdroăng cheăng Đoân – Ho#i. Pák^ng mê, khu kăn pơkuâ ngăn Đoân droh rơtăm kong pơlê ối tơru\m [ă tơring Lak pêi pro tơdroăng ki tối tơbleăng ‘na luât, tơdroăng ki xah hêi ‘na droh rơtăm mâu cheăm kơpong hơngế hơngo vâ pro chiâng tơdroăng ki sôk ro ki nếo, kum mâu đoân viên châ achê tâ [ă mâu tơdroăng tơku\m xah hêi, pêi cheăng dêi Đoân. Ngoh Võ Văn Dũng, kăn pho\ pơkuâ ngăn Đoân droh rơtăm Việt Nam kong pơlê Daklak tối ăm ‘nâi: Khu tơku\m po [ă mâu khu ki hnê hriâm tơku\m tối rơdêi tung mâu tơdroăng ki tơpui tơno hnoăng cheăng, kơdroh ki tơpui to l^ thuye#t vâ mâu kăn [o# pêi dêi hnoăng cheăng, ho#i tơ’lêi hlâu vâ tối tơbleăng a mâu pơlê, cheăm [ă xúa tung tơdroăng ki ai khât vâ pơtối tơru\m tơku\m mâu droh rơtăm mot tung khu. Ing tơdroăng pơkâ ki xiâm mê tâi tâng pơrá xúa, to\ng kum tung mâu tơdroăng xiâm dêi Tây Nguyên, môi tiah khôi túa, vêa vong dêi Tây Nguyên, mâu hnoăng cheăng a pơlê, cheăm ki hơngế hơngo xuân châ xúa vâ drêng châ hnê hriâm klêi ah lăm troh a pơlê, cheăm, vâ xúa tơdrêng hlối tung tơdroăng ki ai khât.

          Sap ing tơdroăng pơkâ hnê hriâm kố, hên kăn [o# đoân a mâu pơlê, cheăm ai rôh tơkâ hluâ tung tơdroăng ki xah hêi tiah hmâ, hriâm [ối tơ’nôm mâu tơdroăng ki ai păng ‘nâng, ing mê ai tơ’nôm tơdroăng ki rơkê ple\ng vâ xúa tung tơdroăng ki ai khât a tíu cheăng dêi tơná, kum ăm tơdroăng tơ’noăng Đoân a mâu pơlê, cheăm rế hía rế châ mơnhông mơdêk.

Katarina Nga tơplôu [ă tơbleăng