VOV4.Sêdang - Kơxo lơ 14/7, kong pơlê Lâm Đồng châ ‘nâi ai tơ’nôm môi ngế tâ COVID-19, pro kơxô̆ mơngế tâ tú COVID-19 tung kong pơlê tâk 13 ngế. Ngế ki tâ COVID-19 mê nếo ‘nâi cho N.V.Đ (31 hơnăm, pêi cheăng vê rơxế kân) chơ tơmeăm ing kông 14, cheăm Quảng Lập, tơring Đơn Dương,  kong pơlê Lâm Đồng klêi mê kơtâu troh a kơchơ xiâm Thủ Đức, Pơlê kong kân Hồ Chí Minh ƀă vêh nếo.

Lâm Đồng mơdêk hnoăng cheăng séa ngăn a mâu tíu gak ngăn khăm COVID-19 ki vâ môt tung kong pơlê

Tiô tối tơbleăng dêi ngế ki tâ tú Đ,  2 khế kố ngoh ôh tá vêh a hngêi ối ki gá mung  ối a tơring Đức Trọng, kong pơlê Lâm Đồng, bú achê ƀă mâu ki tê tơmeăm, rôe kơchâi kâ a mâu tíu tê mơdró ƀă kâ ối tung rơxế, hmâ lăm dế a tíu tê têa kơxăng, ai lăm rôe kơ -ƀăn mi ki vâi tê drô troăng kân  kong pơlê Đồng Nai la ôh tá ‘nâi tíu ki mê.

Tơdjâk troh ngế tâ tú cho N.V.Đ , Khu ngăn pơkeăng pơlât ƀă mâu tíu pêi cheăng hiăng tăng 4 ngế F1 ƀă 16 ngế F2, tâi tâng mâu ki mê hiăng châ test rĕng ƀă ăm ‘nâi dế âm tĭnh. Nôkố tơdroăng tăng mâu ngế achê dế pơtối tơbleăng tăng a 3 tơring Đức Trọng , Di Linh ƀă Dạ Huoai.

Gương tơplôu ƀă tơbleăng