VOV4.Sêdang - Tung mâu hơnăm hiăng hluâ, tơdrêng [ă tơdroăng khăm pơlât ăm mâu ki châi tamo cho mâu kăn [o#, mâu lêng tung đông, veăng khăm pơlât lêng-xivil xua mố đo#i gak tơkăng kong dêi kong pơlê Dak Lak pơkuâ đi đo cho tíu ki loi nhoăm dêi kuăn pơlê tíu tơkăng kong. {ok thái pơkeăng lêng krâ kơlo\ng ngiât hiăng veăng ‘no hnoăng thăm rế tơru\m pơla mâu lêng [ă kuăn pơlê, rơtế ‘no ivá mơno kring gak tíu tơkăng kong tơniăn. Ngế chêh hlá tơbeăng cheăng a Rơ’jiu Việt Nam ai chêh tối ‘na veăng khăm pơlât dêi lêng [ă xivil dêi mố đo#i kring gak tơkăng kong dêi kong pơlê Dak Lak.

Sap ing pơlê kong kơdrâm {uôn Ma Thuột, tíu xiâm kong pơlê Dak Lak lối 120 km troăng tơkâ hluâ mâu kong loăng, mê ngin nếo troh a {ơrô khăm khu lêng-xivil dêi mố đo#i kâk tơkăng kong a cheăm Ia Rvê, tơring Ea Súp. Hngêi râ má 4 ki le#m, ai kơbong khăm, kơbong pơlât ki ăm vâi koi ối [ă 1 kơbong ăm mâu kăn [o# ngăn pơkeăng [ă khăm pơlât, châ mơjiâng pro hiăng châ 2 hơnăm hdrối nah kơnôm ing tơdroăng ‘’Hiâm mơno mơjo pâ Trường sơn’’. Kố cho tíu ki khăm pơlât tơdrêng tê kơtê [ă rak ngăn ivá châ chăn ăm kuăn pơlê 5 thôn drô tíu tơkăng kong cheăm Ia Rvê. Pák^ng tơdroăng ki lăm khăm, pơlât, rêm khế, mâu kăn [o# khu lêng [ă kuăn pơlê ối tơru\m krá khât [ă hngêi pơkeăng cheăm Ia Rvê tơku\m po pâk pơkeăng vaccine ăm vâi hdrêng, hnê mơhno ăm vâi krâ nho\ng o túa hbrâ mơdât [ă mâu pơreăng, [ă po mâu roh xôh pơkeăng, kơ‘nhâm mitơkel vâ mơdât tri trôu mot pâk [ă hên tơdroăng ki ê. Jâ Nhông Thị Cầu, ối a thôn 5, cheăm Ia Rvê, tơring Ea Súp, tối: Ai hngêi pơkeăng akố, rêm roh tamo ngin ai [ok thái pơkeăng khăm, pơlât kum ngin khât, [ă mâu ngế ki hiăng krâ, hơnăm ối nếo rêm roh tamo pơrá ai mố đo#i gak tơkăng kong, ai [ok thái pơkeăng kum, ngin hlo châ to\ng kum [ă hmiân tuăn khât tung pêi cheăng kâ.

Mô đo#i gak tơkăng kong Drang Phôk

{uôn Drang Phôk, ối a tơdế kong Yok Đôn, kơtăn ing tíu xiâm cheăm Kông Na, tơring {uôn Đôn, lối 20 km troăng kong. Vâ chê 10 hơnăm hiăng hluâ, kơnôm ai [ơrô khăm khu lêng [ă kuăn pơlê dêi mố đo#i gak tơkăng kong Srêpok rak ngăn ivá, mê tíu kố ôh tá ai xếo pơreăng tơngê hmân, tơngê lo mơheăm. {uôn Drang Phôk xuân ôh tá ai xếo mâu ngế ki tro hơ-ôu kâ kơ xêt, kâ hơ’nêh mâm, môi tiah a mâu pơlê kơpong hngế hngo a Tây Nguyên. Pôa Y Không, kuăn pơlê ki ối a [uôn Drang Phôk, tối, mê cho kơnôm ai khu lêng mố đo#i gâk tơkăng kong to\ng kum, hnê mơhno ăm vâi krâ nho\ng o túa ki hbrâ mơdât pơreăng [ă túa ki pôu ‘mêi ‘na kâ kơxêt kôk tối: Kuăn pơlê ngin rêh ối a kơpong hngế hngo, hdrối nah tro ta mo ôh tá ai [ok thái pơkeăng lơ ôh tá ai hngêi pơkeăng ôh. Nôkố, ai mố đo#i gâk tơkăng kong 743 kum, mê nếo ai Khu pơkuâ ngăn lêng gâk tơkăng kong troh hbru ăm pơkeăng, khăm pơlât ăm ngin. Tâng vâi krâ nho\ng o tung pơlê ngin ai ngế ki lâi ta mo vâi xuân hbru ăm pơkeăng xuân to\ng kum troh a rêm rơpo\ng hngêi [ă kum ăm kuăn pơlê kơpong hngế hngo ngin kố kâi hbrâ mơdât pơreăng. Ngin mơnê hên khât troh mâu mố đo#i.

Cho tíu ki loi tơngah dêi kuăn pơlê a tíu tơkăng kong, la mâu [ơrô khăm pơlât khu lêng-xivil dêi mố đo#i gâk tơkăng kong kong pơlê Dak Lak tá hâi ai tu\m mâu kế tơmeăm vâ kum pơlât ăm vâi krâ nho\ng o, xua ối trâm hên xơpá. Đăi u\i Đỗ Văn Diện, pơkuâ ‘na [ơrô khăm pơlât khu lêng [ă kuăn pơlê a kơpong Ia Rvê rơhêng vâ, pák^ng khu lêng gâk tơkăng kong, mâu khu râ, kơvâ cheăng rơtế veăng tơdjuôm ivá vâ ai tơ’nôm hên pơkeăng [ă kế tơmeăm pơlât kum ăm kuăn pơlê tro tâ: Vâi krâ nho\ng o akố ki hên cho hdroâng kuăn ngo. Troăng prôk a hngêi pơkeăng cheăm a ối hngế, mê ki hên vâi troh a hngêi pơkeăng khu lêng-xivil. La pơkeăng hbru ăm vâi krâ nho\ng o gá ôh tá hên. Má péa, cho ‘na kế tơmeăm xúa tung khăm pơlât bu iâ tê sap ing Khu xiâm pơkuâ ngăn lêng, mê ki hên cho khăm pơlât môi tiah hmâ tê, mê tơdroăng ki khăm pơlât ki trâu hngế tâ tá hâi ai ôh.

Khăm pơlât a hngêi pơkeăng Drang Phôk

Pák^ng khu lêng khăm pơlât a [ơrô khăm pơlât, mố đo#i gâk tíu tơkăng kong kong pơlê Dak Lak xuân hmâ tơku\m po mâu rôh khăm pơlât, hbru pơkeăng tê kơtê ăm kuăn pơlê tíu tơkăng. Kố xuân cho rôh vâ séa ngăn, mơnhên tối tơdroăng ki ta mo tung kơpong, ‘mâi rơnêu mơdêk tơdroăng ki châ tơ-[rê dêi [ơrô khăm pơlât dêi khu lêng-xivil , [ă kum hơlêm mâu tơdroăng ki xơpá [ă kuăn pơlê. Thươ\ng tă Âu Chiến Thắng, pơkuâ khu lêng Mố đo#i gâk tơkăng kong kong pơlê Dak Lak, tối: Ngin xuân ‘nâi tơdroăng ki xơpá, ôh tá ai tu\m kế tơmeăm drêng vâi krâ nho\ng o iâ châ trâm tơdroăng ki rak ngăn ivá châ chăn xuân môi tiah mâu tơdroăng pơkâ dêi tơnêi têa ‘na hbrâ mơdât mâu tơdroăng ki ta mo châi. {ă rơhêng vâ to\ng kum mâu tơdroăng ki xơpá ‘na tơdroăng ki ta mo, mâu xơpá xua tơnêi tíu ki ai xêh kơpong tơkăng kong, ngin kô pơtối kum hên hâi khế tâ nếo, tơmâng ngăn troh vâi krâ nho\ng o, xuân môi tiah mâu khu râ, kơvâ cheăng rơtế veăng to\ng kum ivá rơtế [ă vâi krâ nho\ng o rak ngăn dêi ivá châ chăn tro ‘ló vâ pơtối rêh ối krá tơniăn a tíu tơkăng kong mơjiâng tơnêi têa tơniăn le#m.

Tíu kơpong ki hngế hngo ai to tô [ă khía Tây Nguyên, mâu [ok thái pơkeăng krâ kơlo\ng a ếo ngiât dế ối veăng kum pro tơru\m pơla khu lêng [ă kuăn pơlê, rơtế tơdjuôm ivá môi hiâm mơno rak vế krá tơniăn hnoăng pơkuâ kring gâk tíu tơkăng kong, rak vế kơpong tơkăng kong Dak Lak tơniăn [ă rế hía rế mơnhông tơtêk.

Katarina Nga tơplôu [ă tơbleăng