VOV4.Sêdang - Ô vâi krâ-nho\ng o [ă pú hmâ! Klêi kơ’nâi tơnêi têa châ tơleăng le#m a kopong Tây Nguyên hơnăm ki mê nah, mâu hdroâng mơngế kuăn ngo hiăng ‘nâi kơdôu mơ-eăm xêh tung pêi cheăng kâ, mơjiâng pro mâu [ăng klâng chiâk kân rơdâ, hơ’lêh túa pêt păn hên tơmeăm ki ai pơxúa, tê châ kơnâ liăn, môi tiah cheăm Tân Châu, tơring Di Linh, kong pơlê Lâm Đồng. Tơdroăng ‘’Thôn pơlê rêh ối cheăng kâ tiô túa nếo’’ hâi kố, ngin vâ tơbleăng tối mâu ngế ki djâ troăng rơkê ahdrối tung mơjiâng thôn pơlê rêh ối-cheăng kâ tiô túa nếo tung pơlê cheăm dêi hdroâng mơngế kuăn ngo a kong pơlê Lâm Đồng. Pó vâi krâ-nho\ng o kô tơmâng ngin tối ‘na tơdroăng mê.

            Tân Châu sap ing môi to cheăm kơtiê [ă lối 70% pơ’leăng mâ mơngế cho hdrông kuăn ngo K’ho, nôkố cho cheăm ki djâ troăng ahdrối dêi thôn pơlê rêh ối cheăng kâ tiô túa nếo tung kơpong hdrông kuăn ngo dêi kong pơlê Lâm Đồng. Tung lâp cheăm hiăng ai vâ chê 4 rơpâu ha hdrê loăng pêt ton hơnăm, tung mê, ai vâ chê 3 rơpâu ha deăng kơphế. Lâp cheăm nôkố ai 700 toăng hngêi ki le#m, yă kơnâ sap ing 1 troh 2 rơtal liăn, hên rơpo\ng hdrông kuăn ngo akố hiăng chiâng khu pơkuâ ngăn tơnêi tíu ki păn roăng, pêt mơjiâng tơmeăm, hên rơpo\ng hiăng châ roê rơxế ô tô ki kơnâ liăn. Pêi lo liăn rêm pơ’leăng mâ mơngế a Tân Châu châ dâng 2 rơpâu dollar Mih môi ngế tung môi hơnăm. Laga xuân ối vâ chê 5% kơxo# rơpo\ng kơtiê, cho mâu hdrông kuăn ngo a Tân Châu, vâi dế ối mơ-eăm tơkâ hluâ xahpá [ă ivá tơná. Môi tiah ngoh K’Nim, ngế ki pơkuâ môi tíu pêt mơjiâng, păn roăng tơmeăm pêi lo liăn rêm hơnăm dâng 400 rơtuh sap ing deăng kơphế, tối rơdêi: Á ôh tá tơkôm xúa mâu vâi hơnăm ối nếo tung pêi cheăng kâ, mê tơná á athế mơ-eăm xêh vâ tơkâ hluâ xahpá, khu kăn pơkuâ cheăm hiăng to\ng kum mâu tơdroăng ki rơkê ple#ng, mơhnhôk tơdroăng vâ pêt kơphế tiô troăng rơhlâ Tơnêi têa hiăng hnê djâ.

            Tung pơla mơnhông mơdêk dêi cheăm Tân Châu tâng vâ tối cho môi tơdroăng ki hơ’lêh sap ing túa tơmiât, túa pêi dêi khu kăn Đảng, khu kăn pơkuâ hnê tối ăm kuăn pơlê. Prôk u lâi poâ K’Nho xuân cho kăn pơkuâ ngăn Đảng dêi cheăm Tân Châu, ngế ki pêi dêi tá hiâm tá mơno, xúa xo ki rơkê dêi tơdroăng rêh ối tơná ăm tơdroăng ki mơnhông mơdêk Tân Châu, xuân cho môi tung mâu ngế đảng viên pêi cheăng kâ rơkê. Rơpo\ng poâ K’Nho ai 5 sao kơphế, rêm hơnăm pôa pêi lo dâng 500 rơtuh liăn: Hnoăng cheăng cho kăn [o#, đảng viên, cho ngế dêi kuăn pơlê rế pơkuâ ngăn cheăng rơkê rế athế mơnhông mơdêk cheăng kâ rêh ối tung rơpo\ng, mơhno tối tuăn mơno tơná hiăng ‘nâi troăng rơhlâ dêi Đảng, dêi Tơnêi têa mê vâ mơhnhôk kuăn pơlê pêi tro tiô [ối.

            Kong pơlê Lâm Đồng ối ai tơring Dam Rông cho tơring kơtiê má môi dêi kong pơlê tung 62 tơring kơtiê dêi lâp tơnêi têa. Pơxiâm sap ing mâu tơdroăng pá puât la Dam Rông hiăng pêi châ tiô tơdroăng ki ôh tá la lâi kâi piu a kong pơlê Lâm Đồng, mê mâu tơring châ pơxúa ing tơdroăng 30a ‘na mơnhông mơdêk re#ng [ă krá tơniăn ton, Mơnhên tối klêi kơ’nâi 6 hơnăm pêi pro tiô tơdroăng 30a, poâ Ngô Trường Thi, kăn pơkuâ [ơrô Tơnêi têa kơdroh kơtiê tối rơdêi, tơring Dam Rông, kong pơlê Lâm Đồng cho môi tung mâu tơring ki ôu-eăng dêi tơdroăng kố: Túa pêi dêi kong pơlê Lâm Đồng mê á tối tiah kố gá tro khât xua tơdroăng pơkâ 30a ai pơkâ nhên: Mâu tơring athế séa ngăn troăng rơhlâ ki xiâm tiô 30a kô châ pơkâ mâu troăng rơhlâ ki nhên tơtro [ă kong pơlê [ă mâu kong pơlê ki ê. Sap ing tơdroăng pơkâ 30a mê kong pơlê Lâm Đồng hiăng pêi môi troăng rơhlâ ki xiâm [ă mâu cheăm kơtiê mâu thôn, pơlê, tiah mê, ai 97 to thôn, pơlê [ă 16 to cheăm châ kong pơlê Lâm Đồng mơ’no troăng rơhlâ to\ng kum pêi cheăng kâ. Tơring Dam Rông cho tơring kơtiê dêi kong pơlê Lâm Đồng, nôkố a tơring mê vâi mơnhên hlối, hngêi trăng, troăng klông gá kal khât la hngêi trăng, klông troăng gá athế pơkâ tơdjuôm [ă tơdroăng pêi cheăng kâ dêi mâu kuăn pơlê, pák^ng mâu kế tơmeăm ki tiah hmâ, mê vâi hiăng xêo tơdrêng hlối troh tơdroăng ki pro troăng mot tung kơpong hngêi ki mơjiâng pro tơmeăm, kố cho môi troăng rơhlâ dêi 30a vâ drêng lâi ah pêt kong klêi 5 troh 7 hơnăm mê rêm rơpo\ng nếo chiâng ko xo. {ă tuăn hiâm dêi mâu khu kăn pơkuâ tơring Dam Rông cho vâ pro krá tơniăn, rêm rơpo\ng kuăn pơlê iâ hlái athế ai 1 ha tơnêi pêt kong loăng chhá, pin xêo klêi 5 troh 7 hơnăm mê rêm rơpo\ng kố kô ai dâng to lâi hr^ng rơtuh rơpo\ng [ă mê xuân cho rôh vâi châ hlu\n ing kơtiê. Pák^ng mâu troăng rơhlâ ‘na hnê hriâm, khăm mơlât, mâu rơchoâ, hno têa xuân krá gâk [ă Dam Rông xuân mơ-eăm troh hơnăm 2015 ah [ă kố cho tơdroăng pơkâ dêi khu kăn pơkuâ ngăn Đảng kong pơlê Lâm Đồng cho vâ châ lo ing tơring kơtiê.

Katarina Nga tơplôu