VOV4.Sêdang - Ô vâi krâ nho\ng [ă pú hmâ! Mơhé ối hên tơdroăng xahpá, la sap ing châ Vi[an tơring Krông Ana, kong pơlê Dak Lak rah xo pro cheăm ki mơjiâng thôn pơlê rêh ối cheăng kâ tiô túa nếo, mâu kăn [o# [ă kuăn pơlê cheăm Quảng Điền hiăng môi tuăn môi mơno, rơtế [ă dêi pó mơ-eăm vâ chiâng môi ‘’hlá cờ ki djâ troăng a hdrối’’ tung mơjiâng thôn pơlê rêh ối cheăng kâ tiô túa nếo dêi tơring, ngiâ méa thôn pơlê, tơdroăng rêh ối dêi thôn pơlê hiăng hơ’leh nhên khât. {ai chêh kơ’nâi kố ai tối ‘na tơdroăng mê, pó vâi krâ nho\ng o kô tơmâng.

Sap ing rôh pơxiâm mơjiâng thôn pơlê nếo, cheăm Quảng Điền hiăng mơdêk re\ng hnoăng cheăng tối tơbleăng rêm rơxông kuăn pơlê ‘nâi [ă rơtế [ă khu pơkuâ tơdroăng kal kí veăng pêi pro, tung mê mơhên tơdroăng ki mơjiâng hngêi trăng, troăng klông thôn pơlê tung ivá mơ-eăm dêi kuăn pơlê cho ki xiâm. {ă túa pơkâ ‘’Tơnêi têa [ă kuăn pơlê rơtế pêi, kuăn pơlê pêi Tơnêi têa veăng to\ng kum’’, hên rơpo\ng kuăn pơlê hiăng môi tuăn pêi pro kơhnâ khât, pro chiâng hneăng tơ’noăng ki trâu hơngế tung kuăn pơlê. Rêm rơpo\ng hiăng kơhnâ khât tung mơjiâng [ă ‘mâi rơnêu hngêi ối, mơjiâng tơmeăm khoăng, tíu ki lăm mơdrah, kơnâng, bo cheăng mot tung thôn pơlê hiăng châ mơjiâng pro le#m krip, ôh ti xê ăm to rơpo\ng tơná mê ối ăm tá thôn, pơlê. Môi tiah pôa Nguyễn Lộc, ối a thôn 1 hiăng pleăng 560 met karê tơnêi ối [ă 24 rơtuh 500 rơpâu liăn, pôa Phan Văn Đa ối a thôn 2, pleăng 150 met karê tơnêi ki vâ pro troăng lơ môi tiah pôa Nguyễn Lành ối a thôn 1 pleăng lối 41 met karê tơnêi vâ mơjiâng hngêi trung mauh yăo a thôn 1 [ă hên ngế ki ê. Pôa Nguyễn Lộc tối, sap ing hiăng ton nah, kuăn pơlê ngin rơhêng vâ ai troăng kân rơdâ, phuâng le#m vâ tơ’lêi hlâu iâ ăm tơdroăng ki pơto chơ kế tơmeăm, rêm ngế ôh tá ai xếo tơdroăng ki tôu tuăn ‘na troăng trâp, rơxê kơtâu hliâk, kreăng, drêng troh rơnó mêi troh. Xua tiah mê, drêng Tơnêi têa pro troăng mot tung thôn pơlê, ngin sôk ro khât, hnối mơ-eăm veăng kum ivá tơná xua tơdroăng ki mơnhông mơdêk tơdjuôm dêi cheăm.

            Pôa Lê Văn Kiên, kăn pho\ hnê ngăn Vi[an cheăm Quảng Điền ăm ‘nâi, sap ing cheăm Quảng Điền pơxiâm tơdroăng ki mơjiâng thôn pơlê nếo, kuăn pơlê hiăng veăng kum 1 rơtuh 200 rơpâu liăn krâ ‘măn pul on vâ bro bâ-eăng a mâu drô troăng hơlâ, vâ chê 600 rơtuh liăn ‘mâi rơnêu, po rơdâ 20 km 4 troăng [ê tông tung kơpong kuăn pơlê rêh ối, veăng kum 1 rơtal 200 rơtuh liăn [ă lối hr^ng hâi pêi cheăng mơjiâng pro mâu troăng a mâu thôn pơlê [ă tâi tâng ki xo\n ai 1 km 3, lối 700 rơtuh liăn hiăng châ mơhnhôk vâ mơjiâng hngêi trung hriâm. Pák^ng mê, kuăn pơlê tung cheăm xuân hiăng veăng kum lối 6 rơtal liăn vâ pro troăng [ê tông 5 km hno têa mot tung klâng [ă 800 m hno têa ki hbrâ ai têa vâ ví trâm pá kong tô mơdrăng. Troh nốkố, troăng mot tung cheăm ki xo\n ai 5 km hiăng tôh chhá kơxu, troăng mot tung thôn, pơlê hiăng tôh 4 km 2 tung 7 km chhá kơxu, ‘mâi rơnêu 18 tung 26 km hno têa bro kâk le#m.

            Ôh ti xê to tơku\m mơjiâng hngêi trăng, tơdroăng ki mơnhông mơdêk pêi cheăng kâ, lo tơ’nôm kế tơmeăm ăm rêm ngế kuăn pơlê xuân hiăng châ Đảng [o# cheăm Quảng Điền tơmâng ngăn khât. Vâ to\ng kum kuăn pơlê mơnhông mơdêk cheăng kâ rêh ối, cheăm to\ng kum hdrê báu ăm mâu rơpo\ng kơtiê, tối tơbleăng pêi pro tơdroăng pơkâ păn ro ai kuăn, to\ng kum 12 ro hdrê ăm 12 rơpo\ng kơtiê [ă tâi tâng kơxo# liăn lối 200 rơtuh. Pák^ng mê, rêm hơnăm cheăm hmâ tơru\m [ă tíu xiâm hnê cheăng pêi tung [ă tơring ki ê tơku\m po lâm hnê kih thua#t rak ngăn tơmeăm, hnê cheăng pêi, tơ’mot lối rơpâu hdroh ngế veăng hriâm. Kơnôm mê, hên rơpo\ng hiăng khên tơnôu hơ’lêh pêt mâu hdrê loăng, mơnăn păn pro ai pơxúa khât ăm tơdroăng cheăng kâ. Môi  tiah ngoh Huỳnh Đức Quốc, ối thôn 1, [ă túa ki păn tơpá, rêm hơnăm pêi lo lối 100 rơtuh liăn. Lơ môi túa ki păn kơxêt dêi ngoh Đặng Văn Quang, ối a đo#i 8, thôn 1, rêm hơnăm pêi lo lối hr^ng rơtuh liăn. Xuân môi tiah rơpo\ng ngoh Quang, ngoh Quốc, hên rơpo\ng ki ê tung cheăm hiăng ‘nâi xúa khoa hok kih thua#t tung pêi cheăng kâ, mơdêk tơdroăng ăm dêi rơpo\ng hngêi. Kơnôm mê, ngiâ méa thôn pơlê dêi cheăm Quảng Điền rế hía rế xông tơtêk. Pêi lo liăn ngân rêm ko mơngế châ lối 23 rơtuh liăn môi ngế tung môi hơnăm, kơxo# ngế ki ai cheăng pêi hmâ sap 3 rơpâu 845 mgế. châ 90,5%, tung lâp cheăm bu ối 96 tê rơpo\ng kơtiê.

            Mơnhên tối ‘na tơdroăng mơjiâng thôn pơlê nếo a cheăm Quảng Điền, pôa Nguyễn Đình Viên, kăn hnê ngăn Vi[an tơring Krông Ana ăm ‘nâi: ‘’Tung pơla mơjiâng thôn pơlê nếo dêi cheăm Quảng Điền hiăng châ tối tơbleăng pêi pro tiô túa ki tơdrăng [ă tơniăn, pro châ tơdroăng ki môi tuăn, pơla kăn [o# [ă kuăn pơlê tung cheăm. Troh nôkố, Quảng Điền hiăng châ 17 tung 19 tơdroăng pơkâ, hên má môi tung lâp tơring. Tung la ngiâ ah, mâu khu râ, kơvâ cheăng kô pơtối tơku\m hnê mơhno [ă pêi pro 2 tơdroăng ki u ối cho troăng prôk [ă khăm pơlât, mơ-eăm troh tâi khế 6 hơnăm kố, Quảng Điền kô pêi pro tiô tơdroăng pơkâ ‘na mơjiâng thôn pơlê nếo vâ koh tơdah hneăng hôp kân Đảng [o# tơring Krông Ana’’.

Katarina Nga tơplôu [ă pơchuât