VOV4.Sêdang - Kơxo lơ 20/7, Khu hnê mơhno hbrâ mơdât pơreăng COVID-19 kong pơlê Kon Tum tơkŭm po hôp tơdrêng tung um tơvi ƀă 10 tơring, pơlê kong kơdrâm tung kong pơlê ‘na 2 ngế ki yương tĭnh ƀă SARS-CoV-2 ki apoăng châ ‘nâi a tung kong pơlê ing apoăng rơnó tâ pơreăng ƀă mơdêk hnoăng cheăng hbrâ mơdât pơreăng tung pơla nôkố dêi kong pơlê. Tŭm 2 ngế F0 xuân ăm klâ krê drêng mot tung kong pơlê ƀă dế pơlât a Hngêi pơkeăng tơring Kon Plông ƀă Hngêi pơkeăng Y học cổ truyền -  Phục hồi chức năng dêi kong pơlê Kon Tum.

Hngêi pơkeăng Y dược Cổ truyền - Phục hồi chức năng kong pơlê Kon Tum cho tíu pơlât mâu ngế ki nhôm yương tĭnh ƀă SARS-CoV-2

A rôh hôp mơ’no tơdrêng ƀă 10 tơring, pơlê kong kơdrâm tung kong pơlê, Khu hnê mơhno hbrâ mơdât pơreăng COVID-19 kong pơlê Kon Tum hiăng hnê mơhno mơdêk tơdroăng cheăng hbrâ mơdât pơreăng tung pơla nôkố dêi kong pơlê. Kong pơlê thế mâu khu râ pơkuâ cheăng tơmâng khât  dêi 10 tơring, pơlê kong kơdrâm tung kong pơlê tung tơdroăng cheăng séa ngăn mâu ngế ki lo ing kơpong tâ pơreăng ƀă ôh tá ăm tâ tú pơreăng tung kơpong klâ krê pơlât mâu ngế F0.

Gương tơplôu ƀă tơbleăng