VOV4.Sêdang - Kơxo lơ 22/7, Tíu xiâm séa ngăn mơdât pơreăng kong pơlê (CDC) Gia Lai  tối, kong pơlê kố ai tơ’nôm 4 ngế nếo tâ COVID-19, pro kơxô̆ mơngế tâ tú rôh kố tâk 21 ngế. Tung mê, ai 3 ngế F1 dêi mâu ngế ki tâ tú kong pơlê Kon Tum ƀă tơring Krông Pa, 1 ngế cho kŏng nhân lo ing Bình Dương vêh a Gia Lai, dế klâ krê a tơring Phú Thiện. Mâu tíu khăm pơlât ki tơdjâk troh mâu ngế nếo tâ tú, ki hên cho pơlê kân Kƀang ƀă pơlê kong kơdrâm Plei Ku.

Gia Lai pro kơtăng tơdroăng mơhno tíu, klâ krê a mâu tíu séa ngăn mơdât pơreăng

Nôkố, Vi ƀan tơring Kƀang, Vi ƀan pơlê kong kơdrâm Plei Ku hiăng tơbleăng hlá mơ-eá pơtối thế pơtê mâu tơdroăng tê mơdró ki ôh tá kal môi tiah karaoke, massage, pơtâp ivá ki krâm mơngế, tíu xah điê̆n tưh, mâu tơdroăng po tơ’noăng. Mâu tíu tê mơdró kâ ôu, kơphế thế rak vế pêi pro tro pơkâ hbrâ mơdât pơreăng; kô pơxâu phak kơtăng mâu kuăn pơlê ki lâi prôk drô troăng ối a tíu pú hên ôh tá vâ truâ kên pâng môh rơkong.

 Gương tơplôu ƀă tơbleăng