VOV4.Sêdang - Ô vâi krâ-nho\ng o [ă pú hmâ! Bu cho môi khu sinh viên Đăi hok Tây Nguyên ai tơchuôm môi hiâm mơno ‘nâi hơ-ui pâ, ‘nâi to\ng veăng mâu ngế xahpá, kum mâu chó chêng tơvê ko\ng, plôm mâ-klêk tuăn, hmâ lăm veăng kum a hngêi trung Vi Nhân, pơlê kong kơdrâm Buôn Ma Thuột mê khoh chiâng mơjiâng Kâu lăk [o# ‘’Púi vâ châ ai tơdroăng le#m tro’’. Kâu lăk [o# kố ai vâ chê 200 ngế, nôkố ti xê to sinh viên hngêi trung Đăi hok Tây Nguyên tê, mê ai tá hnoăng cheăng to\ng veăng dêi hên mâu đoân viên, vâi droh rơtăm a pơlê kong kơdrâm Buôn Ma Thuột, kong pơlê Dak Lak. Ki hơ-ui pâ dêi mâu ngế pú hơnăm ối nếo hiăng châ po rơdâ troh kân k^n khu râ, kơvâ cheăng ki ê rơtế to\ng veăng mâu vâi pú, vâi o, vâi muăn ki xahpá a pơlê cheăm hơngế hơngo dêi kong pơlê Dak Lak [ă hên mâu vâi o ki ôh tá mơhúa xêh ki rêh ối tung kong pơlê kố, khu ki ai hiâm mơno hơ-ui pâ mê hiăng veăng ‘no dêi ivá, mơno pro tơtô, bâ eăng ăm mâu ki xahpá, hliăng tiâ, hnoăng cheăng mê xuân vâ mơhno tối ki hiăng kâi chân, rơkê kơhnâ khât dêi mâu sinh viên a hngêi trung đăi hok ki kân má môi a kơpong Tây Nguyên. Mê tơdroăng ‘’Thôn pơlê rêh ối-cheăng kâ tiu túa nếo hâi kố’’, ngin vâ tơbleăng tối ‘na ‘’Kâu lăk [o# púi vâ ai tơdroăng le#m tro-Đăi hok Tây Nguyên, hiâm mơno púi châ rêh ‘ló tro khât dêi khu rơxông nếo’’.

Troh nốkố, mâu khu ngế ki tơru\m mơjiâng kâu lăk [o# ‘’Púi châ ai tơdroăng le#m ro’’ xuân ối pâ hâi ki apoăng pơxiâm pêi mâu hnoăng ki mơhno\ng pleăng dêi tơdroăng cheăng, ing hnoăng tơru\m po trung thu ăm vâi o ki chó chêng tơvê ko\ng a hngêi trung Vi Nhân, pơlê kong kơdrâm {uôn Ma Thuột. Túa pêi gá ôh tá xê pêi pro ki klâi hên, mê cho rêm ngế veăng kum 100 rơpâu liăn, roê on kơđe#ng, roê kơ-[ăn, tơku\m xah hêi rơtế [ă mâu vâi o.

Troh hơnăm 2010, kâu lăk [o# châ mơjiâng, mâu tơdroăng pêi pro rế hía rế hên tâ, mơtiah: xah sôk [ă mâu vâi hdrêng ki chó tơvê ko\ng tung mâu măng t^ng kân Noel [ă trung thu, tơku\m lăm hnê tơdroăng mơhno mơjiâng túa le#m tro ăm mâu vâi o tung mâu hâi pơtê. Pák^ng kơxo# liăn ki rêm ngế ki veăng tơlo mê, khu rak liăn mơhno\ng pleăng dêi ‘’Púi châ ai tơdroăng le#m ro’’ rế hía rế kơdroh iâ tơdroăng pá kơnôm ing kơxo# liăn tơkâ ing tơdroăng ki mâu ngế cheăng tung khu tê reăng, rêm roh troh a hâi lơ 20 khế 10, hâi lơ 8 khế 3 [ă ing tơdroăng ki tơku\m po tíu xiâm hnê hriâm, tơbleăng tối tơdroăng cheăng ăm mâu ngế ki cheăng tung kâu lăk [o#. Tung rêm tơdroăng pêi pro kố, mâu vâi pú hơnăm ối nếo pơrá trâm ôh tá iâ tơdroăng ki xahpá, la vâ ‘’Púi châ ai tơdroăng le#m ro’’  dêi tơná châ pêi cheăng tơ-[rê tâ, mê bố bố xuân mơ-eăm.

Trần Thị Khánh Linh, ngế ki cheăng tung kâu lăk [o#, hơnăm ki lâi xun lăm lo a kơpho# tê reăng a mâu hâi leh vâ ai liăn, ăm ‘nâi: Hmâ péa hâi hdrối hâi leh mê ngin tơku\m tung kơbong rơtế [ă dêi pó pro kế tudá, rơtế dêi pó tơpui tơno troh măng dế. Kơxo má hâi kơ’nâi ngin riu vâ lăm tê reăng, ai drêng ‘nâ hlo tơbrêi khât tung châ la hlo mâu vâi pú ki ê veăng kơhnâ khât mê tơdroăng ki tơbrêi xuân ôh tá tâng xếo, sôk ro khât cho a kơmăng, ngin lăm troh a plông kân, mê ah klâ xoăng dêi pó lăm tê, tê châ hên lơ châ iâ la ngin xuân sôk ro [ă mơhnhôk dêi rơpó rơtế mơ-eăm, tâi tâng kơxo# liăn ki ngin tê châ mê pơrá ‘măn tung tíu ki veăng tơlo dêi Kâu lăk [o#.

Troh apoăng khế 8 hơnăm 2011. Kâu lăk [o# châ mot tơru\m tung hngêi trung Đăi hok Tây Nguyên, mê nôkố ối tung Khu ngăn mâu sinh viên Đăi hok Tây Nguyên. Klêi kơ’nâi mot tơru\m rơtế [ă tơdroăng to\ng kum dêi Đoân hngêi trung, Khu ngăn mâu sinh viên hngêi trung Đăi hok Tây Nguyên, Kâu lăk [o# hiăng châ po rơdâ tâ ‘na túa pơkâ [ă túa tơru\m po. Kâu lăk [o# hiăng mơjiâng châ 12 tơdroăng a 7 cheăm ối tung 4 tơring ki phá tơ-ê dêi rơpó. Pák^ng mê, Kâu lăk [o# ối hbru tơmeăm drêng trung thu [ă têt vâi hdrêng ăm mâu vâi o a mâu tíu xiâm păn roăng mâu ki chó chêng tơvê ko\ng mơtiah Hoàng Anh, Vi Nhân [ă hên tíu ki ê. Tâi tâng kế tơmeăm ki kơnâ xua mâu tơdroăng ki mơhno\ng pleăng kố tung to lâi hơnăm hiăng hluâ vâ chê 100 rơtuh liăn. Mâu liăn ngân dêi kâu lăk [o# mơhé tá hâi hên, la tuăn hiâm dêi mâu đoân viên droh rơtăm tung kâu lăk [o# hiăng châ pơlê pơla tơmâng ngăn, rơtế veăng to\ng kum. Jâ ch^ng Nguyễn Thị Kim Yến, a Tíu xiâm păn rak, roăng ngăn mâu ngế chó chêng tơvê ko\ng Vi Nhân, tối: Tíu xiâm rak roăng mâu ngế chó chêng tơvê ko\ng nôkố ai 150 ngế o, rêm ngế ngê pơrá chó chêng tơvê ko\ng, plôm mâ, kle#k tuăn tơ-ê dêi rơpó, xua mê tơdroăng ki tơru\m xah hêi ăm mâu vâi o cho môi tơdroăng ôh tá tơ’lêi pêi. Laga, mâu vâi pú tung Kâu lăk [o# cho mâu ngế ki chía kơhnâ khât, to\ng kum mâu vâi o, mâu ngế ki cheăng tung kâu lăk [o# tơru\m kum dêi pó tung tơdroăng cheăng. Mơhé mâu vâi pú ối cho sinh viên, hnoăng cheăng hriâm tâp ối hên la mâu vâi pú mê hiăng mơdoh chơ phut ăm mâu vâi o akố, mơnê mâu vâi pú hên khât.

Nốkố, kâu lăk [o# ‘’Púi châ ai tơdroăng le#m ro’’, Đăi hok Tây Nguyên dế ối pêi pro troh tơdroăng ki mơjiâng túa pơkâ rế hía rế kân rơdâ vâ tâi tâng mâu vâi pú ki rơhêng vâ [ă tuăn hiâm vâ khât, pơrá chiâng vâ veăng rế hía rế hên ngế pêi pro, rế kum châ hên tơdroăng ki pơxúa ăm mâu vâi o ki chó chêng tơvê ko\ng. Ki ê kâu lăk [o# vâ pêi pro cho hriâm pât tơdroăng ki loi tơngah, tơche#ng tơmiât rêh ối tơtro ăm rêm ngế ki veăng hdrối vâ lo hngêi trung. Cao Nhật Linh, pơkuâ kâu lăk [o# ‘’Púi châ ai tơdroăng le#m ro’’ tối: Kâu lăk [o# cho tíu ki xiâm ki kum vâi o khên tơnôu tâ tung tơpui tơno, ‘nâi túa ki tơpui tơno, châ trâm hên mâu vâi pú, ngoh nâ, á rơhêng vâ má môi cho tơdroăng ki châ kum ăm hên ngế, pêi cheăng ki mơhno\ng vâ xêh kum ăm pơlê pơla, xua kố ai mâu vâi pú ki ôh tá mơhúa tâ pin.

Đăi hok Tây Nguyên cho tíu ki hnê hriâm mâu ngế cheăng kal má môi ăm mâu kong pơlê kơpong Tây Nguyên. Hên sinh viên klêi kơ’nâi lo ing hngêi trung kố, hiăng [ă dế ối rak vế dêi hnoăng cheăng ki kal tung kơ koan, khu kăn pơkuâ mâu kong pơlê, mâu tơring tung kơpong, hên ngế chiâng kih sư, [ok thái pơkeăng, thái hnê hok tro, dế ai mâu hnoăng cheăng veăng kum kơhnâ khât ăm tơdroăng ki mơnhông mơdêk tung tâi tâng dêi mâu kong pơlê, tơring, cheăm tung kơpong. {ă tơdroăng ki hbrâ rơnáu, khên tơmiât, khên pêi dêi mâu sinh viên Đăi hok Tây Nguyên mơtiah a kâu lăk [o# ‘’Púi châ ai tơdroăng le#m ro’’ nốkố, mâu vâi pú hơnăm ối nếo hiăng veăng kum ai pơxúa khât, sap ing roh ki tá hâi lo ing hngêi trung.

Katarina Nga tơplôu [ă pơchuât