VOV4.Sêdang - Tiô Khu hnê mơhno hbrâ mơdât COVID-19 kong pơlê Gia Lai, kơxê lơ 7/7, Gia Lai tối ai tơ’nôm 2 ngế yương tĭnh roh má 1 ƀă SARS-COV-2  rơtế ối a pơlê Kte, cheăm H’Bông, tơring Čư̆ Sê, kong pơlê Gia Lai. 2 ngế ki nếo tâ yương tĭnh mê xuân to kơnốu, K.N (kot mâ hơnăm 2003) ƀă K.Q (kot mâ hơnăm 2001) xuân ối a pơlê Kte, cheăm H’Bông, tơring Čư̆ Sê, kong pơlê Gia Lai prếi to rơxế hon đa ing kơxô̆ 163 Huỳnh Tấn Phát, bêng Tân Thượng Đông, Pơlê krâm 7, Pơlê kong kân Hồ Chí Minh vêh a cheăm H’Bông,  tơring Čư̆ Sê  a hâi lơ 4/7.

Gia Lai: pơtối ai tơ’nôm péa ngế yương tĭnh rôh má 1 ƀă SARS-COV-2

Nôkố prêi ki mê hiăng klâ krê ƀă dế pơlât a kơpong klâ krê tơchoâm pú hên dêi kong pơlê Gia Lai. Khu râ pơkuâ cheăng xuân thâ hdró kơpong tâ pơreăng ƀă tăng mâu ki F1, F2 tơdjâk troh prế. Ƀă 2 ngế ki yương tĭnh nếo ‘nâi mê, sap ing lơ 26/4 nah troh nôkô, Gia Lai hiăng ai 6 ngế yương tĭnh ƀă SARS-COV-2.

Gương tơplôu ƀă tơbleăng