VOV4.Sêdang - Tơ’lêi achê [ă nho\ng o, pêi tro mâu tơdroăng tơleăng, pro pơle\m [ă rơtế hnê túa pêi cheăng kâ ăm vâi krâ nho\ng o tung thôn, mê cho mâu tơdroăng ki pôa K’Rốt, krâ pơlê hiăng pêi pro tung mâu hơnăm hiăng hluâ. Tơdroăng ‘’Thôn pơlê rêh ối cheăng kâ tiô túa nếo’’ hâi kố ai hơ’muăn tối ‘na krâ pơlê mê

Vâ chê 20 hơnăm [ă tơdroăng ki pêi cheăng ‘na măt tra#n thôn, pôa K’Rôt, krâ pơlê, mơngê hdroâng kuăn ngo K’ho, ối a thôn K’long, cheăm Hiệp An, tơring Đức Trọng, kong pơlê Lâm Đồng tơmiât tiah kố, vâ châ kuăn pơlê loi tơngah, pâ nhoa#m mê athế ngăn vâi môi tiah châ chăn dêi tơná. Ôh ti xê to tiah mê, hiăng hluâ to lâi hdroh tơleăng tơdroăng ki tơxup tơbriât tơnêi, chiâk deăng hiăng châ pôa K’Rôt tơleăng chiâng tơniăn le#m. Hên rơpo\ng hiăng hlo tơdroăng ki sôk ro klêi kơ’nâi trâm hên tơdroăng ki tơhôu tơhêng, iăng dêi pó.

Pôa K’Rôt, krâ pơlê tối hnoăng cheăng măt tra#n xuân pá há, hên  roh mâu kuăn pơlê ôh tá vâ hmâng, malối tung mâu rôh mơhnhôk pleăng tơnêi, mơjiâng thôn pơlê nếo. La kơnôm ing tơdroăng ki mơ-eăm kơhnâ rơtế [ă tơdroăng ki mơhnhôk, tối tơbleăng, tơpui leăng tơtro tơdroăng, mê kuăn pơlê hiăng ‘nâi nhên: Pơtih khu ki rak liăn xua vâ kum mâu ngế kơtiê, á tơlo xua vâ kum mâu kơtiê, khu ki kring gâk pơlê pơla, cheăm bêng, rôh ki pơxiâm thế vâi veăng kum, vâi tơpui hên khât, vâi tối á xuân kơtiê, la tiah lâi vâ mơhnhôk vâi, mê á xuân veăng tơlo kum mâu ngế kơtiê. Á tơpui tối leăng ăm vâi krâ nho\ng o ‘nâi, á ôh tá la lâi pơklât thế, kố cho troăng hơlâ, tâng hlo ai tuăn hiâm hơ-ui, pin môi tiah kố, la ai ngế ki ê ối kơtiê tâ pin nếo, mê athế to\ng kum dêi pó, pin xuân kơtiê la kơtiê iâ tâ vâi, mê vâi hiăng ‘nâi hlê.

Pôa K’Rôt cho môi tung mâu ngế ki djâ troăng ahdrối tung pêi cheăng kâ rơkê a cheăm kố. Pôa K’Rôt tối rôh nah kơtiê khât, tơdroăng rêh ối dêi vâi krâ nho\ng o a thôn K’long kố bu tơkôm to a báu pêi môi rơnó, ôh tá bê kế kâ, kơklêa plâ hơnăm. Môi sao klâng, môi hơnăm bu châ lối môi tă báu, bê tu\m ăm tơdroăng ki ai hmê kâ hiăng ro khât, ôh tá tơmiât klâi troh tơdroăng ki roê xúa kế tơmeăm tung hngê [ă ăm kuăn ‘ne#ng lăm hriâm. Tơnêi gá ai la ôh tá ‘nâi pêi klâi, vâi krâ nho\ng o hmâ ăm mâu nho\ng o Xuăn mung pêt kơchâi.

Hlo pêt kơchâi [ă pêt reăng ai pơxúa ăm tơdroăng cheăng kâ, pôa K’Rôt, krâ pơlê tơmiât ‘’Mâu nho\ng o Xuăn pêi chiâng, tiah lâi pin ôh tá ‘nâi pêi?’’. Mê pôa hmếo pơ hriâm [ối túa ki pêt kơchâi, pêt reăng [ă hriâm [ối ‘na túa ki rak ngăn kơchâi, reăng. Ing mê nah troh nôkố, lối 5 sao tơnêi pêt kơchâi [ă pêt prá alâi, rêm hơnăm pôa châ xo lối 100 rơtuh liăn. Hlo pêi lo liăn tơniăn, pôa hiăng hnê vâi krâ nho\ng tung thôn pêi pro [ối. Troh nôkố lối 500 rơpo\ng rơtế veăng pêt kơchâi, reăng. Tơdroăng rêh ối dêi vâi krâ nho\ng o tung thôn hiăng hơ’lêh khât. Pôa K’Rôt tối: Nah vâi krâ nho\ng o pin pêi klâng péa rơnó, môi rơnó môi sao, mê bu châ 6 tă báu. Tâng riên báu bu kâ tê, bu phâi tê, mê tơdroăng ki le#m oh tá ai, tơdroăng ki phâi tơtô ôh tá ai, roê xúa kơmăi kơmok, tivi, rơxế honđa ôh tá ai liăn roê, mê athế pêi túa ki ê, athế pêt kơchâi, pêt reăng. Pêt kơchâi, pêt reăng, gá pro tơniăn ăm tơdroăng reh ối. Á hnê mơhno ăm vâi krâ nho\ng o pêi lo mâu hdrê reăng, mâu túa kơchâi ki krúa le#m pơtih hơlât krúa, kơte\m, plâi tô mat, su hao.

Pêi hnoăng cheăng măt tra#n thôn, pôa K’Rôt ‘nâi nhên rêm rơpo\ng, ‘nâi nhên tơdroăng rêh ối dêi rêm hngêi. Ôh ti xê to mơhnhôk vâi krâ nho\ng o rak vế tơnêi vâ pro kro mơdro\ng sap ing tơnêi ki mê, pôa K’Rôt ối kơhnâ khât tối tơbleăng mơhnhôk hdroâng kuăn ngo tơru\m, pêi pro tiô troăng hơlâ dêi luât, veăng kum mơjiâng thôn pơlê nếo, rak vế tơniăn, mơjiâng tơdroăng rêh ối hloh hlê rơkê ple\ng dêi pơlê, cheăm.

Pôa K’Rôt, krâ pơlê tối, vâ chiâng môi ngế ki châ kuăn pơlê loi tơngah, mê athế loi dêi tơná pêi pro ga kal khât, xua tơdroăng ki loi tơngah ki vâi krâ nho\ng o loi tơná, athế tơná pêi pro tơdroăng ki le\m tro. Vâ tăng tơdroăng ki loi tơngah mê krá tơniăn mê pin athế cho ngế ki djâ troăng ahdrối. Ai tiah mê ‘nôi hnoăng cheăng tối tơbleăng, mơhnhôk nếo cho tơdroăng pêi pro châ tơ-[rê: Pin hâk vâ lơ ôh, pêi hnoăng cheăng măt tra#n athế achê, kơhnâ, athế pêi tâi ivá tơná. Pin athế achê [ă vâi krâ nho\ng o, drêng vâi krâ nho\ng o trâm tơdroăng klâi ‘lo, pin athế cho ngế troh tơpui tơno, hơlêm tơdrêng [ă vâi, ki mê gá kal má môi, pêi pro tơdroăng pâ nhoa#m pơla ngế kăn [o# [ă kuăn pơlê. Pơtih ai tơdroăng ki tơxup tơbriâp tơnêi, cho môi ngế kăn [o# măt tra#n, pêi tung tôh pro pơle\m, mê pin kal achê [ă vâi krâ nho\ng o, drêng pin tối vâi xuân tơmâng, vâ vâi tơmâng, pin athế pêi tơdroăng ki ai khât, tro tơdroăng mê vâi nếo hmâng pin.

Katarina Nga tơplôu [ă tơbleăng