VOV4.Sêdang - Cho môi tơring ki ối kơpong kong ngo ối trâm hên pá puât, la [ă tơdroăng ki veăng kum dêi khu kăn pơkuâ, kuăn pơlê [ă mâu đông lêng ki pêi cheăng kâ, mê tơdroăng mơjiâng thôn pơlê nếo a tơring Đức Cơ, kong pơlê Gia Lai hiăng châ pêi pro hên tơdroăng ki pơxúa. Lê Hoà, ngế chêh hlá tơbeăng dêi kong pơlê Gia Lai ai chêh tối ‘na tơdroăng mê, pó vâi krâ-nho\ng o kô tơmâng.

{ă tơdroăng ki veăng kum ivá dêi 3 ko\ng ti Kơxu ối tung Binh đoàn 15 (cho Ko\ng ti 72, Ko\ng ti 75) dế ối pêi cheăng kâ tung tơring, tơdroăng ki mơjiâng thôn pơlê rêh ối cheăng kâ tiô túa nếo a Đức Cơ trâm hên tơdroăng ki tơ’lêi hlâu. Bu xêo phá xêh to a hơnăm 2014, tâi tâng kơxo# liăn dêi mâu tíu cheăng khu lêng ki pêi cheăng tung tơring kố hiăng veăng kum mơjiâng thôn pơlê rêh ối cheăng kâ tiô túa nếo a tơring châ 24 rơtal liăn.

Tung mê, Ko\ng ti 75 hiăng tôh chhá kơxu vâ chê 3 km troăng mot tung mâu pơlê, dêi cheăm Ia Krêl [ă kơxo# liăn ‘no vâ chê 6 rơtal 900 rơtuh liăn, mơjiâng 2 toăng hngêi tuăn pâ ăm rơpo\ng kơtiê a pơlê Gôn, cheăm Ia Yin [ă kơxo# liăn ai 150 rơtuh [ă hên tơdroăng ki pêi pro ki ê.

{ă deăng kơxu ki pêt kân rơdâ tung pơla 3 to cheăm Ia Yom, Ia Nan [a\ Pnôn, Ko\ng ti 72 xuân hiăng kum ôh tá iâ tung tơdroăng mơjiâng thôn pơlê rêh ối cheăng kâ tiô túa nếo ăm mâu cheăm ki ối drô troăng tơkăng kong. Hơnăm 2014, ko\ng ti hiăng to\ng kum ‘mâi rơnêu 2 km troăng ki ok hmốu [ă prêi tơdjêp [ă mâu pơlê, ‘no 500 rơtuh liăn mơjiâng 14 toăng hngêi ối ăm mâu rơpo\ng kơtiê a 3 to cheăm, to\ng kum 16 hâi pêi cheăng ‘mâi rơnêu hngêi ối ăm kuăn pơlê a pơlê Chan, cheăm Ia Pnôn [ă hên tơdroăng ki ê.

Ko\ng ti pêi cheăng tiô rơnó môi khu 74 xuân hiăng veăng kum  tâi tâng kơxo# liăn 4 rơtal 700 rơtuh liăn ăm 2 to cheăm Ia Kla [ă Ia Dơk tung tơdroăng ‘mâi rơnêu 5 km 4 troăng prôk a thôn Ia Tang, cheăm Ia Kla [ă troăng thôn Ia Kênh, cheăm Ia Dơk.

Poâ Nguyễn Võ Thanh Hùng, kăn hnê ngăn Vi[an tơring Đức Cơ, ăm ‘nâi: ‘’Mâu tíu cheăng khu lêng hiăng veăng kum hên ăm tơdroăng ki mơjiâng thôn pơlê rêh ối cheăng kâ tiô túa nếo a mâu pơlê, cheăm, malối cho veăng tơdjuôm ivá mơjiâng hngêi trăng, troăng klông a mâu thôn pơlê kơpong hơngế hơngo, kơpong ai hên hdroâng kuăn ngo, veăng kum rơtế [ă cheăm mâu tơdroăng xahpá, pro ai pơxúa ăm mâu kuăn pơlê hnối pro ngiâ méa nếo ăm tơdroăng ki mơjiâng thôn pơlê rêh ối cheăng kâ tiô túa nếo a tơring Đức Cơ’’.

Tiô túa pơkâ, tung hơnăm kố, tơring Đức Cơ kô mơ-eăm mơjiâng klêi 2 to cheăm thôn pơlê rêh ối cheăng kâ tiô túa nếo, cho cheăm Ia Krêl [ă cheăm tơkăng kong Ia Yom. ‘’Mơhé ối trâm hên xahpá, tung mê, môi tiah cheăm Ia Krêl ối 6 tơdroăng pơkâ kal athế pêi klêi, la cheăm kố xuân mơ-eăm ‘no tâi ivá vâ pêi klêi tơdroăng pơkâ mơ’no’’, pôa Võ Thanh Hùng, tối rơdêi.

Nốkố, cheăm Ia Yom hiăng pêi châ 15 tơdroăng pơkâ, Ia Krêl 13 tơdroăng pơkâ, cheăm Ia Lang châ 11 tơdroăng pơkâ, mâu cheăm ki u ối châ sap ing 6 troh 10 tơdroăng pơkâ. Kố cho ivá mơ-eăm ôh tá iâ khu râ kăn pơkuâ dêi tơring tơring Đức Cơ tung mâu hơnăm hiăng hluâ, xua hnoăng ki ai hlâu dêi cheăm ối iâ, tơnêi tơníu kân rơdâ, tơdroăng rêh ối dêi mâu kuăn pơlê tá hâi hlê ple\ng khât. Tơ’nôm amê nếo, yă tê mâu kế tơmeăm pêi lo ing chiâk deăng dế ối chu rơpâ, malối cho yă kơxu, cho tơmeăm ki xiâm dêi tơring, mê khoh tơdjâk ó troh tơdroăng ki pêi lo kế tơmeăm, liăn ngân dêi kuăn pơlê [ă khu mơdró kâ, rế pro tơ’nôm mâu tơdroăng ki pơloăng mơnúa ăm tơdroăng kố. Pôa Võ Thanh Hùng hiăng tối rơdêi tiah kố: ‘’Tung hơnăm 2015, pák^ng tơdroăng pêi klêi tơdroăng pơkâ pro 2 to cheăm ki xiâm, [ă mâu cheăm ki u ối, tơring mơ-eăm pêi tơ’nôm 2 tơdroăng pơkâ ngi klêng tâng vâ pơchông [ă hơnăm 2014. Pak^ng mê, pơtối mơdêk hnoăng cheăng tối tơbleăng, mơhnhôk trâu hơngế tung kuăn pơlê ‘na hnoăng cheăng ki xiâm, ki pơxúa ‘na tơdroăng kố, ngin kô pơtối pro ti lâi vâ mơhnhôk tro má môi mâu kơxo# liăn rơlo dêi kong pơlê [ă dêi tơring, cheăm, khu mơdró kâ, mâu ngế phá rơtế veăng tơdjuôm ivá mơjiâng thôn pơlê rêh ối cheăng kâ tiô túa nếo, pơkâ to\ng kum mâu tơdroăng ki ối trâm xahpá, mơ-eăm khât vâ pêi châ tơ-[rê mâu tơdroăng ki xiâm pơkâ tung hnoăng cheăng kố ‘’.