VOV4.Sêdang - Ka Sớ cho mơngế Mạ ối a pơlê B’Dơng, cheăm Quảng Khê, tơring Dak Glong, kong pơlê Dak Nông. Pak^ng troăng kân tơdrăng le\m ki vâ prôk mot tung pơlê, rêm ngế hâk mơnê tơbâ troh inâi pôa Ka Sớ, môi ngế kuăn pơlê ki pêi chiâk deăng kơhnâ rơkê, pleăng dêi tơnêi mơjiâng thôn pơlê rêh ối cheăng kâ tiô túa  nếo, kum liăn ngân [ă hnê kuăn pơlê pêi cheăng kâ. Pôa cho ngế ki djâ troăng le\m kơhnâ ahdrối dêi hdroâng kuăn ngo tung mơhnhôk tơ’noăng pâ nhoa#m tơnêi têa a kong pơlê Dak Nông. Tơdroăng tơpui hâi kố, ngế chêh hlá tơbeăng dêi Rơ’jiu Việt Nam a kơpong Tây nguyên ai chêh tối  ‘na tơdroăng cheăng pêi [ă ki tơ-[rê dêi pôa.

Êng: Koh hmât kơ Ka Sớ! Chiâng vâ tối tung hơnăm hiăng hluâ, pôa cho môi ngế ki châ tơ-[rê má môi tâng vâ pơchông [ă mâu kuăn pơlê hdroâng kuăn ngo a Dak Nông [ă châ tơdah xo [âng khe#n kơdeăn kuăn pơlê ki pêi chiâk pêi deăng rơkê [ă châ ô-eăng cho inâi ngế ki djâ troăng ahdrối tung tơ’noăng pâ nhuo#m tơnêi têa. Pôa tối ăm mâu ngế ki hmâng rơ’jiu ‘na túa ki cheăng kâ dêi rơpo\ng tơná?

Tiâ: Rơpo\ng á hdrối nah pêt 3 ha 5 sao [ăng deăng kơphế [ă păn ro, pêi tơ’nôm alâi, hnối pêt mâu hdrê loăng ki iâ hâi môi tiah prá mê xuân ai hên kế tơmeăm ki pêi mơjiâng. Pák^ng mê, á ối păn 30 to, rơpo\ng á xúa phon êak ro rơvât ăm kơphế vâ kơdroh kơxo# liăn ‘no hrê roê phon, mê plâi xuân kơtốu hên. Tung hơnăm hdrối kố nah ‘na cheăng kâ dêi rơpo\ng xuân hlo tơniăn môi tiah hơnăm ki lâi, xuân châ xo sap 12 ta#n tơngi klêng. Ôh tá riân kơxo# liăn ki tơkâ dâng 400 troh 500 rơtuh, tá tơdroăng ki păn mơnăn, kơphế, alâi [ă hía hé.

Drêng xúa khoa hok kih thua#t, rơpo\ng á xuân athế hriâm [ối, mâu hdrê pêt ki ê vâ vêh pêi dêi tung rơpo\ng hngêi, malối ‘na mâu kih thua#t gá kal khât. Hdrối nah rơpo\ng á tá hâi xúa khoa hok kih thua#t mê kế tơmeăm pêt, mơnăn păn ôh tá dâi le#m khât la drêng xúa mê mâu kế tơmeăm pêt, mơnăn păn hlo le#m, dâi.

Êng: Vâi krâ nho\ng o tung pơlê B’Dơng pâ nhuo#m kơ pôa. Pák^ng tơdroăng ki rak ngăn cheăng kâ tung rơpo\ng hngêi, pôa ối kum vâi krâ nho\ng o ki ê mung kơxo# liăn [ă hnê mơhno vâi ‘na túa ki pêi cheăng kâ?

Tiâ: Pák^ng pêi cheăng kâ tung rơpo\ng hngêi, tơná á xuân ối mơhnhôk kum vâi krâ nho\ng o. Mâu rơpo\ng kơtiê mê á xuân kum ăm vâi păn ro, hơnăm nah 1 rơpo\ng á ăm, péa rơpo\ng á tê ăm vâi [ă yă rơpâ ăm vâi krâ vâ păn vâ xo ah hmôi xuân môi tiah á châ mơnhông mơdêk cheăng kâ. Á xuân mơhnhôk vâi krâ nho\ng o pêi cheăng kâ, hnê mơhno vâi túa ki rak ngăn kơphế. Pin rơhêng vâ châ tơ-[rê mê athế hriâm [ối, hriâm kih thua#t. Á xuân mơhnhôk vâi krâ nho\ng o xúa khoa hok kih thua#t, mê thôn, pơlê ngin nôkố ‘na kơphế xuân hiăng chía xông tơtêk.

Êng: Tiô ‘nâi, tung tơdroăng mơjiâng thôn pơlê nếo, pôa cho ngế ki djâ troăng ahdrối [ă mơhnhôk vâi krâ nho\ng o pleăng tơnêi, po troăng, kum pro le#m ăm pơlê, cheăm?

Tiâ: Rơpo\ng á [ă vâi krâ nho\ng o ai tơnêi a péa pâ troăng xuân pleăng ăm tơnêi têa. Tơná á xuân veăng kum ‘no rơxế chơ têa vâ pro troăng. Vâi krâ nho\ng o xuân to\ng kum hâi pêi cheăng. Môi tiah troăng ki xo\n 570 met tung mê vâi krâ nho\ng o kum hâi pêi cheăng, pleăng tơnêi rơtế [ă dêi pó pêi vâ mơjiâng thôn pơlê rêh ối cheăng kâ tiô túa nếo. Tiô á, pro troăng mê Tơnêi têa kal to\ng kum ăm prêi, hmốu [ă xi mong [ă mâu kế xúa ki ê vâ mơhno ăm vâi krâ nho\ng o pêi. Nôkố pin kal kih thua#t ki hnê tơdrêng ăm vâi krâ nho\ng o pêi. Kuăn pơlê kô veăng kum hâi pêi cheăng la thế ai kih thua#t mê troăng nếo krá kâk. Á rơhêng vâ Đảng Tơnêi têa tơmâng ngăn hên tâ nếo vâ rơtế dêi rơpó mơjiâng thôn pơlê rêh ối cheăng kâ tiô túa nếo.

Êng: Pôa hôm chiâng vâ tối ‘na mâu tơdroăng ki tơmiât pêi dêi tơná tung hơnăm nếo 2016?

Tiâ: Rơpo\ng á păn ro sap ing hơnăm 2007 nah, troh nôkố rơpo\ng á hiăng ai 20 to ro đâi, 1 hơnăm ai 15 to kuăn, tiô riân rơpo\ng á păn ro hlo châ liăn tơkâ hên. Á xuân tơmiât vâ roê tơ’nôm ro lai nếo vâ păn. Nôkố mơ-eăm kơd^ng liăn vâ roê tơ’nôm ro, pêt tiêu vâ hơnăm la ngiâ ah rơpo\ng á kô mơnhông tơtêk tâ. Tơná á ki hdrối tâ athế mơ-eăm, liăn xúa ai xiâm kối vâ châ tơ-[rê. Hdrối vâ pêi rơpo\ng á xuân tơmiât nhên khât. Nôkố tơnêi akố vâi krâ nho\ng o tá hâi ai hlá mơ-éa rak xúa tơnêi mê tá hâi châ mung liăn ing hngêi rak liăn. Nôkố Đảng Tơnêi têa, khu kăn pơkuâ pro ti lâi mơnhên ăm hlá mơ-éa rak xúa tơnêi vâ vâi krâ nho\ng o châ mung, liăn tơkâ iâ tâ. Á xuân rơhêng vâ tung hơnăm la ngiâ rơpo\ng, thôn, pơlê rơtế dêi pó hriâm [ối tơdroăng ki rơkê ple\ng ‘na pêi cheăng kâ vâ rơpo\ng ki lâi xuân chía xông tơtêk [ă xut tah hrâ mơnguâ, kơdroh kơtiê xơpá.

Katarina Nga tơplôu [ă tơbleăng