VOV4.Sêdang - Troh nôkố, kong pơlê Kontum hiăng pơcháu rak ngăn lối 157 rơpâu ha kong ăm lối 5 rơpâu rơpo\ng, 73 [ơrô, pơlê pơla [ă 30 khu rơpo\ng ki rak ngăn kong. Tâi tâng kơxo# liăn ‘no mơhá ăm tơdroăng ki rak ngăn kong lối 5 hơnăm hiăng hluâ lối 171 rơtal liăn. Bu riân to a 73 [ơrô, pơlê pơla, rêm hơnăm kơxo# liăn ki ‘no ăm tơdroăng ki rak ngăn kong, môi khu, pơlê pơla châ xo dâng 143 rơtuh liăn.

          Troăng hơlâ mơhá liăn ăm tơdroăng ki rak ngăn kong, pro ai pơxúa ăm pơlê pơla ki veăng rak ngăn kong a tơring Đak Tô [ă Tu Mrong cho tơdroăng ki ai pơxúa khât ‘’na hnoăng cheăng kố.

          Mâu hâi pơla apoăng khế 9 hdrối kố nah, Ko\ng ti pêi cheăng tiô rơnó môi tung khu pêt kong Đak Tô tơku\m ‘no mơhá liăn kum tơdroăng rak ngăn kong sap ing hơnăm 2012 troh hơnăm 2015 ăm 25 to pơlê, ối tung 6 to cheăm dêi péa tơring Đak Tô [ă Tu Mrong. Châ xo liăn ngân tro hâi khế vâ tơkuăm po mâu hâi leh kân, cho hâi mơjiâng tơnêi têa lơ 2 khế 9 [ă vâ roê xúa hlá mơ-éa ăm kuăn muăn mot hriâm a hơnăm nếo, mê vâi krâ-nho\ng bố bố xuân hâk nâ, sôk ro. O Y Luy, pơlê Tê Xô, cheăm Đak Tơ Kan, tơring Đak Tô ăm ‘nâi, o dế hriâm Đăi hok Sư phăm mầm non liên thong, ai tơ’nôm kơxo# liăn ki mơhá ing hnoăng rơpo\ng rak ngăn kong, xua tơnêi têa mơhá kum ăm o hmiân tuăn tâ drêng mot tung hơnăm hriâm nếo: Á dế hriâm tá hâi teăm klêi, á xo liăn ki kố vâ nâp liăn hriâm, liăn tơchuâm dêi lâm [ă roê mâu hlá mơ-éa, liăn pơtê a hngêi vâi.

          Tâi tâng tung rôh mơhá liăn ăm pêt-rak ngăn kong sap ing hơnăm 2012 troh hơnăm 2015, ai 25 to pơlê ối tung 6 to cheăm dêi péa tơring Đak Tô [ă Tu Mrong châ xo tâi tâng lối 768 rơtuh liăn. Tơdroăng ki rêm pơlê châ xo tơ’nôm lối chât rơtuh liăn [ă kơxo# liăn ki mơhá a hơnăm 2015 ai 148 rơtuh liăn, mê cho ivá kân k^n khât ăm mâu rơpo\ng hngêi tung hnoăng cheăng rak ngăn kong. Pôa A Nghĩa, krâ pơlê Đak Brông, cheăm Đak Tơ Kan, tơring Đak Tô ăm ‘nâi, pơlê Đak Brông châ tơdah xo rak ngăn vâ chê 500 ha tơnêi kong, bố bố xuân ai hnoăng cheăng rak dêi kong vâ kong rế hía rế drêh ngiât le\m: Ai 5 tôh, 118 rơpo\ng tung thôn rêm khế pơrá xing xoăng dêi rơpó môi khế môi tôh lăm ngăn kong. Rak ngăn kong vâ ai pơxúa ăm kuăn muăn tơná xo ah hmôi.

          Rơtế [ă tơdroăng hlo ai pơxúa sap ing tơdroăng rak ngăn kong, ki rơhêng vâ tối akố, sôk ro tâ cho vâi krâ-nho\ng o a 25 to pơlê, ối tung 6 to cheăm dêi 2 tơring Đak Tô [ă Tu Mrong, xua nho\ng o akố kơhnâ ‘nâng tung veăng pêt-rak ngăn kong. Xua tơdroăng ki mơhnhôk thế, to\ng kum dêi Ko\ng ti pêi cheăng tiô rơnó môi tung khu pêt kong Đak Tô, kuăn pơlê tung pơlê dế vêh pêt nếo kong tung [ăng tơnêi ki hdrối mê hía nah hiăng tro vâi hdi xo vâ pro chiâk deăng. Ngoh A Hồng, ối a pơlê Kon Hia 2, cheăm Đak Rơ Ông, tơring Đak Tô ăm ‘nâi: Vâi krâ nho\ng o hiăng rơkê ple\ng ‘na tơdroăng pêt kong ai pơxúa ăm dêi tơná. Ai rak ngăn kong, ai pêt kong ‘nôi mê nếo hlo tơdroăng ki ai pơxúa ăm kuăn muăn tơná tung xo ah hmôi.

Katarina Nga tơplôu [ă tơbleăng