VOV4.Sêdang - Tung kơxô̆ 272 ngế kuăn pơlê rêh ối, pêi cheăng, hriâm tâp a Pơlê kong kân Hồ Chí Minh nếo châ kong pơlê Kon Tum tơdah vêh pơlê, ai 4 ngế yương tĭnh ƀă SARS-CoV-2. Tung mê ai 2 ngế a pơlê kong kơdrâm Kon Tum ƀă 2 ngế a tơring Tu Mrông. Tá 4 ngế ki tối a kơpêng mê âi pơrá hăng châ Tíu xiâm ngăn pơkeăng kong pơlê Kon Tum séa ngăn têa môh tối nhên rôh má 1 ƀă túa RT-PCR yương tĭnh ƀă SARS-CoV-2.

Hnê mơhno kuăn pơlê mot lo tung tíu ki klâ ối krê tung hngêi kân

Klêi kơ’nâi châ ‘nâi, mâu ngế ki kố pơrá châ pơtroh ăm klâ ối krê pơlât. Kơvâ ngăn pơkeăng ƀă khăm pơlât kong pơlê xuân hiăng pơxiâm mơnhên châ 24 ngế cho F1 dêi 4 ngế yương tĭnh. Khu ngăn pơkeăng ƀă khăm pơlât kong pơlê Kon Tum xuân ăm ‘nâi kong pơlê nếo ai môi ngế cheăng khăm pơlât tâ pơreăng drêng ối achê ƀă ngế ki tâ COVID-19 ƀă 1 ngế vêh yương tĭnh nếo ƀă SARS-CoV-2.

Katarina Nga tơplôu ƀă tơbleăng