VOV4.Sêdang – Ô vâi krâ-nho\ng o [ă pú hmâ! Đức Minh cho môi tung 8 to cheăm dêi tơring Dak Mil châ kong pơlê Dak Nông rah xo vâ mơjiâng thôn pơlê rêh ối-cheăng kâ tiô túa nếo. Cho môi tung mâu cheăm ki pêi cheăng kâ lo hên kế tơmeăm má môi dêi kong pơlê, Đức Minh hiăng pơkâ kô pêi klêi 19 kơpêng 19 hnoăng cheăng. Laga, xiâm troh a tơdế khế 6, cheăm bu pêi châ 16 kơpêng 19 tơdroăng. Mâu khế hơnăm ki u ối ôh ti ‘nhó ton to lâi, hnoăng cheăng pêi pro ôh trá xê hlâu. Mê tơdroăng ‘’Thôn pơlê rêh ối cheăng kâ tiô túa nếo’’ hâi kố, ngin ai tối ‘na tơdroăng ki ai khât păng ‘nâng dêi cheăm ki kố. Pó vâi krâ-nho\ng o kô tơmâng.

Tiô kăn pơkuâ Vi [an cheăm Đức Minh tối, tung pơla hdrối kố nah, mơhé cheăm hiăng tơku\m pêi pro hên troăng rơhlâ vâ 3 tơdroăng pơkâ ki u ối cho ‘na troăng prôk tung thôn pơlê, mơhno mơjiâng túa le#m tro, khăm pơlât [ă hên tơdroăng ki ê. La, xua ôh ai tu\m kơxo# liăn, mê rêm túa pơkâ mơjiâng tơdroăng pơkâ bu ối a tơdroăng ki chêh tung hlá mơéa tê.

Ki nhên gá môi tiah tơdroăng pơkâ mơhno mơjiâng túa le#m tro, cheăm nốkố ai 16 to thôn, pơlê bu nếo ai pơlê Jun Juh ai hngêi hôp tơdjuôm, a mâu tíu ki ê ki hên cho mung hngêi hôp tơdjuôm dêi hngêi khôp vâ hôp. Hlo ai tơdroăng ki tối a kơpêng, cheăm xuân hiăng ai troăng rơhlâ mơjiâng 3 kơpong hngêi hôp a mâu thôn, môi tiah Minh Đoài, Đức Đoài, Bình Thuận, Kẻ Đọng [ă Thanh Sơn, Xuân Sơn. Kố cho troăng hơlâ vâ pêi pro tơdroăng ki rơhêng vâ ai hngêi hôp tơdjuôm dêi vâi krâ nho\ng o, ki ê nếo cho vâ pêi pro pơkâ thế ki tơdroăng pơkâ kố hiăng mơ’no. Laga, xua ôh tá ai liăn mê cheăm hiăng châ khu rak ngăn tơnêi ‘’krúa’’ la troh nốkố, tơdroăng ki mơjiâng mâu kơpong hngêi mơhno mơjiâng túa le#m tro xuân tá hâi châ pêi pro.

{ă tơdroăng pơkâ ‘na khăm pơlât, tiô pơkâ cheăm athế ai hngêi khăm pơlât, pêi pro tiô tơdroăng pơkâ dêi tơnêi têa [ă kơxo# kuăn pơlê veăng roê baoh hiêm khăm pơlât châ 70%. Laga, Hngêi pơkeăng khăm pơlât cheăm nôkố hiăng mơjiâng sap ing ton nah, túa pơkâ kố gá ku\n, rêm pơlê, rêm kơbong bu ai 12 met karê tê, ôh tá châ tiô tơdroăng pơkâ. Hluâ tâ mê nếo, tung lâp cheăm bu ai lối tơdế kơxo# kuăn pơlê veăng rôe boah hiêm khăm pơlât. Hngêi trăng tơmeăm khoăng tá hâi ai tu\m, hlá mơéa tung khăm pơlât, pơlât tơpá khât, tá hâi ai mâu tơdroăng ki kơjo kum drêng xúa baoh hiêm khăm pơlât [ă hên tơdroăng ki ê, mê chiâng ôh tá kâi mơhnhôk kuăn pơlê veăng pêi pro klêi tu\m mâu hnoăng cheăng.

Nâ Nguyễn Thị Ngọc Uyên, ngế ki ki cheăng ngăn ‘na rơnêh kuăn Hngêi pơkeăng cheăm ăm ‘nâi: ‘’Hngêi pơkeăng cheăm nôkố hiăng tơ’nhiê, tơpá khât tung tơdroăng ki vâ khăm pơlât ăm kuăn pơlê, malối cho ‘na tơdroăng ki pâk pơkeăng hbrâ mơdât pơreăng, ôu Vitamin A, tối tơbleăng tơdroăng ki rak ngăn ivá châ chăn [ă ‘na tơdroăng ki ngăn ‘na mơhum kuăn ‘ne#ng’’.

{ă mâu tơdroăng pơkâ ‘na troăng prôk xuân tiah mê há, lâp cheăm ai 12 km troăng mot tung thôn pơlê, nôkố bu nếo châ 3 met 7 tê troăng prôk [ă [ê tông, u ối 8 m 3 tá hâi tôh [ê-tong. Tiô Vi[an hnê ngăn cheăm Đức Minh tối, Khu hnê mơhno tơdroăng pơkâ mơjiâng thôn pơlê rêh ối cheăng kâ tiô túa nếo dêi tơring ai tơkêa mơ-eăm kơjo ăm cheăm tung mơjiâng troăng prôk tung thôn pơlê vâ pêi klêi tơdroăng pơkâ kố tung hơnăm 2015. La troh nôkố hiăng châ tơdế hơnăm, kơxo# liăn xuân tá hâi ai, mê tá hâi châ mơjiâng troăng kố.

Tiô pôa Bùi Đình Hiển, kăn hnê ngăn Vi[an cheăm Đức Minh, kong pơlê hiăng tơhrâ xing xoăng ăm cheăm lối 21 rơtal liăn vâ mơjiâng hngêi trăng, troăng klông tâng pêi klêi mâu tơdroăng pơkâ ki u ối. Mơhé cheăm hiăng tơhrâ [ă Khu hnê mơhno cheăng ‘na tơdroăng mơjiâng thôn pơlê nếo dêi kong pơlê ‘na rak vế-pêi pro mâu tơdroăng pơkâ ki u ối, la troh nôkố hiăng lối tơdế hơnăm la xuân ôh tá ai kơxo# liăn vâ pêi pro.

{ă tơdroăng pơkâ pro troăng prôk tung thôn, cheăm hiăng [ă dế ối mơhnhôk veăng rơlo liăn to\ng kum vâ ‘mâi rơnêu mâu troăng prôk lăm klâng chiâk, prôk mot tung thôn pơlê. Tâng ai tơdroăng ki veăng to\ng kum tro tung tơdroăng pơkâ kố sap ing râ kong pơlê, troh mơ’nui hơnăm 2015, Đức Minh kô pêi klêi ‘na troăng prôk. Phá tâ [ă 2 tơdroăng pơkâ ki u ối pá vâ pêi klêi.

Tiô pôa Bùi Đình Hiển, kăn hnê ngăn Vi[an cheăm Đức Minh tối, tâng pơtối ôh tá ai kơxo# liăn ‘no cheăng mê cheăm Đức Minh pá vâ pêi klêi 19 tơdroăng pơkâ tiô hiăng pơcháu.

Katarina Nga tơplôu [ă pơchuât