VOV4.Sêdang - Nâ H’ Yam {krông, hdroâng kuăn ngo Rơđế ối a [uôn Tơng Jú, cheăm Ea Kao, pơlê kong kơdrâm {uôn Ma Thuột, kong pơlê Daklak cho mơngế ki hâk git [a\ tơdroăng cheăng teăn rơneăm hmân ếo dêi hdroâng kuăn ngo. Ôh tá xê to mơjiâng khu tơru\m cheăng teăn rơneăm hmân ếo hdroâng kuăn ngo, tăng cheăng pêi, pêi lo liăn ăm lối 100 ngế kơdrâi tung kơpong, nâ ối mơhno hnoăng cheăng dêi mơngế kơdrâi pơkuâ pơlê châ kuăn pơlê nhoa#m pâ, loi tơngah. Hương Lý, ngế chêh hlá tơbeăng ai tơbleăng ‘na mơngế kơdrâi kố.

          Kot mâ [ă xông kân sap ing pơlê, cheăm mê nâ H’Yam {uôn Krông ‘nâi nhên ‘na tơdroăng ki teăn rơneăm tơmeăm tiô khôi túa ton nah dêi hdroâng kuăn ngo tơná. Tơdroăng rêh ối nôkố, hmân ếo, kế tơmeăm pơtối hơ’lêh đi đo, hên ngế ôh tá vâ [ă tơdroăng ki teăn rơneăm tiô khôi túa ton nah, xua mê mâu tơdroăng ki mê kô rế hía rế hía lôi tung xo ah hmôi. Hơnăm 2003, nâ H’Yam mơhnhôk mâu nâ o tung pơlê [uôn Bông [ă [uôn Tơng Ju\, cheăm Ea Kao, mơjiâng Khu pêi cheăng tơru\m Teăn rơneăm kế tơmeăm tiô khôi túa ton nah Tơng Bông, vâ ‘mâi mơnhông tơdroăng cheăng tiô khôi túa dêi hdroâng kuăn ngo tơná.

          Mâu hâi ki nếo mơjiâng, Khu pêi cheăng trâm hên xơpá ‘na liăn ngân pêi cheăng, kế tơmeăm tá hâi teăm le#m, tá hâi hên, tá hâi châ tơmối tăng ngăn. {ă ivá mơ-eăm ‘mâi mơnhông tơdroăng cheăng khôi túa ton nah dêi hdroâng kuăn ngo tơná, nâ H’Yam {uôn Krông rế mơhnhôk tơlo liăn to\ng kum dêi kong pơlê, rế tí tăng hriâm [ối tơdroăng ki rơkê ple\ng ‘na teăn rơneăm kế tơmeăm khôi túa ton nah sap ing mâu nge# nhân, mê ah hnê ăm mâu nâ o tung khu ki pêi cheăng tơru\m. Drêng hiăng ai kế tơmeăm teăn ki hiăng le#m, hên túa [ă hên tơmeăm, nâ tí tăng tíu vâ mơđah tơbleăng, tí tăng tíu vâ tê mơdró a mâu kơpong ôm hyô, rôh po kơchô, mơđah tê tơmeăm. Nâ H’Yam ăm ‘nâi: Apoăng kế tơmeăm pin ki teăn rơneăm klêi, tơmối ôh tá vâ roê, má môi xua ôh tá dâi le#m, má péa nếo, mâu túa gá ôh tá hên mê tơpá vâ châ tê la [ă tơdroăng ki mơ-eăm [ă tơdroăng ki vâ [ă hnoăng cheăng mê ôh tá xâu pá, tíu lâi po kơchô ai drêng ‘nâ kong pơlê to\ng kum, ai drêng ‘nâ kong pơlê bu to\ng kum tơdế la á xuân tí tăng kế tơmeăm dêi tơná vâ châ mơđah tơbleăng tê a hên tíu.

Nâ H’Yam (peăng hơ'vá) kơhnâ [ă tơdroăng hnê te\n hmôu ăm khu rơxông nếo

          Sap ing 10 ngế ki pêi cheăng khu tơru\m ki apoăng, troh nôkố khu ki pêi cheăng tơru\m hiăng ai 42 ngế [ă 100 hlá mơ-éa tơkêa pêi tiô rơnó, [ă kơlo liăn kâ rêm khế sap 2 troh 3 rơtuh. Kố cho kơxo# liăn sôk ro [ă [ă vâi kơdrâi hdroâng kuăn ngo Rơđế, ki hmâ [ă tơdroăng ki pêi chiâk deăng. Hluâ tâ mê nếo, tơdroăng ki pơtối rak vế [ă mơnhông khu ki pêi cheăng tơru\m Teăn rơneăm kế tơmeăm Tơng Bông hiăng kum iâ tung tơdroăng ki rak vế tơdroăng cheăng teăn rơneăm tơmeăm tiô khôi túa dêi hdroâng kuăn ngo. Nâ H’Bluen Niê ăm ‘nâi: Nâ H’Yam cho môi ngế ki hâk vâ [ă tơdroăng cheăng, rêh ối le#m tro, nâ kơhnâ khât hnê mơhno ăm mâu ngế hơnăm ối nếo teăn rơneăm kế tơmeăm. Tung tơdroăng rêh ối, nâ tơmâng ngăn khât troh mâu nâ o ki ê, lăm pôu, kơ-êng drêng ta mo, tơpui tối tơdroăng ki sôk ro [ă dêi rơpó. Nâ, o tung pơlê hâk mơnâ khât kơ nâ H’Yam.

          Ivá mơ-eăm, kơhnâ, ai hnoăng pôu râng dêi tơdroăng cheăng, nâ H’Yam {uôn Krông hiăng châ vâi krâ nho\ng o pôk pro kăn pơkuâ {uôn Tơng Ju\ sap ing hên hơnăm hiăng hluâ. Tiô pôa Phạm Văn Trường, kăn hnê ngăn cheăm Ea Kao, nâ H’Yam {uôn Krông ai tơdroăng ki veăng kum kal khât [ă tơdroăng ki pro tơniăn ‘na tơdroăng kal kí, mơnhông mơdêk cheăng kâ rêh ối [ă rak vế khôi túa le#m tro hdroâng kuăn ngo a tơring, cheăm, veăng kum mơdêk Ea Kao chiâng cheăm pêi tiô tơdroăng pơkâ thôn pơlê ki apoăng a pơlê kong kơdrâm {uôn Ma Thuột. {uôn Tơng Ju\ ai lối 380 rơpo\ng [ă lối 80% cho hdroâng kuăn ngo Rơđế, hdrối nah cho ‘’tíu xiâm ‘na tơdroăng ki ôh tá tơniăn kring gâk kal kí, kơxo# rơpo\ng kơtiê hên, la nôkố bu ối 8 rơpo\ng kơtiê. Pôa Phạm Văn Trường mơnhên tối: Nâ cho kăn pơkuâ pơlê, xuân cho ngế pơkuâ khu pêi cheăng tơru\m teăn rơneăm tơmeăm. Ing hên hơnăm tiah mê nâ hiăng tăng cheăng pêi ăm vâi krâ nho\ng o a kố. Môi tiah tơdroăng pơkâ rơpo\ng kơtiê pá kơdâm 400 rơpâu liăn môi ngế tung môi khế la tơdroăng ki pơtối rak vế dêi kơvâ teăn rơneăm tiô vâi krâ ton nah châ 1 rơtuh 500 troh 3 rơtuh liăn tung môi khế, tiah mê kố xuân cho tơdroăng ki kơdroh tah hrâ mơnguâ kơtiê xơpá a cheăm môi iâ. ‘Na hnoăng cheăng vâi kơdrâi nâ cho ngế ki khên tơmiât khên pêi, chiu pôu râng dêi hnoăng cheăng [ă pơlê, cheăm xuân đi đo pro tơ’lêi hlâu xua kố cho kơpong hdroâng kuăn ngo mê pin xuân athế tơmâng ngăn pro tơ’lêi hlâu ai tơdroăng klâi tăng cheăng pêi kơxo# liăn to\ng kum klâi ‘lo pin xuân ai tơdroăng kơjo ki apoăng vâ mơhnhôk ăm khu pêi cheăng tơru\m kố rế hía rế tơtêk tâ.

          {ă mâu tơdroăng pêi ki châ tơ-[rê tung tơdroăng tơ’noăng vâi kơdrâi kum dêi rơpó mơnhông mơdêk cheăng kâ, kơdroh kơtiê tơniăn ton, nâ H’Yam {uôn Krông hiăng châ Khu tơru\m pêi cheăng Việt Nam diâp pri Cúp Mêa ‘’Tơru\m cheăng xua pơlê pơla kro mơdro\ng’’, Medái Pêi cheăng ối má 3 [ă hên [âng khe#n kơdeăn xua Vi [an hnê ngăn kong pơlê Daklak, Khu tơru\m pêi cheăng tơru\m diâp ăm.

Katarina Nga tơplôu [ă tơbleăng