VOV4.Sêdang - Kơtăn kố to lâi hơnăm, drêng tơring Tu Mrông tối tơbleăng pêt sâm kơxái, ối khe#n cho hồng đẳng sâm pêt hên a mâu cheăm mê jâ Y Bắp hiăng ‘nâi pêt [ă cho xo lối châ rơtuh liăn rêm hơnăm ing sâm kơxái kố, tuăn tơmiât pêt sâm kơxái drêng jâ mung [ă kơd^ng châ môi iâ liăn kơnôm ing tê kế tơmeăm pêi lo ing chiâk deăng dêi mơngế Rơteăng kố.

Rôh ki mê nah, tê mơdró, pêi chiâk tơpá ó khât la xuân bu bê kâ tê, ôh tá ai liăn kơd^ng. Tung pơla mê, vâi krâ nho\ng o mot tung kong tăng sâm kơxái châ to lâi bu tê tâi ăm mâu ngế ki ối a tơbăng, tung kong rế hía rế iâ hdrê sâm ki kố. Mâu rôh mot tung kong, Y Bắp hlo sâm kố tơ’lêi chiâng, bu kal ‘măn a kơdâm tơnêi ki hngiâm xuân hiăng chiâng rêm hdroh hlá tơruih, hmo\ng hlá. Tuăn tơmiât púi vâ chiâng pêt sâm kơxái dêi jâ Y Bắp kố, mê jâ hiăng pơxiâm pêi tơdrêng hlối. Drêng roê sâm kơxái dêi vâi krâ nho\ng o, Y Bắp ‘măn môi iâ pôm ki kuăn, rah kơpong tơnêi ki nếo pêi [ă lăm pêt tơvât [ă mâu prá, alâi ki ê, xua ‘’tâng lôi ton rêi sâm kô ho\n ôh tá chiâng pêt xếo’’.

Klêi kơ’nâi pêt [ă hiăng ‘nâi kih thua#t, drêng hlo sâm ki pêt a tơnêi hiăng xông kân le#m, Y Bắp sap ing tơdroăng ki pêt a to lâi [ăng chiâk sap 1 troh 2 sao tơvât [ă mâu alâi, pôm, báu tung môi to chiâk hiăng hlo hên a kơdâm ki xâp hơngiâp dêi hdrê loăng pêt ton hơnăm môi tiah kơphế, loăng ‘mố. Y Bắp tối, nôkố ôh tá ‘nâi ai to lâi [ăng deăng ki pêt sâm kơxái, la 50 ha tu\m túa mâu hdrê loăng pêt ton hơnăm mê sâm kố pơrá châ pêt tơmó.

Drêng mot tung kong tăng sâm vâ tê, hdroâng kuăn ngo tung pơlê kố bu tăng to hdrê sâm ki kân tơdâng hơ‘răng ko\ng, xua sâm rế hía rế ôh tá ai xếo, tá hâi teăm kân hiăng tro lâk xo. Y Bắp pêt sâm, kôm to lâi hơnăm ‘nôi nếo lâk xo, mê pôm gá kân tâk pái hdroh tâng vâ pơchông [ă lâk tiah hmâ, pôm rế kân, tê rế kơnâ yă, pôm ki kân têng khăng tê yă 500 troh 600 rơpâu môi k^, 7 troh 10 to pôm ki ối drêh châ môi k^ pôm ki khăng, khu ki lăm roê troh roê a hngêi. ‘’Tâng tê tâi sâm nôkố, mơni kô châ rơtal liăn’’, Y Bắp mơni dêi tiah mê.

A tơring Tu Mrông, ai 2 ngế kơdrâi ki pêt sâm kơxái ki vâi ôu-eăng, la tơdroăng ki pêi lo liăn hên mê cho Y Bắp, mê vâi hmâ krếo jâ cho ‘’Ngế kơdrâi ki pêt hên sâm kơxái’’. Pák^ng kơxo# liăn ki pêi lo ing pêt sâm kơxái, Y Bắp nôkố dế ối pêi 15 ha loăng ‘mố. Ki rơhêng vâ tối, rơpo\ng nâ ối pêi hên lối chât ha sâm Ngọc Linh hiăng troh khế hơnăm lâk xo. Pák^ng, mâu tơnêi deăng ki pêt kơphế dêi Y Bắp hiăng ai plâi hơnăm má 2, dế ối krí. Mê jâ ối păn chu, kơpôu, ro [ă kơxo# liăn ki châ xo ing păn tơmeăm kố xuân lối hr^ng rơtuh liăn rêm hơnăm.

‘’{ă mâu vâi kơdrâi akố, kơbố rơhêng vâ pêt sâm kơxái, Y Bắp hnê ăm kih thua#t pêt troh tơdroăng ki rak ngăn, tê tiah lâi ăm ai liăn tơkâ’’, jâ Y Bắp tối. Tiô Khu ngăn kuăn pơlê pêi chiâk pêi deăng kong pơlê Kon Tum, Y Bắp cho ngế ki kum vâi krâ nho\ng o tung kơpong, ‘na hdrê pêt, hdrê păn. Hdrối kố nah, Y Bắp châ kong pơlê lăm veăng hôp a Hneăng hôp kuăn pơlê ki djâ troăng ahdrối, rơkê tung cheăng kâ, tê mơdró râ Tơnêi têa a Hà Nội.

Katarina Nga chêh [a\ tơbleăng