VOV.Sêdang - Pêi pro tiô tơdroăng ‘’Hơnăm ối nếo rơtế tơru\m mơjiâng ‘’Thôn pơlê rêh ối cheăng kâ tiô túa nếo‘’ xua Khu xiâm pơkuâ ngăn Đoân droh rơtăm ko\ng sản Hồ Chí Minh mơhnhôk, hơnăm ối nếo Dak Lak hiăng pêi pro kơhnâ khât. {ă lối chât rơpâu ngế droh rơtăm veăng pêi pro mâu tơdroăng cheăng pêi ki pơxúa, mơhnhôk hên xiâm veăng kum, veăng mơdêk tơdroăng mơjiâng thôn pơlê rêh ối tiô troăng nếo a tơring cheăm. Tung la ngiâ, Dak Lak pơtối mơhnhôk hên tâ, ăm mâu hơnăm ối nếo pêi pro tung mơjiâng thôn pơlê rêh ối tiô troăng nếo dêi kong pơlê. Ngế chêh hla tơbeăng dêi Rơ’jiu Việt Nam a kơpong Tây Nguyên ai kơ êng ngoh Y Nhuân Byă, kăn pơkuâ hnê ngăn Đoân droh rơtăm ko\ng san Hồ Chí Minh dêi kong pơlê Dak Lak ‘na tơdroăng kố

-Hmât kơ êh ngoh Y Nhuân, pâ ngoh tối ăm ‘nâi tơdroăng ki rơkê ple\ng tung pơla veăng pêi [ă hnê mơhno mâu khu tơru\m đoân tung tơdroăng veăng tơdjuôm ivá mơjiâng thôn pơlê nếo?

Rêm hơnăm [ă 6 khế apoăng hơnăm pơrá hôp [ă tơtro\ng troh tơdroăng tơmâng ngăn pêi pro mâu tơdroăng ki xiâm kố, mâu tơdroăng kố pơrá xo inâi môi tiah tơdroăng tơ’noăng nốkố cho ‘’Hơnăm ối nếo kơhnâ veăng mơjiâng [ă rak vế tơnêi têa, rơtế [ă droh rơtăm ‘na troăng ki tăng xêh tơdroăng cheăng’’. Pêi pro tiah mê nếo châ tơ-[rê, ôh tá tối troh tung pơla ki lâi, mê ah kô ôh tá châ tơ-[rê khât. Ki kal má môi cho ngế kăn [o# pơkuâ đoân, ngế ki pơkuâ râ tơring, râ cheăm athế khên tơnôu, hlo tơring, cheăm tơná ai tơdroăng klâi mê athế pơkâ tơdroăng [ă tơring cheăm ki mê ăm droh rơtăm pôu râng dêi hnoăng cheăng. Tâng tơkôm to a vâi mơhno hnoăng cheăng ăm pin pêi ôh tá hên tiah mê.

Ki má péa, cho mơhnhôk mâu khu mơdró kâ, mâu tíu cheăng ki ối tung tơring, cheăm, kong pơlê, rêm tíu cheăng mơeăm pêi, pơtih ai to lâi tíu ki peăng [â long, to lâi tíu ki xah hêi ăm droh rơtăm. Athế ai tíu pro ki nhên vâ pơchau ăm tíu cheăng ki mê lăm pêi, pơchau ăm tíu tơru\m cheăng [ă tơring, cheăm. Mê rêm tơring, cheăm ai 10 rơtuh vâ roê kế tơmeăm ki ai tơdjâk [ă droh rơtăm pêi tơdrêng hlối, mê nếo ai tíu ki xah hêi. Tâng xo kơxo# liăn mê vâ tơru\m [ă khu ki xo dêi hnoăng cheăng pêi athế ai 30 troh 40 rơtuh liăn nếo ai tíu ki peăng [â long.

-Hôm o ngoh, tung pơla veăng mơjiâng thôn pơlê nếo tiah mê, hơnăm ối nếo kong pơlê Dak Lak ai trâm tơdroăng ki xahpá klâi? Khu kăn pơkuâ ngăn Đoân hiăng pêi tiah lâi vâ pin kâl tơkâ hluâ mâu tơdroăng pá ki mê?

            Tung pơla pêi pro, ai mâu kăn [o# đoân xuân tá hâi ‘nâi tâi hnoăng cheăng dêi tơná, tá hâi kơhnâ khât, tá hâi khên tơnôu pơkâ mơ’no mâu tơdroăng ki xiâm vâ pêi pro tơdroăng kố. Tung tơdroăng pêi pro, ai mâu tíu cheăng xuân tá hâi pêi ‘ló. Má péa, ai mâu tíu cheăng ki ‘nâ, ai tuăn tơmiât cho pêi pro mâu kế tơmeăm khoăng xing xoăng hnoăng cheăng ăm droh rơtăm athế ai liăn ngân tơnêi têa pơtroh ăm droh rơtăm pêi, tiah mê ôh tá ai mâu kế tơmeăm ki lâi droh rơtăm pêi klêi. Khe#n cho kế tơmeăm droh rơtăm la athế mơhnhôk, pêi xêh, tâng xo liăn ngân tơnêi têa cho ôh ti kế tơmeăm khoăng dêi mâu droh rơtăm. Mâu tơdroăng xahpá ki u ối nếo cho ai mâu khu kăn pơkuâ râ Đảng xuân tá hâi khên tơnôu pơchau hnoăng cheăng ăm droh rơtăm, xua vâi ối xâu ôh tá pêi klêi, mê mâu tíu cheăng ki ‘nâ xuân tá hâi pơchau hnoăng cheăng. Mâu hơnăm achê kố, khu pơkuâ ngăn Đoân hiăng tí tăng ‘nâi ple\ng ăm Vi[an kong pơlê hnê mơhno ăm mâu tíu cheăng tơmâng ngăn, pơcháu hnoăng cheăng ăm droh rơtăm pêi pro mâu kế tơmeăm ‘na mơjiâng thôn pơlê nếo [ă ai hla mơéa hnê mơhno pêi pro ki nhên. Sap ing tơdroăng ki tơpá mê hiăng kơdroh châ mâu tơdroăng, môi tiah rêm hơnăm khu kăn pơkuâ kong pơlê, tơring, cheăm tâng ai kế tơmeăm pro xuân athế tơmâng ngăn pơcháu ăm Đoân pêi pro mâu hnoăng cheăng, pơtih hnoăng cheăng rak vế kong prâi tơnêi tíu, tơdroăng ki tơru\m mơjiâng tơdroăng kal kí.

-{ă mâu tơdroăng ki hiăng klêi pêi pro [ă mâu tơdroăng ki rơkê ple\ng ing tơdroăng ki ai khât tung pơla hdrối kố nah, la ngiâ ah hơnăm ối nếo kong pơlê Dak Lak mơnhên túa pơkâ pêi pro tiah lâi tung tơdroăng ki veăng tơdjuôm ivá mơjiâng thôn pơlê nếo?

Pêi pro tơdroăng mơjiâng thôn pơlê nếo mê pơtối athế pêi, ôh ti xê pơtê akố. Mơhno tối hnoăng cheăng dêi mâu hơnăm ối nếo tung mơjiâng, mơhno\ng pleăng dêi hnoăng cheăng rak vế tơnêi têa, rơtế prôk [ă droh rơtăm tí tăng hnoăng cheăng tiô tơdroăng pơkâ dêi hneăng hôp Đoân rêm râ hiăng pơkâ mơ’no. Mê Khu pơkuâ ngăn Đoân droh rơtăm kong pơlê pơtối mơnhên tơdroăng ki veăng mơjiâng thôn pơlê nếo kal pơtối pêi pro troh a hên h^n mâu cheăm vâ pêi, [ă rêm hơnăm pơrá ai tơdroăng ki mơnhên tối tơdroăng pơkâ kố. La ngiâ ah, kô tơku\m mơnhên tối mâu tơdroăng ki hiăng pêi klêi, tung mê kô pơtối pêi pro troh tơdroăng kô pêi to tơdroăng ki xiâm. Nốkố mâu kế tơmeăm khoăng, xing xoăng hnoăng cheăng ăm droh rơtăm athế ai tíu ki pơkâ thế nhên, la ai mâu tơdroăng cheăng ki ê tá hâi mơ’no tối tíu cheăng mê athế pơtối pêi tiah lâi vâ ai mâu tơdroăng ki pêi pro ki nhên ‘na tơdroăng ki pơtối. Pơtối mê nếo, cho athế tí tăng ‘nâi ple\ng ăm kăn pơkuâ kong pơlê, mâu khu râ, kơvâ cheăng ki ai tơdjâk vâ ai tơdroăng ki tơru\m cheăng [ă đoân droh rơtăm vâ pêi mâu tơdroăng pơkâ, pơtih mâu túa pơkâ mơnhông mơdêk cheăng kâ. La tơdroăng ki kal má môi nốkố cho athế xut tah hrâ mơnguâ kơtiê xahpá xuân cho tơdroăng ki ối tung pơkâ mơjiâng thôn pơlê nếo xuân ối tơpá khât, mê tơdroăng ki rơtế to\ng kum droh rơtăm mơjiâng mâu túa mơnhông mơdêk cheăng kâ, to\ng kum droh rơtăm tăng xêh cheăng pêi kal pơtối châ tơmâng ngăn. Môi tơdroăng nếo, mê cho mơjiâng troăng hơlâ kal kí xuân kal athế pêi đi đo, tâng troăng hơlâ kal kí, khu pơkuâ ngăn đoân ‘ro mê khu tơru\m kố kô ôh tá ó rơdêi.

 -Hôm! Mơnê kơ êh ngoh hên ‘na mâu tơdroăng ki tơpui tơno kố.

Katarina Nga tơplôu [ăpơchuât