Hơnăm 2024, Tơdroăng tâi tâng kuăn pơlê tơrŭm môi tuăn mơjiâng tơdroăng rêh ối khôi túa lĕm hiăng châ pêi pro châ tơƀrê ing tơnêi têa troh kong pơlê pơkrâ ƀă mâu pơkâ pêi plah, hnoăng cheăng mơnhông cheăng kâ, rêh ối pơlê pơla, pơtối troh lâp lu ó rơdêi tung tơdroăng rêh ối pơlê pơla.
Ing mâu tơdroăng xiâm pêi cheăng dêi tơdroăng cheăng, kuăn pơlê ƀă mâu khu tơrŭm cheăng hiăng mơnhông khôi túa vâi krâ nah tŏng gum dêi pó, mơdêk tơdroăng pêi pro “Pâ mơnê mơngế ai hnoăng’’, lăm kơ-êng, mơhnhôk, mơhno hiâm mơno mơnâ ƀă mơngế ai hnoăng ƀă tơnêi têa. Xông tơpui a roh hôp, pôa Lê Thành Long, Ngế pro xiâm phŏ hnê ngăn tơnêi têa mơnhên, tơdroăng “Tâi tâng kuăn pơlê tơrŭm môi tuăn mơjiâng tơdroăng rêh ối mơhno khôi túa lĕm”, pơtối cho trăng ki krá tâi tâng rêm kơvâ tung tơdroăng rêh ối pơlê pơla.
Pơkâ thế hơnăm 2025, rah xo mâu tơdroăng pơxá lơ mơnhên tíu ki rơdêi vâ pêi pro ăm tơtro, tung mê ki rơhêng vâ tối cho tơtrŏng troh tơdroăng tơplâ ôh tá nhuông ƀă mâu tơdroăng ki pro ôh tá tro ‘na khôi túa lĕm tro, thăm nếo cho pro xôi luât.
Viết bình luận