VOV4.Sêdang - Tiô Khu xiâm ngăn pơkeăng Pơlê kong kân Hồ Chí Minh, tung pơla hdrối kố nah, hên kong pơlê, pơlê kong kân pâ thế kum kuăn pơlê ki dế rêh ối a Pơlê kong kân Hồ Chí Minh châ vêh dêi a pơlê. Vâ pro tơ’lêi ăm kuăn pơlê vêh dêi a pơlê tơniăn, Khu xiâm ngăn pơkeăng pơlât pơcháu ăm Tíu xiâm séa ngăn mơdât pơreăng Pơlê kong kân Hồ Chí Minh xing xoăng tơmeăm ăm Tíu xiâm ngăn pơkeăng pơlê krâm, tơring ƀă pơlê kong kơdrâm Thủ Đức vâ khăm ngăn ăm mâu kuăn pơlê ki púi vâ vêh dêi a pơlê.

Kuăn pơlê a Pơlê kong kân Hồ Chí Minh kô châ khăm ngăn nhên ‘nôi hdrối vâ vêh dêi a pơlê

Khu xiâm ngăn pơkeăng pơlât xuân pâ thế Vi ƀan mâu kong pơlê, pơlê kong kân pơtroh ăm Vi ƀan mâu pơlê krâm, tơring ƀă pơlê kong kơdrâm Thủ Đức inâi mâu ngế hbrâ vâ vêh dêi a pơlê vâ pro xiâm ăm mâu pơlê krâm tơring tơkŭm khăm ngăn. Khu xiâm ngăn pơkeăng pơlât Pơlê kong kân Hồ Chí Minh xuân thế Vi ƀan mâu tơring, pơlê kong kơdrâm Thủ Đức tơrŭm ƀă Tíu xiâm ngăn pơkeăng pơlê krâm, tơring tơkŭm khăm ngăn vâ ‘nâi hôm ai pơreăng SARS-CoV-2  ăm  kuăn pơlê ƀă mâu tơdroăng khăm ngăn ki ê tiô pơkâ. Ƀă mâu ngế ki lâi yưong tĭnh kô pơlât tiô pơkâ.

Gương tơplôu ƀă tơbleăng