Ing tơdroăng ki ôh tá xê khât thăm mơdêk (tíu po mơđah tơbleăng hên túa), tơmối ki lăm ngăn kô châ ngăn dêi tơná mot tung tơdroăng ki khu lêng toi troh Hà Nội ƀă kong ngê̆ ki khât tơkŭm hên. Tơdroăng kố kô vêh tơbâ 10 tơdroăng ki kal tung rôh tơleăng lĕm ƀă pơtối pơkuâ ngăn pơlê kong xiâm khế 10/1954.

Xuân akố, mâu tíu xối tơbâ ton nah, tíu troh ‘na túa lĕm tro ki vâi ô eăng dêi pơlê kong xiâm, môi tiah: Hồ Gươm, Văn Miếu, chuô Một Cột, Cột cờ Hà Nội, kông Long Biên, Hngêi hơdruê kân, 5 to péa cheăng kân Hà Nội châ vế tơbâ ki lĕm ƀă mâu phim ki châ mơđah ƀă um tiô 3 troăng. Tơdroăng ki xiâm tung rôh tơbleăng tơbâ 70 hơnăm Hâi Tơleăng lĕm Pơlê kong xiâm cho tơdroăng ki kal Hlá tơbeăng Nhân dân rêm hâi ƀă inâi Trăng Hlá cơ Hà Nội.