Klêi kơ’nâi 4 hơnăm pêi tu\m tơdroăng cheăng, môi tiah lăm krí kơphế vâi, veăng vâi lăm meăn pro hngêi lơ kơtâu rơxế hon đa  pơto tơmối, hơnăm 2004, pôa Lê Quốc Hoàn, ối a thôn 6, cheăm }ư\ Ne\, tơring Krông {uk, kong pơlê Dak Lak nếo hluăn ing pá puât, drêng rôe châ 5 sao chiâk deăng vâ pêt kơphế tơvât pêt loăng plâi.

Pơtối mê cho lối 10 hơnăm tơbrêi tơbrêh lo têa kơxôu, kơhnâ pêi cheăng, ‘nâi kơd^ng liăn [a\ ‘nâi túa ki rơkê tơtro tung pêi chiâk deăng, pôa hiăng ai kơdrum kân rơdâ lối 7 ha, ki hên pêt kơphế [a\ plâi [ơr; po tíu tê mơdró phon rơvât – rôe kế tơmeăm khoăng pêi lo ing chiâk deăng; mơ’no liăn rôe 2 toăng  rơxế chiâ tơnêi.

Nôkố, kuăn pơlê a }ư\ Ne\ ‘nâi pôa ôh tá xê to inâi Lê Quốc Hoàn cho ngế ki pêi lo châ rơtal liăn, pêi cheăng ki lâi xuân châ tơ-[rê, mê ối nhua#m pôa xua kơhnâ tung mâu hnoăng cheăng pơlê pơla, hnê túa ki rơkê tơtro ăm kuăn pơlê pêi chiâk deăng, ăm kuăn pơlê mung hdrối phon rơvât ôh tá xo liăn laih,malối [ă mâu rơpo\ng pá puât.

Ngoh Lê Tiến Văn, ối a thôn }ư\ Kty, cheăm }ư\ Kpô, tơring Krông {uk tối ăm ‘nâi, ngoh cho môi tung mâu hr^ng rơpo\ng châ pôa Hoàn kum [a\ hiăng mơ-eăm tung tơdroăng pêi cheăng hluăn ing kơtiê:

‘’Hdrối nah ngin rôe phon thế ăm liăn tơdrêng, tâng mung thế chêl liăn laih [a\ kok mơ-éa ki kố ki mê. Laga sap ing pôa Hoàn tê phon rơvât, mê vâi krâ nho\ng o ngin rôe la ôh tá eâ ăm liăn tơdrêng, ôh tá êa kok kế, ki rơhêng vâ tối ngoh ôh tá xo liăn laih; la lâi troh rơnó krí xo kế tơmeăm mê tê kơphế chêl liăn ăm pôa. Hdrối nah rơpo\ng á cho rơpo\ng kơtiê, kơnôm rôe phon ôh tá êa ăm liăn tơdrêng mê, xuân ôh tá xo liăn laih, vâ á rak ngăn dêi kơphế mê troh nôkố rơpo\ng á hiăng hluăn ing kơtiê’’.

Kơdrum kơphế châ 6 ta#n tung môi hectar

{a\ túa ki rơkê tơtro pêi cheăng [a\ châ kuăn pơlê pơla loi tơngah, hơnăm 2011, pôa Hoàn châ vâi krâ thôn 6 cheăm }ư\ Ne\ rah xo pro Kăn pơkuâ thôn. Plâ rơxông pêi cheăng troh nôkố, pôa đi đo pêi kêi đeăng hnoăng cheăng, kum tung tơdroăng xăm kơklêa kơdroh kơtiê, pơtâng tối kuăn pơlê rêh ối cheăng kâ tiô troăng hơlâ dêi Đảng, troăng hơlâ luât dêi tơnêi têa, tơniăn tung kring vế, gak ngăn a pơlê pơla.

Pak^ng mê, pôa  ối cho ngế ki kơhnâ veăng tung tơdroăng mơjiâng thôn pơlê nếo [a\ túa veăng mơ’no dêi rơxế vâ pro troăng, kum liăn rôe ximong vâ mơjiâng pro troăng thôn pơlê, mơ’no dêi liăn mơjiâng pro plông hngêi hôp thôn…Mơnhên ‘na hnoăng cheăng kân k^n dêi kăn pơkuâ thôn Lê Quốc Hoàn, pôa Y Bhi Niê, Kăn hnê ngăn Khu kuăn pơlê pêi chiâk deăng cheăm }ư\ Ne\, tơring Krông {uk tối:

‘’Tung mâu hơnăm hiăng hluâ, pôa Hoàn po tíu tê phon ăm kuăn pơlê mung, rơtế amê cho to\ng kum hnê khoa hok kih thuât pêt loăng plâi, păn mơnăn ăm vâi krâ tung thôn pơlê mơnhông cheăng kâ. Pak^ng mê, tơdroăng pêi cheăng pro kăn pơkuâ thôn châ pôa pêi rơkê tơtro môi tiah: pơtâng tối kuăn pơlê tăng tơnêi mơjiâng pro hngêi trung râ má pái phôh thong ai tíu ối pơtê ăm hdroâng kuăn ngo, kum 100 rơtuh liăn mơjiâng pro trăng hlá kơ [a\ mâu kế tơmeăm khoăng ki ê ăm cheăm..’’.

16 hơnăm pêi cheăng kro mơdro\ng, 6 hơnăm veăng tung pơlê pơla [a\ ai hên tơdroăng veăng kum ăm pơlê pơla, ngế ki pleăng hnoăng cheăng ‘’Lê Quốc Hoàn châ mâu khu râ, Tơnêi têa diâp hên [âng kheăn kơdeăn, hlá mơ-éa pri [a\ cho kuăn pơlê pêi chiâk deăng ki má môi a tơring Krông {uk châ rah xo lăm veăng a hneăng hôp mơgêi tơdroăng tơ’noăng pêi chiâk deăng tê mơdró rơkê lâp tơnêi têa.

‘Na tơdroăng cheăng dêi tơná, Lê Quốc Hoàn tối, pôa châ tơ-[rê môi tiah hâi kố, xuân kơnôm ai tơdroăng veăng kum dêi hên ngế [a\ mâu khu râ. Nôkố, drêng hiăng châ tơ-[rê cheăng kâ ăm dêi tơná, tơdroăng veăng kum pơlê pơla cho hnoăng cheăng pêi ki pôa hâk vâ:

‘’Drêng mê nah ối pá ‘nâng on veăng á ki hên lăm tăng pêi cheăng vâi vâ rêh kâ ối. Kơ’nâi mê, on veăng á kơd^ng liăn châ rôe 5 sao deăng kơphế [a\ Khu pơkuâ kuăn pơlê pêi chiâk deăng ăm mung môi iâ vâ mơ’no liăn păn mơnăn mơnôa, ki ê rôe phon rơvât ăm kơdrum kơphế. Drêng pêi mê rôe tơ’nôm deăng vâ pêt kơphế, plâi kâ. Drêng hiăng ai liăn mê mơ’no po tíu mơdró tơmeăm khoăng xúa tung chiâk deăng ăm vâi krâ nho\ng o, tê phon rơvât kum vâi krâ nho\ng o. Châ vâi krâ loi tơngah, xua mê vâi rah xo ăm á pro kăn pơkuâ thôn, maluâ pá puât laga á đi đo mơ-eăm vâ pêi kêi đeăng tơdroăng cheăng’’.

Mâu ngế ki rơkê pêi chiâk deăng, tê mơdró, kơhnâ tung pêi cheăng ăm pơlê pơla môi tiah pôa Hoàn cho vâ mơhnhôk kuăn pơlê a kơpong thôn pơlê dêi kong pơlê Dak Lak, thăm kơhnâ tung tơ’noăng pêi chiâk deăng, tê mơdró, kum dêi pó xăm kơklêa kơdroh kơtiê, mơ-eăm pro kro mơdro\ng. Ing mê, kum tung tơdroăng mơjiâng thôn pơlê nếo./.

Tuấn Long chêh

A Sa Ly tơplôu [a\ tơbleăng