VOV4.Sêdang - Tiô hnê tối dêi Khu xiâm ngăn pơkeăng Pơlât nôkố vâi hdrêng pá xôp 18 hơnăm ki hâi châ pâk vaccine hbrâ mơdât COVID-19, xua mê, tâng ôh tá kal, nôu pâ, mâu hiăng kân thế ví ăm vâi hdrêng lo prôk a troăng kân. Tơdjâk tơdroăng prôk lăm dêi vâi hdrêng drêng ai mâu pơlê kong kân, kong kơdrâm lôu péa ăm prôk nếo, tâng ai tơdroăng kal vâ prôk a troăng, vâi hdrêng pá xôp 18 hơnăm thế rak vế pêi pro 5K. ‘Na troăng rơhlâ pâk vaccine COVID-19 ăm vâi hdrêng, Khu xiâm ngăn pơkeăng pơlât hiăng tơbleăng mơjiâng troăng rơhlâ ki tơdjâk troh pâk vaccine ăm vâi hdrêng sap ing 5- 17 hơnăm.

Hdrối mê, a hneăng hôp ƀă khu chêh hlá tơbeăng tiô rơnó dêi Chin phuh, pôa Đỗ Xuân Tuyên, Ngế xiâm phŏ ngăn Pơkeăng pơlât ăm ‘nâi, hiăng hnê mơhno ăm Khu xiâm ngăn pơkeăng hbrâ mơdât pơreăng ƀă Hô̆i đong vaccine tơnêi têa tí tăng ‘nâi plĕng, roh apoăng môi tuăn ngăn a tơrêm túa vaccine vâ pâk ăm vâi hdrê pa xôp 18 hơnăm. Tơdroăng kố dế pâ mâu khu cheăng khoa hok ƀă kơ koan cheăng kơvâ ki mê tung la ngiâ rĕng má môi.

Gương tơplôu ƀă tơbleăng