VOV4.Sêdang - Tơdroăng tơbleăng ăm ‘nâi sap ing Khu ngăn pơkeăng ƀă khăm pơlât Hà Nội, kơhâi dế lơ 6/10, a pơlê kong kân ‘nâi 6 ngế yương tĭnh ƀă SARS-CoV-2 pơrá a kơpong ki tro mơdât mot lo ƀă ối tung khu ki ai hên ngế tâ tơdjâk troh hngêi pơreăng  Hữu Nghị Việt Đức. Tiah mê, 6 hâi pơxiâm hlo, troh nôkố hiăng ai vâ chê 50 ngế tơdjâk troh Hngêi pơkeăng Việt Đức yương tĭnh ƀă SARS-CoV-2.

‘Na tơdroăng ki toê xo séa ngăn, kơvâ ngăn pơkeăng ƀă khăm pơlât hiăng toê xo 18.168 túa, tung mê ai 17.988 túa hiăng ‘nâi ai 40 ngế yương tĭnh, mê cho 13 ngế tung rơpŏng hngêi rak ngăn ngế ki tâ; 19 ngế ki tâ dế pơlât a hngêi pơkeăng; 6 ngế pêi cheăng  a hngêi pơkeăng ƀă 2 ngế ai tơdjâk ki ê.

Katarina Nga tơplôu ƀă tơbleăng