Bă tơdroăng pơxá “Xua kuăn pơlê piu dêi tơná’’, tơdroăng mê châ mơđah ƀă tơdroăng hơdruê rêi prôa - mơđah khu rêi prôa tung veăng kŭn, châ tơkŭm po pa gong pơla troăng kân Nguyễn Huệ - Lê Lợi (Pơlê krâm 1, Pơlê kong kân Hồ Chí Minh). Pơla rôh po, kơmăng mơđah hơdruê ƀă hên mâu ƀai hơdruê kăch măng ton rôn nah châ mơđah hơdruê pú hên  xua ca sih, nhak sih mâu ngế rêi prôa, tiê piano, hlŭm kĕng ki rơkê, to khu ki châ ô eăng dêi lâp tơnêi têa. 

Tơdroăng amê hiăng tơbâ  ăm hlo ƀă mâ hlối ai ro krip tơngăm dêi hdroâng kuăn ngo Việt Nam, dêi mâu lêng kuăn pơlê Việt Nam tung tơdroăng  lĕm tro ton 80 hơnăm mơjiâng, tơplâ ƀă xông tơƀrê ing mâu bai  hơdruê pơxá “Tơnêi têa ối tung plâi nôih”, “Ƀai hơdruê ôh ta la lâi kâi piu”  “Kuăn pơlê piu dêi tơná”, tơdroăng hơdruê pơ-eăng um méa “Mố đô̆i Pôa Hồ’’ ƀă mâu bai ki ro, mơhno ing mâu rơxông ton nah dêi hdroâng mơngế.

Tơdroăng mê hiăng tối tâi mâu rôh ton nah tơplâ khên tơnôu, lo hên  mơheăm chhá xua tơplâ, hlâ rêh, hía mơngế la lĕm pá kâi tối dêi hdroâng mơngế vâ tơbriât pơkuâ tơniăn krê ăm tơnêi têa, lâp tơnêi têa tơrŭm chiâng môi, pro hên ngế kăn, mâu ngế ngăn chiâng ƀriê rơ-rêk tung hiâm mơno.