VOV4.Sêdang - Tơdrốu hơnăm mơjiâng thôn pơlê nếo, kơnôm ing tơdroăng hnê mơhnhôk tơtro, kuăn pơlê a tơring Dam Rông, kong pơlê Lâm Đồng hiăng hơ’lêh ‘na tơche#ng tơmiât, veăng ‘no hnoăng mơjiâng thôn pơlê nếo, pro ăm ngiâ méa thôn pơlê dêi tơring Dam Rông chôa ‘lâng tơxông tơtêk. Tơdroăng ‘’Thôn pơlê rêh ối cheăng kâ tiô túa nếo’’ hâi kố, ngin ai tối ‘na ki pơxúa tơ-[rê dêi tơdroăng mơhnhôk mơjiâng thôn pơlê a tơring kố.
Tơring Dam Rông, kong pơlê Lâm Đồng ai 8 to cheăm, pơrá ối tung kơpong hngế hngo, [ă dâng 73% cho hdroâng kuăn ngo, tơdroăng rêh ối cheăng kâ pơlê pơla, tơdroăng ki hriâm tâp dêi mâu kuăn pơlê ngăn tơchuôm ối iâ khât tâng vâ pơchông [ă ki tơchuôm dêi kong pơlê Lâm Đồng, xuân môi tiah tung lâp tơnêi têa. Xua mê, mơhnhôk kuăn pơlê veăng tơlo liăn vâ mơjiâng thôn pơlê rêh ối cheăng kâ tiô túa nếo cho môi tơdroăng ki pá khât [ă tơring. ‘Nâi nhên tơdroăng ki mê, Khu ki mơhnhôk cheăng tơring Dam Rông, veăng tí tăng ‘nâi ple\ng ăm khu kăn pơkuâ ngăn Đảng tơring pơkâ túa pêi pro [ă mơjiâng tôh pêi hnoăng cheăng, hnê mơhno tơdroăng ki tơ’noăng ‘’hnê mơhnhôk rơkê’’ tung mơjiâng thôn pơlê nếo. Tiah mê, Khu hnê mơhnhôk cheăng rêm râ tơru\m [ă Măt tra#n tơnêi têa, mâu tôh tơru\m pú hên, rêm râ, rêm kơvâ cheăng tơku\m tối tơbleăng tơdroăng ki xiâm, ki ai pơxúa dêi tơdroăng mơjiâng thôn pơlê nếo, ho\ng mâu tơdroăng pêi pro tơku\m po hneăng hôp, to\ng kum tơdroăng rêh ối a mâu thôn, pơlê, mâu khu pú hên, mâu tơdroăng ki tối tơbleăng tung rơ’jiu cheăm, bêng, mơjiâng krâ pa-nô, áp- phích, mâu ché ki chêh chư, tối tơbleăng, mơhnhôk ukố umê [ă hên tơdroăng ki ê. Tung mê, tơtro\ng ‘na tối tơbleăng trâu hơngế mâu cheăng ki xiâm ki ai pơxúa, môi tiah: Hơ’lêh pêt mâu hdrê loăng, mơnăn păn, xúa khoa hok kih thua#t tung pêi cheăng kâ, mơjiâng tơdroăng rêh ối hloh hlê rơkê ple\ng ki nếo, rak vế khôi túa, vêa vong le#m tro tung hdroâng kuăn ngo, mâu túa pêi ki tro ‘ló, mâu túa pơkâ pêi ki le#m tung mơjiâng thôn pơlê nếo, vâ pro chiâng tơdroăng le#m tro tung pơlê pơla. Ing mê, pro chiâng tơdroăng ki tơ’noăng ‘’Tơchuôm ivá mơjiâng thôn pơlê nếo’’ a rêm râ, kơvâ cheăng dêi tơring.
Ing tơdroăng ki tơ’noăng ‘’Hnê mơhnhôk rơkê’’ tung mơjiâng thôn pơlê nếo, hiăng hlo ai tơdroăng ki rế hía rế hên mâu túa pêi ki tro, mâu túa pơkâ ki pêi ki ‘ló. Troh nôkố, tung lâp tơring hiăng mơjiâng châ 358 túa pơkâ ki xiâm tung rêm kơvâ cheăng, tung mê, ai 240 túa pơkâ tung kơvâ cheăng kâ, 53 túa pơkâ tung kơvâ mơhno mơjiâng túa le#m tro pơlê pơla [ă hên kơvâ ki ê. Klêi kơ’nâi séa ngăn, mơnhên tối, Khu hnê mơhnhôk cheăng tơring hiăng tí tăng ‘nâi ple\ng ăm khu kăn pơkuâ ngăn Đảng tơring mơnhên 17 túa pơkâ pro pơxúa kân khât tung rêh ối cheăng kâ, pơlê pơla dêi tơring, vâ pêi pro tơdroăng ki rơkê ple\ng, po rơdâ ivá ki tơdjâk tung lâp pơlê pơla.
Tơdroăng ki rơhêng vâ tối akố, cho ivá ki tơdjâk dêi mâu túa pêi ki tro, túa pơkâ ki ‘ló tung tơ’noăng ‘’Hnê mơhnhôk rơkê’’ tung mơjiâng thôn pơlê nếo, hiăng tơdjâk troh kuăn pơlê, mê tơ’mot kuăn pơlê kơhnâ khât veăng mơjiâng thôn pơlê nếo, [ă mâu túa pêi ki ai pơxúa, châ tơ-[rê. Pơtih, bu tung 2 hơnăm (2012-2013) hiăng ai lối 12 rơpâu hdroh rơpo\ng veăng tơlo lối 445 rơtuh liăn, pêi vâ chê 5 rơpâu 500 hâi pêi cheăng [ă pleăng lối 300 rơpâu karê tơnêi vâ pro troăng prôk tung thôn pơlê, mơjiâng hno têa, mâu kế tơmeăm ki ai pơxúa ăm pơlê pơla. Kơnôm mê, Dam Rông ôh ti xê to tơring ki hơ’lêh ‘na hluăn ing kơtiê re#ng, krá tơniăn má môi tung 62 tơring ki châ kum 30a dêi tơnêi têa, mê ối pêi châ tơ-[rê khât tung mơjiâng thôn pơlê nếo. Ki nhên gá, troh nôkố, pák^ng cheăm Dă Sar hiăng pêi klêi 19 tung 19 tơdroăng pơkâ thôn pơlê nếo, ối ai 2 to cheăm Dă Tông, Rô Men pêi châ 13 tung 19 tơdroăng pơkâ, cheăm Phi Liêng pêi châ 10 tung 19 tơdroăng pơkâ, 3 to cheăm Dă Mron, Liêng Srônh, Dă Knang pêi châ 8 troh 9 tung 19 tơdroăng pơkâ, cheăm Dă Long pêi châ 6 tung 19 tơdroăng pơkâ thôn pơlê nếo. Kố cho tơdroăng ki rơhêng vâ tơmâng dêi tơdroăng tơ’noăng ‘’Hnê mơhnhôk rơkê’’ tung mơjiâng thôn pơlê nếo a tơring Dam Rông.
Katarina Nga tơplôu [ă tơbleăng
Viết bình luận