VOV4.Sêdang -  Viện Vệ sinh dịch tễ Trung ương nếo pơkâ xing xoăng ăm 100 rơpâu klŏng vaccine AstraZeneca  ăm mâu tíu tung pơlê kong kân Hà Nội. Kơxô̆ vaccine mê xua Chin phuh Hungary tŏng kum, châ pro a kong têa Italia. Viện Vệ sinh dịch tễ Trung ương  ăm ‘nâi, tung 100 rơpâu klŏng mê, Hngêi pơkeăng pơlât êi xôu dêi Tíu xiâm tơnêi têa châ xing xoăng ăm 10 rơpâu klŏng, Hngêi pơkeăng Bạch Mai 8 rơpâu klŏng, Hngêi pơkeăng Nhi Trung ương, Hngêi pơkeăng E, Hngêi pơkeăng Hữu nghị rêm to hngêi pơkeăng mê 6 rơpâu klŏng.

Hngêi trung Đại học Y Hà Nội xo 5 rơpâu klŏng.  Viện Vệ sinh dịch tễ Trung ương  xo vâ chê 51 rơpâu klŏng vâ xing xoăng ăm mâu kong pơlê. Tiô tơdroăng pơkâ xing xoăng, Viện Vệ sinh dịch tễ Trung ương thế mâu tíu mê tơkŭm xo pâk tơdrêng hlối xô̆ vaccine ki hiăng ăm pâk kuăn pơlê tung pơlê kong kân Hà Nội, vâ tơniăn ‘na xúa vaccine tơ-ƀrê, tro tơdroăng, pâk tro mơngế.

Gương tơplôu ƀă tơbleăng