VOV4.Sêdang - Ô vâi krâ nho\ng o [ă pú hmâ! Tơdroăng pơkâ mơjiâng tơring Đức Trọng châ mơnhên cho tơring cheăng kâ rêh ối tiu túa nếo a hơnăm 2016’’ nếo châ Vi[an kong pơlê Lâm Đồng k^ pơkâ. Tiah mê, tơdroăng pơkâ tơchuôm cho mơjiâng tơring Đức Trọng chiâng tơring rêh ối cheăng kâ tiu túa nếo krá tơniăn ton xo\n tro tiu pơkâ châ k^ tơkêa; rơtế [ă tơdroăng mơnhông cheăng kâ [ă mơdêk tơdroăng rêh ối pơlê pơla, kơdroh hrâ mơnguâ, xăm kơtiê, pơtối rak vế khôi túa, vêa vong dêi mâu hdrông kuăn ngo; tơdroăng rêh ối, tơmeăm khoăng [ă tuăn ngôa kuăn pơlê rế tơtêk, châ tơ-[rê. Tiah mê, kơ’nâi Đơn Dương hơnăm 2015, Đức Trọng cho tơring má péa dêi kong pơlê Lâm Đồng châ mơnhên tối cho thôn pơlê rêh ối cheăng kâ tiu túa nếo môi tiah tơdroăng pơkâ.

Đức Trọng cho tơring ki apoăng dêi kong pơlê Lâm Đồng ai môi to cheăm châ mơnhên tối thôn pơlê cheăng kâ tiu túa nếo, mê cho cheăm Tân Hội, cheăm ki xiâm tung mơjiâng thôn pơlê rêh ối cheăng kâ tiu túa nếo, troh nôkố, Đức Trọng xuân hiăng ai 4 to cheăm châ sap 14 troh 16 tơdroăng pơkâ, 6 to cheăm châ sap 10 troh 15 tơdroăng pơkâ [ă 3 to cheăm ki u ối sap 7 troh 9 tơdroăng pơkâ thôn pơlê rêh ối cheăng kâ tiu túa nếo. Tiu Vi[an tơring Đức Trọng tối, sap hơnăm 2010 troh nôkố, lâp tung tơring hiăng mơhnhôk rêm khu râ veăng rơlo kơxo# liăn vâ chê 600 rơtal vâ mơjiâng mâu tơmeăm khoăng troăng prôk tung thôn. Troh nôkố, kơlo liăn pê lo châ xo tơ’mot rêm ngế dêi tơring Đức Trọng a kơxo# 39 rơtuh 500 rơpâu liăn tung môi hơnăm, hơnăm 2010 châ xo 19 rơtuh 500 rơpâu liăn; kơxo# rơpo\ng kơtiê xuân hiăng kơdroh sap 8, 5% hơnăm 2010 chu ối 2,5% nôkố.

            Tiu tơdroăng tối tơbleăng, Đức Trọng mơ-eăm troh hơnăm 2016 ki iâ 11 kơpêng 14 to cheăm pê klêi 19 tơdroăng ‘na thôn pơlê rêh ối cheăng kâ tiu túa nếo [ă 3 to cheăm ki u ối pêi klêi ki vâ iâ hlái 14 tơdroăng pơkâ vâ chiâng tơring pêi pro klêi tơdroăng pơkâ thôn pơlê nếo má péa dêi kong pơlê. Ki nhên gá, rơtế [ă rak tơniăn [ă mơdêk ki dâi le#m 19 tơdroăng pơkâ ki hiăng pêi pro klêi kho\m mơ-eăm chiâng cheăm khên tơnôu tung mơjiâng thôn pơlê nếo dêi cheăm Tân Hội, tơring Đức Trọng tung hơnăm 2014 mê nốkố ối mơdêk 3 to cheăm Bình Thạnh, Liên Hiệp [ă Ninh Loan chiâng cheăm pêi klêi 19 tung 19 tơdroăng pơkâ thôn pơlê nếo. Troh hơnăm pơtối cho hơnăm 2015, tơring pơtối mơ-eăm ăm 6 to cheăm pêi klêi tơdroăng pơkâ thôn pơlê rêh ối cheăng kâ tiu túa nếo, cho cheăm Hiệp Thạnh, Hiệp An, Phú Hội, Dà Loan, Tân Thanh [ă Ninh Gia. Pơtối mê nếo, hơnăm 2016, Đức Trọng pơtối ai cheăm Tà Năng pêi pro klêi thôn pơlê nếo [ă 3 to cheăm ki u ối cho Nthôl Hạ, (Tà Hin) Tà Hine [ă Dà Quyn châ sap 15 tơdroăng pơkâ tơngi klêng. Tung hneăng hơnăm pơtối 2017 troh 2020. Đức Trọng pơtối rak vế tơniăn [ă mơdêk tơdroăng ki dâi le#m 19 tơdroăng pơkâ dêi mâu cheăm hiăng pêi klêi mơjiâng thôn pơlê nếo [ă mơ-eăm mơdêk 3 to cheăm Nthôl Hạ, Tà Hine [ă Dà Quyn châ 19 tung 19 tơdroăng pơkâ.

            Vâ Đức Trọng chiâng tơring châ tiu tơdroăng pơkâ thôn pơlê nếo, túa pơkâ ‘na mơnhông mơdêk hngêi trăng, troăng klông xuân hiăng châ pơkâ mơ’no ăm tơring: Troh hơnăm 2016, ai 11 tung 14 to cheăm pêi pro klêi troăng prôk [ă tơdroăng cheăng athế pêi klêi cho mơjiâng 39 km troăng mot tung cheăm [ă 28 km troăng mot tung thôn, 55 km troăng mot mâu pơlê. ‘Na rơchoâ, long têa, xuân troh hơnăm 2016, Đức Trọng mơ-eăm ai 11 tung 14 cheăng pêi klêi tơdroăng pơkâ, ‘na khăm pơlât: 14 tung 14 cheăm pêi klêi [ă hên tơdroăng ki ê. ‘Na tơdroăng ki xiâm mơnhông mơdêk cheăng kâ rêh ối, khu tơru\m mơjiâng [ă mơnhông mơdêk pêi lo liăn ăm kuăn pơlê, Đức Trọng pơkâ tơdroăng ki xiâm: Hơ’lêh tơdroăng cheăng kâ tiu troăng mơdêk ‘na cheăng [ă kơmăi kơmok, kơpong ki cheăng [ă kơpong kơmăi kơmok ki ku\n [ă tê mơdró, mơdêk uâ pơliê mâu ká xi xo\ng, mơjiâng troăng rơhlâ tê mơdró cho pêi chiâk pêi deăng, hơ’lêh túa pêi cheăng tiu troăng mơdêk mâu ngế cheăng kơmăi kơmok, kơpong ki cheăng [ă kơmăi kơmok ki ku\n [ă tê mơdró tung mâu cheăm. Troh hơnăm 2016, mơdêk ki pơxúa tiu tơdroăng ki pơchông ‘na tơnêi tơníu [ă kong prâi, Đức Trọng kô mơdêk tơnêi deăng ki pêt kơchâi reăng tiu rơxông nếo tâk troh 2 rơpâu 500 ha [ă tơdroăng châ xo lối 500 rơtuh liăn môi hectar tung môi hơnăm, ‘mâi pêt nếo hdrê kơphế dâng 2 rơpâu 400 heatar [ă kơxo# liăn châ xo lối 200 rơtuh liăn môi ha tung môi hơnăm; mơnhông mơdêk păn ro xo têa tôu châ lối 10 rơpâu to, tơdrêng amê, tơring xuân hiăng pơkâ ta troh hơnăm 2015 ai 10 to cheăm châ xo tơ’mot liăn tâng xêo rêm ngế lối 45 rơtuh liăn, mâu cheăm châ xo sap 20 troh 32 rơtuh liăn môi ngế tung môi hơnăm; kơxo# mâu rơpo\ng kơtiê chu ối 2%, kơpong hdrông kuăn ngo ối ai 5% vâ troh hơnăm 2016 ah tâi tâng châ 14 kơpêng 14 to cheăm pêi ai tiu pơkâ ‘na xo tơ’mot liăn. Xuân tiu pơkâ kố tâi tâng kơxo# liăn ki Đức Trọng kal vâ mơjiâng thôn pơlê nếo a hơnăm 2014 -2016 ai 4 rơtal 514 rơtuh liăn.

Mơhé  tơ’lêi hlâu má môi la troăng rơhlâ mơ-eăm pêi troh hơnăm 2016 chiâng tơring ki châ mơnhên tối thôn pơlê rêh ối cheăng kâ tiu túa nếo dêi Đức Trọng dế pơkâ mâu tơdroăng pá puât kal kơdôu mơ-eăm khât dêi mâu kăn [ă tâi tâng kuăn pơlê tung tơring./.

Katarina Nga tơplôu