Tơpui troh ‘na tơdroăng ki pêt reăng, Y Linh tối, hơnăm 2011, klêi kơ’nâi hriâm kơvâ Yăo yuk Ch^nh tr^, hngêi trung Đăi hok Tây Nguyên, tung pơla mê nah ga tăng cheăng, ngoh xúa dêi kơdrum rơpo\ng hngêi vâ pêt reăng cúc tê a rôh Têt. Ôh tá ‘nâi ki klâi ‘na tơdroăng ki rak ngăn, mê reăng ki ngoh pêt tro tâ oâ, hdrong, pơreăng, xiâm reăng hdrối nah hlo le\m la ôh tá lo reăng.

Ôh tá préa [ă tơdroăng ki pá mê, ngoh pêt tơ’nôm reăng cúc, [ă 3 rôh pơtối hlối pơrá ôh tá chiâng klâi, hía tâi liăn ngân. Ôh tá vâ [ă tơdroăng ki tro lu\p, ngoh prôk ngi pơlê kong kơdrâm Đà Lạt, kong pơlê Lâm Đồng hriâm êng kih thua#t, [ă mung liăn vâ cheăng kâ ai 20 rơtuh sap ing Khu pơkuâ ngăn droh rơtăm tơring }ư\ Mgar, ngoh xuân pơtối pêt reăng cúc. Bu klêi kơ’nâi 2 rôh châ tơ-[rê, ngoh hiăng châ xo tơvêh dêi kơxo# liăn ‘no hdrối nah. {ă tơdroăng ki rơhêng vâ ‘na pêt reăng hiăng chiâng troăng hơlâ mơnhông mơdêk cheăng kâ dêi rơpo\ng hngêi. Ngoh Y Linh ăm ‘nâi:

‘’Á chiu pá pêt tơ’nôm rôh má 4 [ă hiăng châ tơ-[rê, pro pơxúa ăm tơdroăng ki pêi lo liăn ngân, mê á mơ-eăm po rơdâ tơ’nôm [ăng tơnêi pêt. Tơdroăng ki pêt reăng cúc, tơpá ‘na kong prâi ôh tá tơniăn, malối cho tung rơnó mêi, tơpá ‘na hdrê pêt, xua tơnêi a Daklak ôh tá môi tiah a Đà Lạt. Rơhêng vâ châ hên reăng cúc kố mê athế tí tăng tíu ki lâi ăm gá tơtro, tiah mê ‘nôi nếo chiâng pêt. Hơnăm kơ’nâi ah, á mơ-eăm ‘no liăn mơjiâng pro hngêi nhe\ng vâ pêt reăng tiô kơmăi kơmok chal nếo vâ kơdroh tơdroăng ki ôh tá mơhúa, loi tơngah kô ai pơxúa, pêi lo liăn tơkâ hên tâ’’.

36 ngế droh rơtăm châ khu kăn pơkuâ ngăn kong pơlê Daklak kơdeăn khe\n

Nôkố, [ă tơnêi ai 3000 met karê, Y Linh pêt reăng cúc tiô rơnó, khế ki lâi ngoh xuân ai reăng tê. {ă yă tê 1 rơpâu 500 liăn môi rơná  reăng [ă 15 rơpâu liăn tung môi kât, reăng cúc hiăng pro ai pơxúa ăm tơdroăng ki pêi lo liăn ngân [ă tơniăn ăm tơdroăng rêh ối tung rơpo\ng hngêi. Ngoh hiăng mơdâ xêh hdrê reăng cúc vâ kơdroh iâ kơxo# liăn ki roê hdrê sap ing Đà Lạt. Rơtế [ă túa pơkâ pêt reăng cúc, ngoh păn 3 to ro kơdrâi, xo êak vâ rơvât ăm reăng cúc, xo mâu hnông, kông, hrái mơ-u\m pro phon hưh cơ vi sinh rơvât ăm 2 sao kơphế. Túa pêi pêt, păn rêm hơnăm ngoh châ vâ chê 400 rơtuh liăn, ôh tá riân kơxo# liăn ki ‘no hrê. Túa pêi mê, xuân hiăng tăng cheăng pêi ăm 2 ngế droh rơtăm tung thôn ai kơxo# liăn pêi lo 3 rơtuh liăn môi khế môi ngế.

Cho ngế ki apoăng a tơring kố pêt reăng cúc châ liăn hên, Y Linh ối kơhnâ hnê kih thua#t  kum đoân viên, droh rơtăm po rơdâ, kum mơndêk cheăng kâ rêh ối a tơring. Nâ H’Băn Êban, kăn pho\ pơkuâ hnê ngăn Đoân droh rơtăm pơlê kân Ea Pô], tơring }ư\ Mgar, tối:

‘’Y Linh po rơdâ kơdrum pêt reăng cúc, kơnôm ing tơdroăng ki kơhnâ, chiu pá, hriâm [ối, ngoh hiăng châ tơ-[rê [ă mơnhông mơdêk cheăng kâ tơniăn. Rôh kố, ngoh dế tí tăng ‘nâi ple\ng ing măng internet [ă tí tăng ‘nâi a mâu kong pơlê ki ê vâ pêt reăng tiô túa pơkâ kơmăi kơmok chal nếo nôkố. Châ tơring mơnhên tối ‘na túa pơkâ nôkố, Y Linh cho ngế ki djâ troăng ahdrối vâ tơring kố pêi pro [ối [ă pro tơ’lêi hlâu ăm mâu droh rơtăm tơniăn tung rêh ối’’.

Y Linh Niê veăng Hôp a hneăng hôp kân a Hà Nội

Y Linh Niê cho 1 tung 36 ngế droh rơtăm ki kơhnâ rơkê châ Đoân droh rơtăm Ko\ng san Hồ Chí Minh kong pơlê Daklak khe#n kơdeăn tung hơnăm 2016. Ngoh xuân sôk ro châ veăng hôp a hneăng hôp droh rơtăm ki pêi pro tiô rơkong pôa Hồ hnê lâp tơnêi têa má 4 tơku\m po a Hà Nội a tơdế hơnăm kố. Y Linh tối, tơdroăng pêi dêi ngoh bu nếo châ mâu tơdroăng ki tơ-[rê apoăng tê. Kơchô tê mơdró reăng tung tơring [ă Pơlê kong kơdrâm {uôn Ma Thuột gá hên. Y Linh rơhêng vâ mơjiâng túa pơkâ pêt reăng kân rơdâ tâ, pêt reăng tung hngêi nhe\ng, pro kro mơdro\ng ăm rơpo\ng [ă kum ăm hên droh rơtăm rơtế veăng pêi.

Katarina Nga tơplôu [ă tơbleăng