VOV4.Sêdang -Sap hâi lơ 27/6 troh nôkố, a Hngêi pơkeăng lêng kơxô̆ 1 Pơlê kong kân Hồ Chí Minh hiăng ai lối 1.700 ngế tâ COVID-19 hiăng châ lo ing hngêi pơkeăng. Kố cho mâu ngế ki khăm ngăn hiăng hlo âm tĭnh lơ dế yương tĭnh la kơlo tâ virus iâ, ôh tá kâi vâ tâ tú troh mơngế ki ê. Hngêi pơkeăng pơtân kơxô̆ 1 ai 4.500 to xoăng koi pơlât a ký túc xá dêi Tíu xiâm hnê hriâm lêng ƀă kring tơniăn dêi Đại học Kuô̆k ya Pơlê kong kân Hồ Chí Minh, ai xo ‘mot pơlât sap ing hâi lơ 26/6 nah.

Pro hlá mơ-eá ăm mâu ngế ki pơlât lo ing hngêi pơkeăng

Akố  dế pơlât 4.423 ngế F0. Hngêi pơkeăng mê ai hnoăng cheăng pơlât tâi tâng mâu ngế ki nếo tâ tú ƀă mâu ngế ki dế klâ krê tơchoâm (F1 pơ’lêh chiâng F0). Ing hâi lơ 13/7, Khu  xiâm ngăn pơkeăng Pơlê kong kân Hồ Chí Minh tơbleăng mơnúa pơlât iâ hâi tâ pơlât mơngế F0 ki ôh tá tâ tung châ ai châi ki klâi. Ing mê, F0 khăm ngăn RT- PCR hâi má 10 hlo âm tĭnh lơ ối yương tĭnh la virus bu iâ tung châ kô ăm lăm klâ krê a hngêi tâng hlo tơniăn, ‘na hbrâ mơdât pơreăng tâ tú.

Gương tơplôu ƀă tơbleăng