VOV4.Sêdang - Xêo troh lơ 7/9, kong pơlê Lâm Đồng châ hlo 259 ngế tro tâ COVID-19. Tung mê, ai 187 ngế hiăng pơlât prêi ƀă lo hngêi pơkeăng. Lạc Dương cho tơring dêi kong pơlê Lâm Đồng tá hâi hlo ai ngế tro tâ COVID-19. Ki tơtrŏng má môi, tung kơxô̆ mâu ngế tro tâ COVID-19 a kong pơlê, ai lối 70% kơxô̆ mơngế tro tâ hiăng châ pơlât prêi ƀă lo hngêi pơkeăng. 72 ngế ki ê dế séa ngăn ƀă khăm pơlât a mâu hngêi pơkeăng tung kong pơlê.

Tơdroăng séa ngăn pơreăng, tối tơbleăng ăm ƀok thái pơkeăng dế châ mâu kơpong kuăn pơlê rêh ối tung kong pơlê Lâm Đồng thăm pêi pro

Mơhé tơdroăng pơreăng xông tâ tú a kong pơlê Lâm Đồng hiăng châ mơdât laga xuân ối ai hên ngế tro tâ pơreăng, Khu pơkuâ cheăng Đảng kong pơlê Lâm Đồng hiăng tơbleăng pơkâ Vi ƀan kong pơlê, Khu hnê mơhno ƀă Tíu xiâm hnê mơhno hbrâ, mơdât pơreăng COVID-19 dêi kong pơlê pơtối tơkŭm hnê mơhno mâu tơring, kơvâ cheăng, tíu cheăng ôh tá tơngôu, ki rơhêng vâ tối cho thăm pơkuâ khu mơngế vê rơxế, mâu ngế ki veăng vê rơxế pơto tơmeăm khoăng tiô pơkâ.

A Sa Ly tơplôu ƀă tơbleăng