VOV4.Sêdang - Pêi pro tiô tơdroăng mơhnhôk tơ’noăng ‘’Hơnăm hiăng krâ-djâ troăng le\m’’, mâu hơnăm hiăng hluâ, mơngế hơnăm hiăng krâ pơlê kong kơdrâm Buôn Ma Thuột, kong pơlê Daklak hiăng pêi pro hên tơdroăng ki pơxúa, djâ troăng a hdrối tung pêi chiâk deăng, mơjiâng tơdroăng rêh ối nếo a kơpong kuăn pơlê ối, mơjiâng thôn pơlê rêh ối cheăng kâ tiô túa nếo [ă hía hé, veăng pêi klêi hnoăng cheăng kal kí, tơdroăng pơkâ mơnhông cheăng kâ-rêh ối a kong pơlê. Tơdroăng vâ tối hâi kố Hương Lý ngế chêh hla tơbeăng rêi Rơ’jiu Việt Nam kơpong Tây Nguyên ai [ai chêh ‘na mâu ngế ki djâ troăng le\m.

Jâ Nguyễn Thị Sinh, ối a troăng kân ki nếo klêi mơjiâng pro.

Hên hơnăm pôu râng dêi hnoăng cheăng pơkuâ kâu lăk [o# hơdruê xuâng mâu ngế hơnăm hiăng krâ thôn 5, cheăm Hòa Phú, pơlê kong kơdrâm {uôn Ma Thuột, jâ Nguyễn Thị Mai đi đo mơhno tối hnoăng cheăng dêi tơná tung tơdroăng ki mơnhôk, rak vế ho#i viên hơnăm hiăng krâ veăng tung mâu rôh trâm mâ, tơpui tơn, hơdruê xuâng. A pơla kơxê dêi rêm hâi, sap ing 7 troh 9 chôu kong măng, xua tơdroăng ki hnê mơhno dêi jâ Mai, lối 30 ngế mâu, jâ pôa tung kâu lăk [o# tơku\m troh a hngêi hôp dêi thôn vâ rơtế [ă dêi rơpó hơdruê, hriâm tâp mâu [ai hơdruê ô eăng tơnêi têa. La hơnăm hiăng hên la bô bố pơrá hlo sôk ro, ivá rơdêi. Jâ Mai tối: Sap ing rôh ki pơtâp, mê hlo châ chăn pin ai ivá tâ. Rêm rôh tâp mâu jâ, pôa djâ dêi rơpó lăm, klêi mê mơjiâng tơdroăng tơ’noăng dêi chi ho#i mê rêm rôh thôn ai tơdroăng klâi, krếo kâu lăk [o# lăm veăng tung mâu rôh po hơdruê, drêng ‘nâ ai tơdroăng ki tơku\m po khu pú hên dêi thôn vâi krếo kâu lăk [o# veăng [ă ‘mot tơdroăng tơ’noăng mơhno mơjiâng túa le#m tro ‘na nghe# thua#t hơdruê ăm kuăn pơlê, vâi krâ nơnho\ng rơtế ngăn pêi pro.

{ă pôa Hồ Việt Sang, a thôn 5, cheăm Hòa Thuận, xua hiăng rơkê ple\ng cho [ok thái pơkeăng pơlât [ă mâu hla nhâ, rêi loăng drêng hiăng pơtê cheăng a hơnăm 2008, pôa veăng tung khu mâu ngế hơnăm hiăng krâ dêi cheăm [ă hnoăng cheăng cho tiâ mơnhên [ă khăm pơlât tê kơtê ăm mâu jâ, pôa tung cheăm. Hlo tơdroăng rêh ối liăn ngâ, tuăn hiâm dêi mâu ngế hơnăm hiăng krâ tung cheăm ối trâm hên xơpá, pôa Sang hiăng djâ troăng ahdrối tung tơdroăng ki mơhnhôk mơjiâng kâu lăk [o# hnê pơtâp ivá. Troh nôkố, cheăm Hòa Thuận hiăng mơjiâng châ 8 tíu pơtâp ivá, [ă lối 150 ngế ho#i viên veăng môi hâi tung môi chôu. Pôa Hồ Việt Sang ăm ‘nâi: Kơnôm ing tơdroăng ki xúa khoa hok, tơ’lêi hlâu tối tơbleăng tiô l^ luăn dêi kơvâ pơlât ivá [ă mâu hla nhâ, rêi loăng hnối tơru\m [ă tuăn hiâm têm rơpiât, pro châ tơdroăng ki loi tơngah tung mâu ngế ki tâp. Túa pơkâ gá tơ’lêi tâp ôh tá pro tơpá, ôh tá pơklât thế tơ’nôm a mê hnối hlo tơ-[rê khât. Xua tơdroăng pêi pro tro pơla pơtâp ivá châ chăn [ă mâu ngế hơnăm hiăng krâ hiăng pro chiâng tơdroăng ki tơru\m tung pơlê pơla, tơdroăng ki tơru\m, achê [ă dêi rơpó, pro chiâng tơdroăng ki tơ’noăng văn hoá nghe# thua#t a thôn pơlê, xua tơdroăng kố cho ivá mơjiâng kuăn mơngế ki nếo, mơdêk ivá rơdêi mơdât mâu pơreăng ki châi tamo veăng kum xut tah hrâ mơngoâ kơtiê xơpá.

Roh pơtâp axuâng dêi mâu jâ a thôn 5

Ôh ti xê veăng tung mâu tơdroăng ki tơ’noăng ivá, hriâm pơtâp ivá, mâu jâ, pôa ối veăng kum ôh tá iâ tung tơdroăng ki tơ’noăng mơjiâng thôn pơlê nếo dêi pơlê, cheăm. Ki xiâm cho jâ Nguyễn Thị Sinh, 74 hơnăm, a thôn 1, cheăm Hòa Phú, pơlê kong kơdrâm {uôn Ma Thiột. Jâ Sinh ăm ‘nâi: Tâi rơpo\ng hngêi, tơnêi bu tơnêi hr^ng mêt karê, pêt châ to lâi xiâm loăng mê, rêm hơnăm tê plâi xuân châ lối chât rơtuh liăn veăng kum ăm tơdroăng ki roê xúa tơmeăm tung rêh ối. La drêng khu kăn pơkuâ cheăm mơhnhôk kuăn pơlê pro troăng prôk tung thôn, jâ ‘nhiê tah dêi kơnâng ki pro krá gâk, ko tah hên hdrê loăng plâi vâ pleăng tơnêi po rơdâ troăng prôk. Sap ing môi to troăng ki trâp hliâk, ku\n ke#n mê nôkố hiăng chiâng troăng ki kân rơdâ krúa le#m tâ, jâ Sinh hlo hâk tơngăm khât drêng tơná jâ hiăng veăng kum môi iâ tung mê.

Katarina Nga tơplôu [a\ tơbleăng