VOV4.Sêdang - Pôa Đinh Tiến Dũng, Kăn hnê ngăn Đảng pơlê kong kân Hà Nội ăm ‘nâi, kơvâ ngăn pơkeăng ƀă khăm pơlât pơlê kong xiâm hiăng tối tơniăn 1.600 tíu pâk vaccine ƀă ivá pâk dâng 500 rơpâu klŏng/hâi. Vâ chê 8.000 ngế ngăn pơkeăng, ƀok thái pơkeăng, mâu ngế cheăng khăm ngăn, mâu kih thuât viên, sinh viên hiăng lo ing 12 to kong pơlê, pơlê kong kơdrâm vâ veăng kum pơlê kong xiâm. Kơnôm ai hên ngế mâu tíu pâk xuân po pêi cheăng oh tá pơtê. Mâu tíu pâk xuân hiăng ăm ai ƀok thái pơkeăng ki vâ khăm pơlât tơdrêng ƀă mâu khu pơlât ukố umê vâ rak tơniăn ăm kuăn pơlê tâng lơ trâm tơdroăng xiá vâ. 

Pôa Đinh Tiến Dũng, Kăn hnê ngăn Đảng pơlê kong kân Hà Nội loi ngah Hà Nội kô kâi mơdât pơreăng

Tiô tơdroăng tối mê, troh hâi lơ 15/9, Hà Nội kô hiăng pâk tâi tiô pơkâ 100% ngế ing 18 hơnăm tơngi klêng châ pâk ki iâ gá 1 trum vaccine hbrâ mơdât COVID-19. Pôa Đinh Tiến Dũng, Kăn hnê ngăn Đảng pơlê kong kân Hà Nội thế rêm râ, mâu kơvâ cheăng pơtối tơrŭm krá ƀă kơvâ ngăn pơkeăng, mâu khu pêi cheăng dêi mâu kong pơlê, pơlê kong kơdrâm; xúa rêm chôu rêm phut vâ pê klêi pơkâ pâk tơniăn, tơ-ƀrê khât.

Gương tơplôu ƀă tơbleăng