VOV4.Sêdang - Kơxo lơ 11/7,  kong pơlê Lâm Đồng tối ai tơ’nôm môi ngế yương tĭnh ƀă COVID -19, pro kơxô̆ mơngế yương tĭnh a Lâm Đồng châ tối troh pơla kố ai 11 ngế. Ngế ki nếo tâ COVID - 19 cho ngế ki tâ tú má 28.479, kơdrâi cho kăn ƀô̆ cheăng a hngêi rak liăn Agribank a tơring Đơn Dương. Tơdjâk troh ngế ki tâ COVID - 19 mê, kong pơlê Lâm Đồng hiăng tăng lối 90 ngế F1 ƀă 700 ngế F2. Tíu xiâm séa ngăn hbrâ mơdât pơreăng Lâm Đồng dế pơtối tơrŭm ƀă mâu tơring Đơn Dương, Đức Trọng ƀă pơlê kong kơdrâm Đà Lạt vâ pơtối tăng, hdró, khăm séa ngăn pơreăng, hdrối mê,vâ rak tơniăn tơdroăng cheăng hbrâ mơdât, oh tá ăm pơreăng châ tâ tú lâp lu, kong pơlê Lâm Đồng hiăng pơkâ ối kơtăn pơlê pơla tung tơring Đơn Dương tiô hnê mơhno dêi kơxô̆ 16 dêi ngế pơxiâm hnê ngăn Chin phuh.

Tơring Đơn Dương pêi pro tơdroăng klâ krê pơlê pơla thôn Tân Lập, cheăm Lạc Lâm ƀă tâi tâng pơlê kân Thạnh Mỹ.

Tiú ki ăm kuăn pơlê ối kơtăn cho thôn Tân Lập, cheăm Lạc Lâm ƀă tâi tâng pơlê kân Thạnh Mỹ, dêi tơring Đơn Dương, tung pơla klâ krê iâ hâi 14 hâi, riân xap 00h hâi lơ 17/11 ta troh drêng ai tôi tobleăng nếo.

Gương tơplôu ƀă tơbleăng