Tơdroăng ki ki po Hâi Thơ roh má 23 xua Hô̆i Văn hok Ngê̆ thuât tơrŭm ƀă Khu pơkuâ ‘na khôi túa lĕm, Tơ’noăng ivá ƀă Ôm hyô Dak Lak tơkŭm po. Ƀă dó inâi ‘’Dak Lak – Kơneăng rơtế ƀă tơnêi têa’’, tơdroăng Hâi thơ roh má 23 a Dak Lak tơkŭm po hên tơdroăng kơdrâm phiu ro môi tiah: mơđah tơbleăng xuăng prếo, tôu chêng koăng, tôu kế xah hdroâng kuăn ngo, mơđah pơchuât thơ – nhak, mơđah tơbleăng kơxop mơ-éa, um ngê̆ thuât, thư pháp ƀă tơpui tơno văn hok ƀă dó inâi ‘’Thơ ca Việt Nam, Dak Lak – 50 hơnăm klêi kơ’nâi tơnêi têa môi tuăn’’.

Jâ Niê Thanh Mai, Kăn hnê ngăn Khu pơkuâ Văn hok ngê̆ thuât Dak Lak tối ăm ‘nâi, rơtế ƀă mâu tơdroăng văn hok ngê̆ thuât, ki má môi dêi tơdroăng cho Kơmăng thơ Nguyên tiêu tơkŭm po a kơmăng ƀă tơdroăng po pơchuât thơ tung tơdroăng tôu hơkâ hâi xah hêi ro, djâ tơdroăng pói vâ dêi rêm ngế kuăn pơlê ‘na mâu tơdroăng ki lĕm tung rơnó hơngui nếo.