Tiô Tiê̆n sih - Ngê sih nhân yân Phạm Anh Phương, Măng tĭng kơhnhon xuăng Việt Nam hơnăm 2024 ai tơdroăng veăng dêi 8 khu ngê̆ thuât ƀă lối 100 ngế ngê̆ sih. Kố cho tơdroăng ki kơhnhon xuăng rêm hơnăm kân má môi a Việt Nam kơhnhon xuăng tung lâp tơnêi têa ƀă kong têa ê.

Klêi kơ’nâi leh pơxiâm po Măng tĭng Kơhnhon xuăng Việt Nam hơnăm 2024, tung Kuât túa lĕm tro Kon Klor, môi to tíu ki xiâm dêi hdroâng kuăn ngo a Tây Nguyên, mâu kăn ƀă kuăn pơlê ki hâk vâ ‘na kơhnhon xuăng châ ngăn mơđah ki apoăng cho kơhnhon xuăng tiô chal nôkố Sê San.

Ing ngê̆ thuât kơhnhon xuăng, mâu ngê̆ sih ô eăng ki lĕm rơdêi, lĕm má môi dêi túa lĕm tro Tây Nguyên; tơdrêng amê hlối mơhno nhên tơdroăng ki tơrŭm túa lĕm tro xuân môi tiah tơrŭm pơlê pơla dêi mâu hdroâng kuăn ngo akố tiô têa kroăng Sê San.