Tối tơbeăng a roh hôp kố ăm hlo, tung 3 khế apoăng hơnăm, lâp tơnêi têa, mâu tơdroăng cheăng ki rơkê plĕng nếo tung mơđah tơbleăng, mơhno mơnhên mâu tơdroăng ai tơdjâk văn học nghệ thuật hiăng châ po tơbleăng hên hĭn, ƀă hên túa ki pơrá phá dêi pó, tơtro ƀă hiâm mơno lĕm tro dêi kuăn pơlê. ‘Na hnoăng cheăng sap ing khế 4 troh khế 6 hơnăm 2024, pôa Nguyễn Minh Nhựt, Ngế cheăng tung Khu ngăn ‘na Túa lĕm tro, văn ngê̆, Khu xiâm hnê mơhno cheăng kal dêi Tơnêi têa tối ăm ‘nâi, Khu tơrŭm cheăng ƀă mâu râ, mâu kơ koan ai tơdjâk troh tơkŭm hnê mơhno tối nhên trâu tŭm mâu troăng tơdjâ, troăng pơkâ dêi Đảng, Tơnêi têa ki pơkâ tối ‘na túa lĕm tro, văn học nghệ thuật ăm kơdrâm kơdrĕng mâu văn nghệ sĩ.

Pơtối mơdêk hnoăng cheăng ki mơjiâng tơdroăng pơkâ, hnê mơhno tối ‘na troăng hơlâ mâu khu râ, kơvâ cheăng veăng pêi pro tiô mâu hnoăng cheăng ki koh tơbâ mâu tơdroăng ki kal dêi tơnêi têa, môi tiah mâu hâi leh tơbâ châ tơleăng lĕm Peăng Hdroh pro tơnêi têa tơrŭm chiâng môi lơ 30/4, Hâi lâp plâi tơnêi pơtê cheăng lơ 1/5; 70 hơnăm hâi Plâ Ƀlê trâng Điện Biên Phủ.