VOV4.Sêang - Hâi lơ 20/7, kong pơlê Lâm Đồng pơtối ai tơ’nôm 2 ngế tâ COVID-19 pơrá cho ngế ki vê rơxế chơ kế tơmeăm ngi kong pơlê ki ê. Mơdêk kơxô̆ ngế tâ pơreăng tung lâp kong pơlê tâk troh 20 ngế. Mâu ngế ki tâ pơreăng COVID-19 má 19 ƀă 20 a Lâm Đồng cho ngế ki tâ pơreăng má 58.038 ƀă 58.235, pơrá cho ngế ki vê rơxế chơ kế tơmeăm ngi kong pơlê ki ê. Xua mâu ngế ki ối achê ƀă 2 ngế ki tâ kố tơkâ luâ hơngế troh a mâu tơring Đơn Dương, Đức Trọng, Lâm Hà, Di Linh, Bảo Lâm ƀă Pơlê kong kơdrâm Bảo Lộc.

Lâm Đồng ai tơ’nôm 2 ngế ki vê rơxế chơ tơmeăm ngi kong pơlê tâ COVID-19

Kơ koan ki ai tơdjâk kong pơlê Lâm Đồng hiăng mơhnhôk hên khu râ vâ mơdêk hnoăng cheăng séa ngăn, klâ krê, séa ngăn mơheăm, têa hế, têa kơhêa ƀă séa ngăn pơreăng. Sap ing kong măng lơ 19/7 troh lơ 20/7, mâu khu ki kố hiăng tí tăng châ 53 ngế F1 ƀă 187 ngế F2. Khu ngăn pơkeăng ƀă khăm pơlât Lâm Đồng xuân pơkâ pơtối 2 kơtâ hlá mơ-éa vâ tí tăng mâu ngế ki ai tơdjâk troh ngế ki tâ pơreăng COVID-19.

Katarina Nga tơplôu ƀă tơbleăng