VOV4.Sêdang - Riân troh nôkố ai 20 khu pơkuâ ngăn kong cho mâu Ko\ng ti, Khu rak ngăn kong rak kơnho\ng têa, [ă 75 Vi [an hnê ngăn cheăm, pơlê kân dêi kong pơlê Kotum hiăng pơcháu ăm lối 8 rơpâu 700 rơpo\ng, mâu ngế kuăn pơlê, 95 pơlê pơla [ă 30 khu ki rak ngăn lối 202 rơpâu 500 ha kong. Sap ing kong pơlê pêi kơtăng ‘na tơdroăng ki pơcháu kong ăm mâu rơpo\ng, mâu kuăn pơlê, mâu pơlê pơla rak ngăn, mâu rôh pro xôi xua kếo loăng ko kong a kong pơlê kố hiăng chu kơdroh. Rơtế a mê, kuăn pơlê rế hía rế tơru\m tơrôa, ai hnoăng cheăng rak ngăn kong rế kơhnâ. {ai chêh a kơ’nâi kố dêi ngế chêh hlá tơbeăng ai chêh tối nhên ‘na tơdroăng kố, pó kô tơmâng.

          Hơnăm 2015, pơlê Đak Wơt, cheăm Hmoong, tơring Sa Thầy xo dêi hnoăng cheăng rak ngăn lối 8 ha kong rak kơnho\ng tung cheăm. Klêi kơ’nâi tơpui tơno, 295 rơpo\ng kuăn pơlê tung pơlê hiăng môi tuăn mơjiâng 4 tôh rak ngăn kong. Rơtế [ă tơdroăng ki hmâ xing xoăng hnoăng cheăng ăm mâu tôh séa ngăn hbrâ mơdât mâu ngế ki mot tung kong kếo loăng ko kong vâ rak ngăn kong, kuăn pơlê Đak Wơt ối mơjiâng troăng pơkâ, tung mê pơkâ pêi pro nhên [ă kơlo ki pơxâu phâk ‘na liăn ngân [ă mâu ngế ki ko ‘nhiê kong. Xua tiah mê, lối 1 hơnăm hiăng hluâ tơnêi kong ki pơcháu ăm pơlê Đak Wơt châ kuăn pơlê rak ngăn tơniăn khât. Ngoh A Cường, môi ngế kuăn pơlê tung pơlê kố tối ăm ‘nâi:Vâ rak ngăn kong, vâi krâ nho\ng ai túa pơkâ pơxâu phak, a thế pơxâu phak mâu ngế ki pro xôi ‘na ko ‘nhiê kong rak kơnho\ng têa. Tâng ai kơbố ki lâi pro xôi, pơtih mâu ngế tung pơlê lơ mâu ngế ki ê. Troăng hơlâ ki má môi phak a kơlo ki iâ, ki má môi khu ki rak ngăn kong dêi thôn, dêi tôh athế hnê tối đi đo. Mê ki má péa nếo, kô pơxâu phâk tiô pơkâ dêi pơlê pơtih pơxâu phâk a poăng cho í. Tiô kơlo ki kân tâ cho athế pơxâu [ă chu.

          A tơring Kon Plông, bu phá to môi tíu rak ngăn cho Ko\ng ti pêi cheăng tiô rơnó, môi tung khu ki pêt kong Kon Plông hiăng pơcháu tơnêi ăm 665 rơpo\ng kuăn pơlê [ă 6 khu ki rêh ối, khu rơpo\ng ki rak ngăn lối 20 rơpâu 700 ha kong tung tâi tâng [ăng tơnêi ai 56 rơpâu 500 ha kong dêi tíu cheăng kố. Klêi mê ăm hlo, tung 5 hơnăm hiăng luâ tung [ăng tơnêi dêi Ko\ng ti ôh tá hlo ai tơdroăng ki on chếo kâ kong. Mâu roh ki ko ‘nhiê kong pro chiâk deăng, mâu rôh ki kếo loăng ôh tá tro luât hiăng kơdroh hên khât. Ngoh A Pan, kăn pơkuâ pơlê Vi ô lắc, cheăm Pờ Ê, tơring Kon Plông ăm ‘nâi: Hdrối nah tá hâi pơcháu ăm rơpo\ng kuăn pơlê rak ngăn mê vâi hmếo pơ ko ‘nhiê kong pro chiâk deăng hmâng vâ. Pơcháu ăm vâi krâ nho\ng o rak ngăn khât, ôh tá ai xếo tơdroăng ki hdi xo kong. Tung môi khế 21 khu rơpo\ng ki mê bố bố xuân lăm séa ngăn, vâ re#ng hbrâ mơdât [ă tối ăm vâi ki kố châ Đảng, Tơnêi hiăng pơcháu ăm pơlê pin rak ngăn, pó pôi tá pro xôi luât. Tâng pó ôh tá hmâng krâ pơlê [ă thôn pin kô krếo pó troh a cheăm pêi cheăng [ă Vi [an cheăm.

          Riân troh nôkố, 20 khu pơkuâ ngăn kong cho mâu Ko\ng ti, Khu rak ngăn kong rak kơnho\ng têa, [ă 75 Vi [an hnê ngăn mâu cheăm, mâu pơlê kân dêi kong pơlê Kontum hiăng pơcháu ăm lối 8 rơpâu 700 rơpo\ng, mâu ngế kuăn pơlê, 95 pơlê pơla [ă 30 khu rơpo\ng rak ngăn lối 202 rơpâu 500 ha kong. Tơdroăng ki pơcháu kong ăm mâu rơpo\ng, mâu ngế kuăn pơlê, kuăn pơlê rak ngăn kong hiăng pro ai pơxúa khât, mâu rôh pro xôi luât ‘na ko ‘nhiê kong pro chiâk deăng hiăng kơdroh. Cho ngế ki ai hên tơdroăng, tơpui tối tơdroăng ki rak ngăn kong a Kontum, pôa Phan Đình Nhã, kăn pho\ Tíu cheăng ki tiâ mơnhên ‘na pêt kong ăm ‘nâi, tơdroăng pơcháu kong ăm mâu rơpo\ng, mâu pơlê pơla rak ngăn cho môi troăng prôk ki tro ‘ló vâ rak ngăn kong: Hdrối kố nah tá hâi pơcháu hnoăng pơkuâ ngăn la vâi xuân vâ xêh tơdroăng rak ngăn mâu kơpong kong ki kố la ôh tá hlo tơ-[rê klâi tung pơlê, mê [ă mâu ngế ki ê cho pá khât xua ‘na luât vâi ôh tá ai hnoăng châ kring vế klâi. Drêng vâi hiăng ai hnoăng pơkuâ, rak ngăn vâi loi tơngah khât. Ki a poăng á pơxâu phâk tiô luât pơlê hiăng pơkâ, mê ah, á tối tơbleăng ăm khu kăn pơkuâ cheăm, tối tơbleăng ăm khu kăn pơkuâ gá hiăng tu\m vâ khe#n cho tơdroăng ki luât pơkâ. Rak tơniăn hnoăng pơkuâ ăm vâi rế to\ng kum ăm khôi túa, vêa vong rế to\ng kum hnê tối luât ăm vâi, mê vâi kô mơ-eăm rak ngăn kong.

          Châ pơcháu tơnêi, pơcháu kong rak ngăn, rơtế ai hnoăng cheăng [ă kong rế hía rế châ tơtêk, mâu rơpo\ng, mâu pơlê pơla a kong pơlê Kontum xuân dế châ pơxúa sap ing kong. Nôkố sap ing kơxo# liăn ‘no hrê ăm tơdroăng rak ngăn kong, pêi lo liăn rêm hơnăm dêi mâu rơpo\ng ki veăng rak ngăn kong châ sap ing 4 troh 6 rơtuh 500 rơpâu liăn. {ă mâu pơlê pơla sap ing 18 troh 143 rơtuh liăn. Tơdroăng rêh ối dêi kuăn pơlê, hiăng châ achê tâ [ăng châ hơ’lêh tơdroăng rêh ối krá tơniăn dêi hnoăng cheăng rak ngăn kong rế hía rế tro tâ.

Katarina Nga tơplôu [ă tơbleăng