VOV4.Sêdang - Troh kơxê lơ 17/9, Lâm Đồng tối ai 272 ngế tâ COVID-19, tung mê hiăng ai 228 ngế hiăng châ pơlât prêi ƀă hiăng lo ing hngêi pơkeăng. Tung 272 ngế tâ COVID-19 a kong pơlê Lâm Đồng ki hên mâu ngế tâ tú mê to mâu ki tâ tú ing Hngêi kơmăi pro prế Đà Lạt, ƀă tâ tú ing mâu ngế vê rơxế, ngế kum veăng vê rơxế ki chơ tơmeăm kơtâu troh mâu kong pơlê. Tung mê pơlê kong kơdrâm Đà Lạt ai kơxô̆ mơngế tâ hên 162 ngế, pơtối mê cho tơring Đơn Dương 45 ngế ƀă tơring Đức Trọng 27 ngế.

Mâu tơring Bảo lâm, Cát Tiên, Lâm Hà ai 1 ngế.  Krê Lạc Dương cho tơring ki hâi ai ngế tâ COVID-19. Malối tung kơxô̆ mâu ngế tâ COVID-19 a Lâm Đồng ki hên mâu ngế ki tâ mê hăng châ pơlât prêi hiăng lo ing hngêi pơkeăng. Nô kố ối 44 ngế dế pơlât a Hngêi pơkeăng nhi Lâm Đồng ƀă 2 tơring Đơn Dương, Đức Trọng.

Gương tơplôu ƀă tơbleăng